Tekapo 係聯合國教科文組織認定嘅其中一個國際星空自然保護區，去得嗰道就點都會期望可以有幸睇到當地呢個咁出名嘅星空。本來係 Mount Cook 行山睇見嗰陣時啲天氣已經打定晒輸數應該唔會有星星睇今晚可以早啲上床瞓覺；點乜知柳暗花明，番到 Tekapo 個天萬里無雲，今次又幾好運係旅舍休息到 9 點幾見個天差唔多入黑，大伙兒就擸架生出車，向好牧羊人教堂出發。
係 Tekapo 玩影星星，我覺得最重要一件事係要著夠衫。之前都有提到，我哋嚟呢個時間已經算係當地嘅初夏季節，但真係估唔到世上會有咁凍嘅夏天
。好彩起程上機陣時香港都幾凍吓件羽絨有跟身，唔係今晚實在唔知點捱。
另外去之前刨刨自己部相機嘅說明書我覺得都係有需要。今次去紐西蘭之前係香港搜集行程資料時查實都有留意吓要影星空到底有啲乜要注意，但到現場真係影陣時結果都有少少搞到手忙腳亂。不過又幾好彩嗰日咁啱碰到個識講廣東話，係北島住呢次過去南島玩嘅朋友又係嗰道影星，跟據嗰位朋友教路加埋網上資料，歸納番幾樣影星空陣時要注意吓嘅事項：
第一就緊係最好有支腳架。支腳附有水平尺就最好，因為原來係影得星星嘅夜晚由相機個 viewfinder 望出去基本上係乜都睇唔到咁滯，所以影星空陣時係好難靠肉眼去睇個 view 嘅水平。
影星空個主角通常都係個天空，所以一般嘅構圖嚟講，個鏡頭通常都係對焦向無限遠。
另外除非係想影星軌，唔係的話個快門時間都有一定限制。如果個快門較得太慢，啲星就會變到唔係一點點而係一條條咁。以前用 35 mm 菲林機陣時，計快門嘅方法係將 500 除一除焦距，但因為依加好多數碼相機都有個 crop factor，所以焦距要倍番大 1.5 或 1.6。影景好多時會用比較闊嘅焦距，例如 28mm 咁嚟計，除一除個快門大約得 12 秒；我嗰日影陣時就用緊枝 12mm 嘅鏡頭，計番個快門就可以有 28 秒。
因為快門時間有限制，要啲星光咄到嚟，首先光圈要盡量較大；同埋盡量推一推個 ISO。影星空好多時個 ISO 起碼要推到千幾二千；當然 ISO 越高張相啲雜訊就越勁；個 ISO 點推法呢樣就好睇個人嘅口味嘞。
因為呢啲設定差唔多只可以用相機嘅 manual mode 去搞，一般影吓生活照旅行相好少會搞部相機嘅 manual mode，所以如果諗住個行程有機會影星星，去之前就最好做定功課刨刨部相機嘅說明書嘞。
跟番上面咁講，結果影到番嚟 Tekapo 個星空就係拱嘅樣嘞
。
難得有個咁得嘅天空襯底，玩玩吓實行以星空作畫布，嚟個新古典後現代抽象派蒙太奇歌德式嘅美術創作
。
係旅舍門口泊低架車之後再望一望個天空，見個天空啲星好似越夜越光咁又覺得有啲唔夠喉又想影過；但實在唔想再棟番起支腳架搞一大輪，於是就咁放部相機係車頂再落 timer，哈 ~ 咁影又唔係太差喎
。係教堂湖邊係咁影吓影吓，唔經唔覺就玩咗兩粒幾鐘，呢晚結果又係冇得早瞓，出車番到旅舍已經 12 點幾。今晚玩得比較夜，沖完涼上得床瞓覺已經點幾兩點，好彩之後嗰日個行程唔係太趕，第二朝唔使晨早起身。朝早起身又係簡簡單單煮個早餐，食完嘢大伙兒先係旅舍出面個空地散吓步影陣相。呢間旅舍屋外個草地的確係幾靚，可惜冇咁嘅時間，唔係的話就咁係個草地晒吓太陽睇吓書上吓網，已經可以好舒服咁消磨一個上晝。
係旅舍出面逗留咗陣影完相，我哋就執埋啲行理上車 check out，開始我哋係紐西蘭第三日嘅行程。呢日行程嘅第一站，又係番去好牧羊人教堂。話晒呢間教堂算係 Tekapo 至出名嘅地標，昨晚嚟睇完個夜景咁冇理由唔番嚟睇埋個場個日影係點
。
今早啲天氣相當唔錯，我哋先係教堂前面個停車場泊低架車，然後落車沿住個湖四圍行睇風景影相。
呢坐好牧羊人教堂，洋名叫 Church of the Good Shepherd，查實已經係 1935 年陣時嘅建築。教堂座落蒂卡波湖邊，附近一帶風景絕美，聽講話呢道係一個當地人辦婚禮嘅熱點嚟。
教堂入口處有個位擺賣明信片，教堂入面有個聖壇，聖壇前面有一個玻璃窗，窗口望出去可以遠遠咁望到南阿爾卑斯山嘅景色；唔知係咪神嘅意旨，好似個個遊客嚟嚫呢道都會係個聖壇前面咁樣影一張相。一場嚟到我亦唔執輸，整番張教堂例景先
。
之前都有提到我哋嚟呢段時間應該係紐西蘭旅遊旺季中最旺嗰幾日，嚟之前搞預訂住宿陣時已經發覺當地呢段時間好多地方啲住宿都幾緊張吓，而其中住宿最緊張嗰道就係 Tekapo。
因為我極之唔想住 Dorm Room，今次係 Tekapo 住呢間旅舍已經係嗰陣最後可以搵到有 Private Room 住嘅地方。
今次我雖然只係匆匆咁係 Tekapo 逗留咗兩日一夜，但都覺得如果今次係 Tekapo 萬一真係訂唔到地方住而要改為住附近啲小鎮例如 Twizel 或者 Fairlie 的話，事後睇番我估會係一件幾可惜嘅事。所以如果大家有機會係旺季去嗰道玩，強烈建議要盡早先搞掂嗰道啲住宿。
係 Tekapo 玩影星星，我覺得最重要一件事係要著夠衫。之前都有提到，我哋嚟呢個時間已經算係當地嘅初夏季節，但真係估唔到世上會有咁凍嘅夏天
。好彩起程上機陣時香港都幾凍吓件羽絨有跟身，唔係今晚實在唔知點捱。另外去之前刨刨自己部相機嘅說明書我覺得都係有需要。今次去紐西蘭之前係香港搜集行程資料時查實都有留意吓要影星空到底有啲乜要注意，但到現場真係影陣時結果都有少少搞到手忙腳亂。不過又幾好彩嗰日咁啱碰到個識講廣東話，係北島住呢次過去南島玩嘅朋友又係嗰道影星，跟據嗰位朋友教路加埋網上資料，歸納番幾樣影星空陣時要注意吓嘅事項：
第一就緊係最好有支腳架。支腳附有水平尺就最好，因為原來係影得星星嘅夜晚由相機個 viewfinder 望出去基本上係乜都睇唔到咁滯，所以影星空陣時係好難靠肉眼去睇個 view 嘅水平。
影星空個主角通常都係個天空，所以一般嘅構圖嚟講，個鏡頭通常都係對焦向無限遠。
另外除非係想影星軌，唔係的話個快門時間都有一定限制。如果個快門較得太慢，啲星就會變到唔係一點點而係一條條咁。以前用 35 mm 菲林機陣時，計快門嘅方法係將 500 除一除焦距，但因為依加好多數碼相機都有個 crop factor，所以焦距要倍番大 1.5 或 1.6。影景好多時會用比較闊嘅焦距，例如 28mm 咁嚟計，除一除個快門大約得 12 秒；我嗰日影陣時就用緊枝 12mm 嘅鏡頭，計番個快門就可以有 28 秒。
因為快門時間有限制，要啲星光咄到嚟，首先光圈要盡量較大；同埋盡量推一推個 ISO。影星空好多時個 ISO 起碼要推到千幾二千；當然 ISO 越高張相啲雜訊就越勁；個 ISO 點推法呢樣就好睇個人嘅口味嘞。
因為呢啲設定差唔多只可以用相機嘅 manual mode 去搞，一般影吓生活照旅行相好少會搞部相機嘅 manual mode，所以如果諗住個行程有機會影星星，去之前就最好做定功課刨刨部相機嘅說明書嘞。
跟番上面咁講，結果影到番嚟 Tekapo 個星空就係拱嘅樣嘞
。
難得有個咁得嘅天空襯底，玩玩吓實行以星空作畫布，嚟個新古典後現代抽象派蒙太奇歌德式嘅美術創作
。
係旅舍門口泊低架車之後再望一望個天空，見個天空啲星好似越夜越光咁又覺得有啲唔夠喉又想影過；但實在唔想再棟番起支腳架搞一大輪，於是就咁放部相機係車頂再落 timer，哈 ~ 咁影又唔係太差喎
。係教堂湖邊係咁影吓影吓，唔經唔覺就玩咗兩粒幾鐘，呢晚結果又係冇得早瞓，出車番到旅舍已經 12 點幾。今晚玩得比較夜，沖完涼上得床瞓覺已經點幾兩點，好彩之後嗰日個行程唔係太趕，第二朝唔使晨早起身。朝早起身又係簡簡單單煮個早餐，食完嘢大伙兒先係旅舍出面個空地散吓步影陣相。呢間旅舍屋外個草地的確係幾靚，可惜冇咁嘅時間，唔係的話就咁係個草地晒吓太陽睇吓書上吓網，已經可以好舒服咁消磨一個上晝。
係旅舍出面逗留咗陣影完相，我哋就執埋啲行理上車 check out，開始我哋係紐西蘭第三日嘅行程。呢日行程嘅第一站，又係番去好牧羊人教堂。話晒呢間教堂算係 Tekapo 至出名嘅地標，昨晚嚟睇完個夜景咁冇理由唔番嚟睇埋個場個日影係點
。
今早啲天氣相當唔錯，我哋先係教堂前面個停車場泊低架車，然後落車沿住個湖四圍行睇風景影相。
呢坐好牧羊人教堂，洋名叫 Church of the Good Shepherd，查實已經係 1935 年陣時嘅建築。教堂座落蒂卡波湖邊，附近一帶風景絕美，聽講話呢道係一個當地人辦婚禮嘅熱點嚟。
教堂入口處有個位擺賣明信片，教堂入面有個聖壇，聖壇前面有一個玻璃窗，窗口望出去可以遠遠咁望到南阿爾卑斯山嘅景色；唔知係咪神嘅意旨，好似個個遊客嚟嚫呢道都會係個聖壇前面咁樣影一張相。一場嚟到我亦唔執輸，整番張教堂例景先
。
之前都有提到我哋嚟呢段時間應該係紐西蘭旅遊旺季中最旺嗰幾日，嚟之前搞預訂住宿陣時已經發覺當地呢段時間好多地方啲住宿都幾緊張吓，而其中住宿最緊張嗰道就係 Tekapo。
因為我極之唔想住 Dorm Room，今次係 Tekapo 住呢間旅舍已經係嗰陣最後可以搵到有 Private Room 住嘅地方。
今次我雖然只係匆匆咁係 Tekapo 逗留咗兩日一夜，但都覺得如果今次係 Tekapo 萬一真係訂唔到地方住而要改為住附近啲小鎮例如 Twizel 或者 Fairlie 的話，事後睇番我估會係一件幾可惜嘅事。所以如果大家有機會係旺季去嗰道玩，強烈建議要盡早先搞掂嗰道啲住宿。
留言
發佈留言