今日行程唔係太趕，可以朝早 8 點起身慢慢煮個早餐食完至出車。今日程車係呢個旅程中最長嘅一程，目標係 Lake Tekapo 同 Mount Cook。
在較大的地圖上查看紐西蘭南島自駕遊 2014 - Lake Tekapo
上面幅地圖記低咗今日旅程中啲景點同其他有用地方，主要係啲超市嘅位置。查實上面 mark 低嗰兩間超市我哋都冇真係去過，因為之前一日係基督城已經買夠今日所需物資，不過去之前做咗記錄，都係呢道記低佢話唔定睇呢篇 blog 嘅朋友用得著。又係去之前以為 Lake Tekapo 係冇超市嘅，但實際去到時先見到原來嗰道都有間 FourSquare；不過 FourSquare 啲規模比較細，對好多旅客嚟講，去紐西蘭行超市本身已經係一件幾開心嘅旅遊項目，如果都係喜歡行啲大間啲嘅超市，由基督城去 Tekapo 途中會經過一個叫 Ashburton 嘅鎮，嗰處沿住 highway 有幾間大型超市，去 Tekapo 途中可以係嗰道停一停車入夠貨先起程過去。
今朝一早出車時天氣都算晴朗，但一路渣去 Tekapo 途中見啲雲越嚟越厚，途中仲落咗場大雨。查實去之前睇當地天氣報告係講我哋去嗰幾日當地都係局部地區性驟雨嘅天氣，可能我哋部車向住一個方向行緊，啲雲又向住唔同方向行，所以沿途啲天氣變化都幾大；落完一陣大雨，我哋到達 Tekapo 時個天色又好番少少。
由基督城上 Mount Cook 條路，點都會經一經 Tekapo 。原本我哋係諗住經過 Tekapo 時唔停低直接渣到去 Mount Cook，係 Mount Cook 先野餐再健行完之後先番 Tekapo 遊覽嘅；之但係當我哋架車渣到 Tekapo 遠遠睇到個湖，同行個朋友已經興奮到彈起；同時又見司機已經唔停咁踩咗幾粒鐘，於是就諗住泊低架車等大伙兒落車鬆一鬆。結果一落車之前唸嘅計劃一個二個就忘記晒，行吓行吓，由鬆一鬆就變成食埋飯至走。
沿住湖邊開到四圍都係嘅就係嗰處都幾出名嘅魯冰花。聽講話嗰道春天係會遍地開滿晒魯冰花；我哋嚟到嘅時間已經係當地晚春初夏時節，我估如果早三四個星期過嚟，見到啲魯冰花應該開得仲壯觀。
不過又聽講話當地人查實並唔係太喜歡呢啲魯冰花，因為佢地會佔據咗啲可耕種嘅農地，增加咗啲農民開墾土地嘅成本咁話。
係沿住個湖呢個空地行咗陣影完相，因住啲時間都唔做得逗留太奈，於是大伙兒行番出去條商店街搵食。
Tekapo 個市區查實好細，大部份商店食肆都集中晒係一條街道。我地行咗陣，搵嚟搵去結果都好似嗰間差唔多個個寫 Tekapo 嘅博客遊記都有講嘅 Kohan Restaurant 比較低食。呢間係當地一間幾出名嘅日本餐廳，係條商店街一間精品店入面，入去要先穿過間精品店。食晏嚟講，間嘢一個有飯有餸有湯嘅定食大約廿零蚊紐幣，係紐西蘭嚟講咁嘅價錢係餐廳食餐飯已經唔算貴。
食飽飽跟住就出車繼續向 Mount Cook 進發。由 Tekapo 去 Mount Cook，沿途會經過一條貼住 Lake Pukaki 嘅 Mount Cook Road，呢段路又係一條靚到呱呱叫嘅路線；沿住 Mount Cook Road 有個叫 Peter's Lookout 嘅地方，我地就係嗰道停低咗架車影咗陣相再繼續上路。
在較大的地圖上查看紐西蘭南島自駕遊 2014 - Lake Tekapo
上面幅地圖記低咗今日旅程中啲景點同其他有用地方，主要係啲超市嘅位置。查實上面 mark 低嗰兩間超市我哋都冇真係去過，因為之前一日係基督城已經買夠今日所需物資，不過去之前做咗記錄，都係呢道記低佢話唔定睇呢篇 blog 嘅朋友用得著。又係去之前以為 Lake Tekapo 係冇超市嘅，但實際去到時先見到原來嗰道都有間 FourSquare；不過 FourSquare 啲規模比較細，對好多旅客嚟講，去紐西蘭行超市本身已經係一件幾開心嘅旅遊項目，如果都係喜歡行啲大間啲嘅超市，由基督城去 Tekapo 途中會經過一個叫 Ashburton 嘅鎮，嗰處沿住 highway 有幾間大型超市，去 Tekapo 途中可以係嗰道停一停車入夠貨先起程過去。
今朝一早出車時天氣都算晴朗，但一路渣去 Tekapo 途中見啲雲越嚟越厚，途中仲落咗場大雨。查實去之前睇當地天氣報告係講我哋去嗰幾日當地都係局部地區性驟雨嘅天氣，可能我哋部車向住一個方向行緊，啲雲又向住唔同方向行，所以沿途啲天氣變化都幾大；落完一陣大雨，我哋到達 Tekapo 時個天色又好番少少。
由基督城上 Mount Cook 條路，點都會經一經 Tekapo 。原本我哋係諗住經過 Tekapo 時唔停低直接渣到去 Mount Cook，係 Mount Cook 先野餐再健行完之後先番 Tekapo 遊覽嘅；之但係當我哋架車渣到 Tekapo 遠遠睇到個湖，同行個朋友已經興奮到彈起；同時又見司機已經唔停咁踩咗幾粒鐘，於是就諗住泊低架車等大伙兒落車鬆一鬆。結果一落車之前唸嘅計劃一個二個就忘記晒，行吓行吓，由鬆一鬆就變成食埋飯至走。
沿住湖邊開到四圍都係嘅就係嗰處都幾出名嘅魯冰花。聽講話嗰道春天係會遍地開滿晒魯冰花；我哋嚟到嘅時間已經係當地晚春初夏時節，我估如果早三四個星期過嚟，見到啲魯冰花應該開得仲壯觀。
不過又聽講話當地人查實並唔係太喜歡呢啲魯冰花，因為佢地會佔據咗啲可耕種嘅農地，增加咗啲農民開墾土地嘅成本咁話。
係沿住個湖呢個空地行咗陣影完相，因住啲時間都唔做得逗留太奈，於是大伙兒行番出去條商店街搵食。
Tekapo 個市區查實好細，大部份商店食肆都集中晒係一條街道。我地行咗陣，搵嚟搵去結果都好似嗰間差唔多個個寫 Tekapo 嘅博客遊記都有講嘅 Kohan Restaurant 比較低食。呢間係當地一間幾出名嘅日本餐廳，係條商店街一間精品店入面，入去要先穿過間精品店。食晏嚟講，間嘢一個有飯有餸有湯嘅定食大約廿零蚊紐幣，係紐西蘭嚟講咁嘅價錢係餐廳食餐飯已經唔算貴。
食飽飽跟住就出車繼續向 Mount Cook 進發。由 Tekapo 去 Mount Cook，沿途會經過一條貼住 Lake Pukaki 嘅 Mount Cook Road，呢段路又係一條靚到呱呱叫嘅路線；沿住 Mount Cook Road 有個叫 Peter's Lookout 嘅地方，我地就係嗰道停低咗架車影咗陣相再繼續上路。
留言
發佈留言