時間係 2013 年 12 月 28 日至 2014 年 1 月 6 日，地點係紐西蘭南島。今次年尾安排咗十日假期，去咗紐西蘭玩咗轉自駕遊。個行程由 9 月頭開始計劃；上網初步睇完一輪資料，決定今次先集中玩南島東岸嘅景點。咁玩的話行程起點同終點就離唔開基督城同皇后鎮兩處地方。有咗呢個大綱之後就開始訂機票。格完一輪價，到 9 月尾咁上下決定選用一間唔算大嘅 Agent 嘅一個機票連租車嘅 package。
租車嚟講有樣嘢係要特別注意嘅，就係有關保險嘅問題。就今次個人經驗同一路係網上搵料所知，首先無論你好似我地今次咁係香港預先搵定租車，定去到先搵，一般租車合約只係包一個基本嘅保險。呢隻保險係有個叫 insurance excess 嘅 terms。呢個 terms 嘅意思係話 ～ 當你還番架車俾租車公司，租車公司發覺部車有乜損壞，你就要負責以呢個 excess 為上限嘅賠償。以今次我地經 Agent 租 Europcar 嘅 terms，個 excess 都要成 NZD 3,300；萬一個行程當中唔好彩部車有乜衫長褲短，要賠足呢個 excess 的話都咪話唔心痛。
為左玩得安心啲，我地今次租車就選擇買多個附加保險。以我地今次經香港 Agent 預訂租車咁情況，係香港 Agent 只會幫我地辦好基本租車手續，租車同租 GPS 嘅費用經香港 Agent 收取，加保就要去到當地取車時搞。我地到達基督城機場後，去到 Europcar 個櫃位取車時，就問埋櫃位職員加保個費用係點計，咁個櫃位職員就會拎份表俾我地睇將個 excess 降到唔同銀碼每日收幾錢；我地呢次就買左個 zero excess 加保，日費 NZD 35。
除左保險 excess 呢個問題，係今次資料搜集過程中亦發現，行程路線選擇亦有可能引至一些保險上嘅問題；因為呢個同 Day 2 其中一段路程有關係，我會係 Day 2 呢編文章中再詳細講講。
講完行嘅問題，跟住要解決住嘅問題。係紐西蘭自由行嚟講，我估大部份背包客都會先從 BBH 同 YHA 呢兩個途徑搵住宿。去呢兩個官方網址，就可以搵到唔同地區嘅 BBH 同 YHA 嘅住宿選擇。
BBH ~ http://www.bbh.co.nz/
YHA ~ http://www.yha.co.nz/
我地呢次行程嗰段時間應該係當地旅遊旺季中最旺嗰幾日，雖然已經係出發前兩個幾月開始搵住宿，但 YHA 已經冇晒我地可以接受嘅選擇 (得番啲 Dorm Room 床位)，所以今次行程清一色 book BBH。下面啲 links 係講番今次行程每一站落腳嘅 BBH 嘅居住環境俾有緣入嚟睇呢篇 blog 嘅朋友一個參考。
Day 1. 基督城 The Old Countryhouse Backpacker - 評價中等
Day 2. 蒂卡波湖 Tailor-Made-Tekapo Backpackers - 評價中上
Day 3. 奧瑪魯 Old Bones Backpacker Lodge - 評價中上
Day 4. 但尼丁 Stafford Gables Backpacker - 完全唔掂，唔建議入住
Day 5&6. 蒂阿瑙 Bob and Maxine's Backpackers - 好評推薦
Day 7. 皇后鎮 The Flaming Kiwi Backpackers - 評價中等
至於出發前嘅準備，香港去紐西蘭係免簽証嘅，有身份証護照就去得；錢我就係香港換定過去。嗰邊早晚溫差極大，雖然去嗰幾日當地已經係晚春初夏季節，但今次全程我都係著住冬天衫。以我去陣時嘅天氣情況嚟講，城市有太陽照住嘅地方一件長袖 T 裇已經舒適；但上山、大風、冇日照時就算著住件羽絨都唔覺得熱；到夜晚，例如我地係 Tekapo 睇星星嗰晚咁，只要風大少少，就算著晒羽絨都一樣凍到打冷震。因為當地唔同情況氣溫嘅差別係咁大，所以穿著嘅衣物一定要一層層洋葱式，見熱時可除低見凍就著番上身。
紐西蘭冇話特別邊幾個月係雨季，就我地去呢幾日所見，好多時都會碰到半日落雨半日天晴咁嘅天氣。因為碰到雨天嘅機會唔細，如果一碰到落雨就停步唔行走去避雨，咁就會不必要地放棄咗好多精采嘅行程；加上當地郊區好多時都會刮幾大風，如果同時又行緊條崎嶇不平嘅山路雙手又渣住部相機，要再搵多隻手渣埋把雨遮就認真係幾唔方便。所以建議一定要帶定件擋得風雨嘅雨褸（啫係唔好帶啲超市賣嗰啲用一次即棄嗰隻）過去。
食方面，紐西蘭對食品同農作物入境管制係非常嚴格嘅。第一帶咩食品過關都好記得一定要如實報關，一個唔覺意報漏咗又碰啱俾個心情唔靚嘅關員捉到咁就好麻煩。一般嚟講任何生嘅食品同種籽都無謂搏帶過去，即食麵餅乾呢類乾糧過關一般問題唔大，但呢啲食品當地超市都有大量牌子款式供應；除非你真係好咀刁唔係嗰隻牌子嗰隻味就唔食得落口，唔係的話呢類食品我覺得去到先買會比較方便。
我覺得食方面有關去到嗰邊自已煮食呢個問題反而值得計劃一吓。首先當地大部份 Backpacker 住宿都有設備幾齊全嘅厨房可以使用；加上當地任何餐廳食一餐每位百零二三百港銀落樓查實係好平常，一日三餐餐餐都咁食法十日八日旅程計落個開支查實都唔細；另外最重要嘅係當個行程係大半日係荒郊野嶺或者公路上面，你根本冇可能搵到餐廳入去醫肚；咁環境你點都要之前準備定啲蔬菜肉類，行程中夾塊三文治頂住個肚到出番城為止。所以建議執行理時點都執一兩個防漏嘅食物盒去到可以裝定啲煮好嘅食物行程中享用；鹽糖等基本調味料、膠刀膠义屋企拎好上到飛機撻好點都搵定啲旁身；細細把嘅刀仔同罐頭刀帶埋過去亦無防。
紐西蘭地方大人口稀少唔係道道都有超市餐廳，所以計劃行程時點都要計到大約有個普邊日邊啲時間係市區邊啲時候係郊區公路，邊日有需要準備定啲食物路途中食，路程中邊道有超市幾時可以去邊道補給物資等等最好都要考慮定。當地超市除左買嘢方便外，亦係旅客借洗手間方便嘅一個好去處；所以幾個大型超市品牌如 Pak'nSave，Freshchoice，Countdown，New World，FourSquare 等，計劃行程時預先搵定路途中佢地嘅位置之後會非常有用。
在較大的地圖上查看紐西蘭自駕遊 2014 - Overview
慨括咁將今次行程路線畫咗係上面幅地圖道。今次行程計劃由基督城作起點，途經 Lake Tekapo，Mount Cook，Oamaru，Dunedin，Catlins，Te Anau，Milford Sound，最後以 Queenstown 作為終點。
我地由香港搭夜晚七點半班機，當地時間次日上晝 11 點幾到達 Auckland 國際機場；由國際機場行到去內陸機場都唔係剩番好多時間俾我地 hea，晏晝 1 點上機，到晏晝兩點幾到達基督城機場。到步後搞出車保險加保等手續，順便係機場 Vodafone 櫃位買張本地電話卡上網。搞完晒都成四點幾鐘，終於囉到部車，出發去今次旅程嘅第一站 ～ 基督城。
租車嚟講有樣嘢係要特別注意嘅，就係有關保險嘅問題。就今次個人經驗同一路係網上搵料所知，首先無論你好似我地今次咁係香港預先搵定租車，定去到先搵，一般租車合約只係包一個基本嘅保險。呢隻保險係有個叫 insurance excess 嘅 terms。呢個 terms 嘅意思係話 ～ 當你還番架車俾租車公司，租車公司發覺部車有乜損壞，你就要負責以呢個 excess 為上限嘅賠償。以今次我地經 Agent 租 Europcar 嘅 terms，個 excess 都要成 NZD 3,300；萬一個行程當中唔好彩部車有乜衫長褲短，要賠足呢個 excess 的話都咪話唔心痛。為左玩得安心啲，我地今次租車就選擇買多個附加保險。以我地今次經香港 Agent 預訂租車咁情況，係香港 Agent 只會幫我地辦好基本租車手續，租車同租 GPS 嘅費用經香港 Agent 收取，加保就要去到當地取車時搞。我地到達基督城機場後，去到 Europcar 個櫃位取車時，就問埋櫃位職員加保個費用係點計，咁個櫃位職員就會拎份表俾我地睇將個 excess 降到唔同銀碼每日收幾錢；我地呢次就買左個 zero excess 加保，日費 NZD 35。
除左保險 excess 呢個問題，係今次資料搜集過程中亦發現，行程路線選擇亦有可能引至一些保險上嘅問題；因為呢個同 Day 2 其中一段路程有關係，我會係 Day 2 呢編文章中再詳細講講。
講完行嘅問題，跟住要解決住嘅問題。係紐西蘭自由行嚟講，我估大部份背包客都會先從 BBH 同 YHA 呢兩個途徑搵住宿。去呢兩個官方網址，就可以搵到唔同地區嘅 BBH 同 YHA 嘅住宿選擇。
BBH ~ http://www.bbh.co.nz/
YHA ~ http://www.yha.co.nz/
我地呢次行程嗰段時間應該係當地旅遊旺季中最旺嗰幾日，雖然已經係出發前兩個幾月開始搵住宿，但 YHA 已經冇晒我地可以接受嘅選擇 (得番啲 Dorm Room 床位)，所以今次行程清一色 book BBH。下面啲 links 係講番今次行程每一站落腳嘅 BBH 嘅居住環境俾有緣入嚟睇呢篇 blog 嘅朋友一個參考。
Day 1. 基督城 The Old Countryhouse Backpacker - 評價中等
Day 2. 蒂卡波湖 Tailor-Made-Tekapo Backpackers - 評價中上
Day 3. 奧瑪魯 Old Bones Backpacker Lodge - 評價中上
Day 4. 但尼丁 Stafford Gables Backpacker - 完全唔掂，唔建議入住
Day 5&6. 蒂阿瑙 Bob and Maxine's Backpackers - 好評推薦
Day 7. 皇后鎮 The Flaming Kiwi Backpackers - 評價中等
至於出發前嘅準備，香港去紐西蘭係免簽証嘅，有身份証護照就去得；錢我就係香港換定過去。嗰邊早晚溫差極大，雖然去嗰幾日當地已經係晚春初夏季節，但今次全程我都係著住冬天衫。以我去陣時嘅天氣情況嚟講，城市有太陽照住嘅地方一件長袖 T 裇已經舒適；但上山、大風、冇日照時就算著住件羽絨都唔覺得熱；到夜晚，例如我地係 Tekapo 睇星星嗰晚咁，只要風大少少，就算著晒羽絨都一樣凍到打冷震。因為當地唔同情況氣溫嘅差別係咁大，所以穿著嘅衣物一定要一層層洋葱式，見熱時可除低見凍就著番上身。
紐西蘭冇話特別邊幾個月係雨季，就我地去呢幾日所見，好多時都會碰到半日落雨半日天晴咁嘅天氣。因為碰到雨天嘅機會唔細，如果一碰到落雨就停步唔行走去避雨，咁就會不必要地放棄咗好多精采嘅行程；加上當地郊區好多時都會刮幾大風，如果同時又行緊條崎嶇不平嘅山路雙手又渣住部相機，要再搵多隻手渣埋把雨遮就認真係幾唔方便。所以建議一定要帶定件擋得風雨嘅雨褸（啫係唔好帶啲超市賣嗰啲用一次即棄嗰隻）過去。
食方面，紐西蘭對食品同農作物入境管制係非常嚴格嘅。第一帶咩食品過關都好記得一定要如實報關，一個唔覺意報漏咗又碰啱俾個心情唔靚嘅關員捉到咁就好麻煩。一般嚟講任何生嘅食品同種籽都無謂搏帶過去，即食麵餅乾呢類乾糧過關一般問題唔大，但呢啲食品當地超市都有大量牌子款式供應；除非你真係好咀刁唔係嗰隻牌子嗰隻味就唔食得落口，唔係的話呢類食品我覺得去到先買會比較方便。
我覺得食方面有關去到嗰邊自已煮食呢個問題反而值得計劃一吓。首先當地大部份 Backpacker 住宿都有設備幾齊全嘅厨房可以使用；加上當地任何餐廳食一餐每位百零二三百港銀落樓查實係好平常，一日三餐餐餐都咁食法十日八日旅程計落個開支查實都唔細；另外最重要嘅係當個行程係大半日係荒郊野嶺或者公路上面，你根本冇可能搵到餐廳入去醫肚；咁環境你點都要之前準備定啲蔬菜肉類，行程中夾塊三文治頂住個肚到出番城為止。所以建議執行理時點都執一兩個防漏嘅食物盒去到可以裝定啲煮好嘅食物行程中享用；鹽糖等基本調味料、膠刀膠义屋企拎好上到飛機撻好點都搵定啲旁身；細細把嘅刀仔同罐頭刀帶埋過去亦無防。
紐西蘭地方大人口稀少唔係道道都有超市餐廳，所以計劃行程時點都要計到大約有個普邊日邊啲時間係市區邊啲時候係郊區公路，邊日有需要準備定啲食物路途中食，路程中邊道有超市幾時可以去邊道補給物資等等最好都要考慮定。當地超市除左買嘢方便外，亦係旅客借洗手間方便嘅一個好去處；所以幾個大型超市品牌如 Pak'nSave，Freshchoice，Countdown，New World，FourSquare 等，計劃行程時預先搵定路途中佢地嘅位置之後會非常有用。
在較大的地圖上查看紐西蘭自駕遊 2014 - Overview
慨括咁將今次行程路線畫咗係上面幅地圖道。今次行程計劃由基督城作起點，途經 Lake Tekapo，Mount Cook，Oamaru，Dunedin，Catlins，Te Anau，Milford Sound，最後以 Queenstown 作為終點。
我地由香港搭夜晚七點半班機，當地時間次日上晝 11 點幾到達 Auckland 國際機場；由國際機場行到去內陸機場都唔係剩番好多時間俾我地 hea，晏晝 1 點上機，到晏晝兩點幾到達基督城機場。到步後搞出車保險加保等手續，順便係機場 Vodafone 櫃位買張本地電話卡上網。搞完晒都成四點幾鐘，終於囉到部車，出發去今次旅程嘅第一站 ～ 基督城。
師兄:
回覆刪除正呀, 我哋6人左十月尾去南島自駕.