哩日係我哋成個冰島行程當中最 Chur 嘅一日，朝早六點幾鐘就要執好行李上車出發。哩日上晝我哋喺 Skaftafell 預約咗個冰川健行，不過喺行冰川之前想先去 Skaftafell 附近一個叫 Svartifoss 嘅地方睇一個玄武岩瀑布。我哋由 Sólheimahjáleiga 嘅民宿出發，沿住一號公路開咗兩個幾鐘嘅車程，大約朝早九點就到達 Skaftafell 嘞。Skaftafell 嘅遊客中心有個好大嘅停車場，如果嚟玩冰川健行嘅話就通常會喺哩個停車場度泊低架車，再去位於停車場四周嘅冰川團辦事處度報團。

又係未開始講新一日嘅行程之前先講吓喺 Solheimahjaleiga 入住嘅哩間民宿 Sólheimahjáleiga Guesthouse 係點環境。

食完飯繼續沿住一號公路進發，大約半個鐘車程就到達我哋哩日入住嘅民宿 Sólheimahjáleiga Guesthouse ，下面個地圖就記錄咗由哩間民宿去到 Vik 哩段路之間，我哋到過嘅幾個地方嘅位置。我哋先喺民宿辦理入住手續同放低啲行李，之後再繼續向 Dyrhólaey 進發。

食完早餐，我哋沿住 1 號公路開車，向冰島南部嘅景點進發，第一站我哋先去 Seljalandsfoss 睇瀑布；下面個地圖就記錄咗哩段行程嘅路線。

未開始講哩日嘅行程之前，又先睇睇我哋喺 Selfoss 哩一站入住嘅哩間 Gesthus Selfoss 係點環境。

哩日金圈之旅嘅天氣相當好，全日都陽光普照。我哋去到 Gullfoss 嗰陣，遠遠望埋去已經見到大大條彩虹掛咗喺座瀑布前面。

喺 Strokkur Geyser 景區附近有兩個停車場可以泊低架車再行入景區，其中一個停車場比較近附近一個遊客中心，而我哋就喺比較近景區嗰個停車場度泊低架車；下面個地圖記錄咗哩兩個停車場同 Strokkur Geyser 嘅位置。

買完電話卡同入油卡，我哋沿住 36 號公路向住 Þingvellir 國家公園進發。喺途中經過一個地方見好多車泊咗喺度，見咁多人喺度停低心諗梗係哩度有好嘢睇喇，於是我哋又停喺度跟大隊睇睇哩度有乜正嘢嘞。

未講哩日嘅行程之前，先講吓我哋喺 Reykjavik 落腳嘅哩間 Aurora Apartments 係點環境。哩間民宿嘅接待處同真正俾人住嘅房舍係分開座落喺唔同嘅街道，而兩邊大約相隔一條街左近嘅距離；哩個接待處亦係食早餐嘅地方嚟，屋租一晚盛惠 ISK 36,036；下面個地圖就記低咗哩間民宿嘅接待處同我哋住嗰間房舍嘅位置。

哩日自從落機以後，一直都係天陰陰，不過到我哋喺民宿食完晚飯嗰陣，個太陽就忽然間出返嚟。見又有陽光，加上到夜晚九點幾哩啲時段雷市市中心已經冇晒泊車限制，於是大伙兒一於喺臨瞓前揸車出去兜陣風。

我哋坐嘅哩班機係零辰 00:25 嘅夜機嚟，班機準時出發。我哋由香港去赫爾辛基機程大約 14 個鐘，上機冇耐就開始派飯，食完飯冇耐就熄燈瞓覺。哩班芬航班機剛剛轉咗用 A350 客機，機倉個內籠都好新淨吓。

今年六月，正直冰島嘅初夏季節，我同埋幾個朋友喺冰島由 Reykjavik 出發，用咗十日時間揸車去到 Keflavik。

哩日係今次行程嘅最後一日，晏啲就要去台中機場搭飛機返香港；所以哩日都唔去得太遠，諗住都係喺台中市 hea 一陣磨到夠鐘出機場。食完早餐慢慢執好啲行李，喺飯店櫃位辦好退房手續同擺低件行李，跟住就出發去行街嘞。

行返遊客中心嗰陣亦差唔多到食晏時間，於是過馬路對面紙箱王嗰邊睇吓有乜好食嘞。

未開始講哩日嘅行程之前，先同大家睇睇今次喺清境落腳嘅哩間維也納小木屋係點環境。

哩晚食飯嘅地方，係傳說中台灣海拔最高嘅飯店 ~ 松雪樓。未開飯之前，先帶各位客官望吓哩晚嘅餐牌睇睇有乜東東食先。

由楓之谷起行向住武嶺方向進發，大約行咗廿分鐘車程，教官再喺路邊停車俾我哋落車影相。

喺香港發短訊我估九成人都係用 whatsapp，但係發覺台灣哩方面原來同香港幾唔同，嗰邊似乎大部份人都係用 line 發電話短訊；哩幾日搭巴士嗰陣望見當地人啲手機都係開住個 line 嘅畫面；而我亦係要用 line 同預約帶我上合歡山嗰個邱教官團隊嘅人聯絡。 查實喺香港同教官嗰邊預約嗰陣，佢哋已經講咗我知上山當日係晏晝一點喺清境集合上車，而當時我亦已經知會咗佢哋我喺清境將會入住邊間民宿。到去完溪頭返嚟嗰晚，我經 line 再同教官嗰邊聯絡，主要係通知佢哋我喺台中嘅電話號碼，同單聲過佢哋知我大約十二點零鐘會去到清境。

晏晝五點鐘返到台中，又未到食晚飯嘅時間，正好去宮原眼科打個白鴿轉順便食個飯前甜品嘞。

喺妖怪村行到晏晝十二點咁上下，就轉場過去溪頭自然教育園區睇睇嗰邊點環境嘞。哩度平日嘅入場費係台幣 $160，假日入場就盛惠台幣 $200。

哩日第一個目的地係溪頭嘅妖怪村。喺台中有一程 6883 號公車由干城站出發開往溪頭。哩條公車線喺台中哩邊嘅首班車喺朝早六點幾就開出，尾班車開到晏晝兩至三點。溪頭嗰邊首班車喺朝早八點半開去台中，尾班車就大約到晏晝五點零鐘。

先講吓喺新社花海哩邊撒退嘅路線。原本嘅計劃係由花海會場行番過去中興嶺嗰個公車站，坐 270 , 271 , 276 或者 277 號公車去到圓山新村站，再行過去之後嘅目的地 ~ 大坑情人橋嗰邊嘅。

哩個朝早喺酒店食完個靚早餐，八點零鐘就出門；第一個目的地係 新社花海 。新社花海係台中一年一度嘅大型農業博覽活動；哩個活動每年都係喺十一月頭至十二月頭哩段日子舉辦；2015 年嘅舉辦時間就由 11 月 7 日去到 12 月 6 日。

落咗車沿住堤岸一路行，遠遠已經可以望見嗰條長長嘅木棧道。堤岸側邊有啲賣小食嘅商店，有啲商店重會經營收費嘅洗手間。不過查實木棧道入口附近都有個免費嘅公廁，哩個公廁重要係幾乾淨的說。

查實熟食檔哩邊個環境都有啲似香港市政局啲熟食街市㗎。行過一兩個檔口，見好幾檔賣嘅菜色都差唔多，於是都係求其搵檔覺得啲枱櫈企理啲嘅坐底。

未開始哩日嘅行程之前，先帶各位團友睇睇哩幾日我哋喺台中住哩間客棧嘅早飯有啲乜東東食。

班機大約晏晝兩點到達台中機場。落機拎番件行李出到出入境大堂，第一件事先去中華電訊個櫃位出番張 7 日無限上網電話卡。

今次計劃十一月中近近哋去台中玩幾日。未開始講詳細嘅行程之前，先講講出發前要準備嘅嘢。