呢次我哋揸一程長途車嚟到 Dale Princess，原因係預訂咗去一處叫 Skomer Island 嘅 Day Tour，坐船上一座可以近距離親近 Puffin 海鸚鵡嘅島嶼遊覽，所以呢一日係我哋喺今次英國之行中最需要好天氣嘅日子。查實我哋到達 Dale Princess 嗰日黃昏啲風雨已經開始停，天空亦漸漸放晴。
呢日朝早起身見到個天差唔多萬里無雲，諗住今次總算夠運趕上一個好天可以跟預定計劃出發喇。
BTW，呢次行程唔知點解總係碰上好多墓地，呢程住宿門前又有座軍人嘅紀念墓園。
食完早餐執好行李就出車去一處叫 Martin's Haven Car Park 嘅停車場，我哋喺 Dale Princess 住宿嘅位置距離呢個停車場只係十零分鐘車程。
嗰度有間 Lockley Lodge Visitor Centre，我哋準備跟嗰個 Tour 就係由呢間 Visitor Centre 起程。點知我哋去到停車場嗰陣，出入口嘅工作人員同我哋講話呢日朝早嘅 Tour 因為太大風結果都係取消咗。原來佢哋已經用電郵通知咗我哋取消今次嘅 Tour，因為見今朝個天放晴，我一心諗住好天就一定成行啦，都冇留意望吓電話個 mailbox。冇得玩上島睇 Puffin，咁唯有改變計劃去第二處玩喇。
好彩我出發前一個月左右，上網睇英國啲旅遊資料嗰陣一個唔覺意睇到喺威爾斯一處叫 Rhossili 嘅景點。因為呢個地方係喺我定咗大約行程訂好機票之後先發現，原本我重𢲷晒頭，今次行程未必預到足夠時間插入呢個景點，結果 Rhossili 呢度就變成我哋今次威爾斯之行嘅 Plan B。
大約個零鐘車程，我哋去到 Rhossili 之後就喺一個叫 Worm’s Head Car Park 嘅停車場泊低部車。
落車之後沿住一條小徑向海邊眺望，遠遠見到 Rhossili 呢度其中一個著名景點 Worm's Head。
行到去啲近崖邊嘅位置就感覺到點解嗰日去 Skomer Island 程船要取消，嗰陣真係大風到企都企唔穩。
雖然遠遠望過去 Worm's Head 好似係一座近岸嘅島嶼，但查實佢係一座岬角，亦啫係由 Rhossili 海岸向外凸出嘅地形。
嗰日我哋睇到嘅 Worm’s Head 四周都係風高浪急，但因為呢座岬角都係 Rhossili 海岸線嘅延申，想嘅話查實係可以喺每日潮退前後嘅兩個零鐘時間經陸路行過去主島。
當然我哋嗰日就冇時間亦冇膽量咁玩喇，不過唔知平時係唔係真係有人會玩呢家嘢，嗰日我見到有隊 RNLI (應該係當地嘅救傷隊) 喺嗰度駐場睇住座島。
事實幾年前嘅 2020 年的確試過有七個 Swansea University 嘅學生喺潮漲嗰陣困咗喺島上，結果被 RNLI 嘅人員救返。
今次去 Rhossili 我哋主要想睇嘅查實唔係 Worm's Head，喺北歐好多地方每年七至八月都係兩種幾靚嘅農作物收成嘅時間，首先係七月左近嘅薰衣草田，呢隻我哋之前幾日就去睇完啦。
而到八月就係向日葵花田開花嘅時段，本來我哋七月頭去到英國想睇向日葵查實時間就唔多夾嘅，不過出發前揾資料嗰陣一個唔覺意睇到喺 Rhossili 有片向日葵花田，之前一年剛啱喺七月中開花同開放俾遊客入場參觀。
同呢次行程大部份景點一樣，參觀呢個花田都係要俾入場費，成人盛惠每位 £3.5。
講開又講，出發前我係將呢個景點放咗入去今次行程嘅監察名單，因為事實個花田會唔會喺我哋行程完結之前開花係要到我哋出發前後七月頭左近先可以喺個花田嘅 Facebook page 度查到。
而喺 Wales 除咗 Skomer Island 同 Rhossili 呢度之外，我又揾唔到其他真係好感興趣嘅景點。
但呢兩個地方去唔去得成都好睇天時地利，天氣唔好就上唔到船，季節氣候唔啱個花田遲啲開花就唔值得去，而兩處地方都要花一整日時間先去到，是但邊度去唔成就要無無聊聊是是但但揾個鎮仔行吓商場𢲷吓腳指咁攝一日時間。
因為呢啲不確定因素，加上我知道有呢個花田嗰陣已經訂好機票同預訂咗好幾個出發之後嘅住宿點，加上近 Rhossili 住宿嘅選擇又唔多，一係就太貴一係睇落唔好住，所以點揀最後兩站嘅住宿點都搞到我𢲷晒頭。
最後我就決定尾二嗰晚嘅住宿喺 Aberaman 落腳，不過如果呢次行程我哋真係去晒 Skomer Island 同 Rhossili 兩個地方，咁去完 Skomer Island 之後嗰日我哋就要行一程個幾鐘嘅回頭路去 Rhossili，之後再揸一程五個幾鐘嘅超長途車返去倫敦，咁嗰日嘅行程就會幾甘吓。
最後似乎天公都係唔想我哋玩到咁 Chur，結果 Skomer Island 呢程去唔成，俾我哋行返一條順路去完 Rhossili 就直接返倫敦。
睇啲相好似當日天氣幾好風和日麗，風和呢度之前都提過，嗰日查實係好大風吹到企都企唔穩嗰隻。而日麗嚟講，嗰日都試咗好幾次係我哋遠遠咁望見有嚿厚雲向住我哋嘅方向飄過嚟，跟住我哋就自覺自動咁著定件雨褸，然後就灑一場幾分鐘嘅大雨，到嚿雲飄走之後就可以繼續揚長於陽光之下。
查實之前去 Stonehenge 嗰陣啲天氣都係咁樣，呢個故事教訓我哋，喺英國郊遊無論天氣點好，係點都要有件防水風褸或者雨褸跟身嘅。
我哋喺 Rhossili 大約玩到四點左近就離場揸車去呢晚喺 Aberaman 嘅住宿點。
呢日朝早起身見到個天差唔多萬里無雲，諗住今次總算夠運趕上一個好天可以跟預定計劃出發喇。
BTW，呢次行程唔知點解總係碰上好多墓地，呢程住宿門前又有座軍人嘅紀念墓園。
食完早餐執好行李就出車去一處叫 Martin's Haven Car Park 嘅停車場，我哋喺 Dale Princess 住宿嘅位置距離呢個停車場只係十零分鐘車程。
嗰度有間 Lockley Lodge Visitor Centre，我哋準備跟嗰個 Tour 就係由呢間 Visitor Centre 起程。點知我哋去到停車場嗰陣，出入口嘅工作人員同我哋講話呢日朝早嘅 Tour 因為太大風結果都係取消咗。原來佢哋已經用電郵通知咗我哋取消今次嘅 Tour，因為見今朝個天放晴，我一心諗住好天就一定成行啦，都冇留意望吓電話個 mailbox。冇得玩上島睇 Puffin，咁唯有改變計劃去第二處玩喇。
好彩我出發前一個月左右，上網睇英國啲旅遊資料嗰陣一個唔覺意睇到喺威爾斯一處叫 Rhossili 嘅景點。因為呢個地方係喺我定咗大約行程訂好機票之後先發現，原本我重𢲷晒頭，今次行程未必預到足夠時間插入呢個景點，結果 Rhossili 呢度就變成我哋今次威爾斯之行嘅 Plan B。
大約個零鐘車程，我哋去到 Rhossili 之後就喺一個叫 Worm’s Head Car Park 嘅停車場泊低部車。
落車之後沿住一條小徑向海邊眺望，遠遠見到 Rhossili 呢度其中一個著名景點 Worm's Head。
行到去啲近崖邊嘅位置就感覺到點解嗰日去 Skomer Island 程船要取消，嗰陣真係大風到企都企唔穩。
雖然遠遠望過去 Worm's Head 好似係一座近岸嘅島嶼，但查實佢係一座岬角，亦啫係由 Rhossili 海岸向外凸出嘅地形。
嗰日我哋睇到嘅 Worm’s Head 四周都係風高浪急，但因為呢座岬角都係 Rhossili 海岸線嘅延申，想嘅話查實係可以喺每日潮退前後嘅兩個零鐘時間經陸路行過去主島。
當然我哋嗰日就冇時間亦冇膽量咁玩喇，不過唔知平時係唔係真係有人會玩呢家嘢，嗰日我見到有隊 RNLI (應該係當地嘅救傷隊) 喺嗰度駐場睇住座島。
事實幾年前嘅 2020 年的確試過有七個 Swansea University 嘅學生喺潮漲嗰陣困咗喺島上，結果被 RNLI 嘅人員救返。
今次去 Rhossili 我哋主要想睇嘅查實唔係 Worm's Head，喺北歐好多地方每年七至八月都係兩種幾靚嘅農作物收成嘅時間，首先係七月左近嘅薰衣草田，呢隻我哋之前幾日就去睇完啦。
而到八月就係向日葵花田開花嘅時段，本來我哋七月頭去到英國想睇向日葵查實時間就唔多夾嘅，不過出發前揾資料嗰陣一個唔覺意睇到喺 Rhossili 有片向日葵花田，之前一年剛啱喺七月中開花同開放俾遊客入場參觀。
同呢次行程大部份景點一樣，參觀呢個花田都係要俾入場費，成人盛惠每位 £3.5。
講開又講，出發前我係將呢個景點放咗入去今次行程嘅監察名單，因為事實個花田會唔會喺我哋行程完結之前開花係要到我哋出發前後七月頭左近先可以喺個花田嘅 Facebook page 度查到。
而喺 Wales 除咗 Skomer Island 同 Rhossili 呢度之外，我又揾唔到其他真係好感興趣嘅景點。
但呢兩個地方去唔去得成都好睇天時地利，天氣唔好就上唔到船，季節氣候唔啱個花田遲啲開花就唔值得去，而兩處地方都要花一整日時間先去到，是但邊度去唔成就要無無聊聊是是但但揾個鎮仔行吓商場𢲷吓腳指咁攝一日時間。
因為呢啲不確定因素，加上我知道有呢個花田嗰陣已經訂好機票同預訂咗好幾個出發之後嘅住宿點，加上近 Rhossili 住宿嘅選擇又唔多，一係就太貴一係睇落唔好住，所以點揀最後兩站嘅住宿點都搞到我𢲷晒頭。
最後我就決定尾二嗰晚嘅住宿喺 Aberaman 落腳，不過如果呢次行程我哋真係去晒 Skomer Island 同 Rhossili 兩個地方，咁去完 Skomer Island 之後嗰日我哋就要行一程個幾鐘嘅回頭路去 Rhossili，之後再揸一程五個幾鐘嘅超長途車返去倫敦，咁嗰日嘅行程就會幾甘吓。
最後似乎天公都係唔想我哋玩到咁 Chur，結果 Skomer Island 呢程去唔成，俾我哋行返一條順路去完 Rhossili 就直接返倫敦。
睇啲相好似當日天氣幾好風和日麗，風和呢度之前都提過，嗰日查實係好大風吹到企都企唔穩嗰隻。而日麗嚟講，嗰日都試咗好幾次係我哋遠遠咁望見有嚿厚雲向住我哋嘅方向飄過嚟，跟住我哋就自覺自動咁著定件雨褸，然後就灑一場幾分鐘嘅大雨，到嚿雲飄走之後就可以繼續揚長於陽光之下。
查實之前去 Stonehenge 嗰陣啲天氣都係咁樣，呢個故事教訓我哋，喺英國郊遊無論天氣點好，係點都要有件防水風褸或者雨褸跟身嘅。
我哋喺 Rhossili 大約玩到四點左近就離場揸車去呢晚喺 Aberaman 嘅住宿點。
留言
發佈留言