文章

顯示從 2015 起發佈的文章

閒遊明洞 - 韓國冬日滑雪自由行

哩日係我哋今次韓國之旅嘅最後一日,夜晚八點就要由仁川機場坐飛機番香港。得大半日時間唔去得太遠嘅地方,哩日我哋都係喺番明洞行街買嘢。唔使遠行可以玩得 Hea 啲,哩日朝早十點先出門,先搞掂酒店 checkout 同放低啲行李喺酒店度,跟住就出街食早餐嘞。

Rail Bike 江村鐵路自行車 - 韓國冬日滑雪自由行

哩日行程嘅第一站,係朝早先去春川踩一轉 Rail Bike 江村鐵路自行車。未講哩日朝早嘅行程點玩之前,想先講吓預訂 Rail Bike 車飛哩個問題。由首爾坐地鐵去到江村 Rail Park 其中一個起點金裕貞站,閒閒哋都講緊要兩個鐘頭車程;如果去到先發現個場客滿冇車,來回成四個鐘咁白行一趟嘅話,你都咪話唔陰公。所以今次點都想喺出發前搵辦法先辦妥哩轉 Rail Bike 嘅預訂,以免到時長途拔涉咁去到要摸門釘咁慘。

大阜島.日落樓愛島 - 韓國冬日滑雪自由行

番過嚟樓愛島哩邊查實主要有兩個目的,首先係因為見哩日天色唔錯,樓愛島係大阜島哩邊其中一個睇日落嘅絕佳地點嚟,所以諗住番過嚟樓愛島哩邊睇埋哩度嘅日落先回程番首爾;而另一個目的,就係想趁住潮漲嘅哩段時間,睇吓通向樓愛島哩條海路喺海中消失嗰陣嘅景象。

大阜島.海邊香氣公園 (대부 바다향기테마파크) - 韓國冬日滑雪自由行

由樓愛島哩邊去海邊香氣公園,要坐由大阜島開去安山方向嘅 123 號巴士。下面個地圖就記低咗哩個公園同附近幾個巴士站嘅位置。嗰日我搭巴士去到 방아머리제1주차장 站落車;喺未入去個公園之前,先要搵咗地方醫肚先有氣力繼續行。

大阜島.消失的海路 - 韓國冬日滑雪自由行

哩日倒塔咁早六點幾鐘就要起身,梳洗完跟手喺酒店房食埋個快嘅早餐,七點前就出咗門口,去搭明洞 4 號線開去安山站嘅鐵道列車。

大阜島 (대부도) 交通篇 - 韓國冬日滑雪自由行

番到首爾之後第一日嘅行程,係去一處叫大阜島 (대부도) 嘅地方度觀光;大阜島係喺京畿道安山市嘅一個島嶼嚟。查實大阜島哩處地方唔係好多外地遊客會去,網上好少有關去哩度嘅資料,結果我出發前都搞咗好奈先搵得齊去哩度嘅交通方法;因此未開始講哩一日嘅行程之前,想先講吓點搭車去哩度。

首爾住宿 Hotel Prince Seoul & 全州中央會館 - 韓國冬日滑雪自由行

我哋坐架 Purple Bus 差唔多晏晝五點鐘到達蠶室;落車第一件事先要截的士車我哋去之前預訂咗喺明洞嘅酒店。哩晚都好塞車吓,由蠶室差唔多坐咗成個鐘車我哋先到達明洞。

平昌鱒魚節 (평창송어축제) - 韓國自由行

年紀大機器壞,以前去到滑雪場連踩四五日可以面不改容,家陣實在係冇咁嘅體力再咁樣玩法。於是今次計劃去龍平玩呢幾日當中,其中一日我哋會放低塊滑雪板,出走去玩玩當地一個節興活動 ~ 平昌鱒魚節 (평창송어축제)。

橫溪覓食記 - 韓國冬日滑雪自由行

呢一日我哋全日都係玩滑雪。朝早我哋喺酒店房自己煮早餐食,食完就落 Dragon Plaza 買 Day Time 2 ~ 10:00-16:30 時段嘅 Lift Pass 同租滑雪用具;由朝早到晏晝我哋都係逗留喺滑雪場度。

龍平滑雪 & 橫溪 (횡계) 大關嶺韓牛村 (대관령한우타운) - 韓國滑雪自由行

我哋今朝十一點零鐘到步,但酒店嗰邊要到晏晝兩點至可以 check in ;冇計唯有放低啲行李先去食晏。我哋喺 Dragon Plaza 搵咗間中華料理醫肚;食完飯行番去酒店 Check in 同換衫,再番到滑雪場嗰陣查實都已經幾晏吓。雖然有啲蝕鐘,但我哋都照玩咗 12:30 - 16:30 嗰場嘅滑雪時段。

龍平滑雪渡假村 - 韓國自由行

先講吓呢度龍平滑雪渡假村係點環境。我哋到步落車嘅地方係呢度一個穿梭巴士停車場;喺呢個停車場會見到兩隻唔同顏色嘅巴士;紫色呢隻 Purple Bus 就係我哋由首爾坐過嚟龍平嘅巴士,相信主要係用嚟行長途線嘅巴士嚟。

向龍平進發 - 韓國冬日滑雪自由行

喺講呢日嘅行程之前,先講吓我哋今次去龍平嘅交通安排。我哋大約十一月頭跟住呢個龍平 官方網頁 俾嘅 電郵地址 ,出咗封電郵問點買飛搭穿梭巴士去龍平。佢哋嗰邊都覆得好快,第二日就經電郵俾齊成套買車飛嘅資料過我哋。

東大門 - 韓國冬日滑雪自由行

我哋大約晏晝四點零鐘到達仁川機場。查實到步呢日嘅天氣相當唔錯,我哋落機嗰陣望出窗外仲見住個橙紅色嘅落日;排隊過海關跟手拎番件行李,出到入境大堂陣時個天都差唔多黑齊。

韓國冬日滑雪自由行 2015 - 準備篇

今年年尾又嚟一次跨年旅行;今次我哋嘅目的地係韓國。喺呢次旅程嘅頭幾日我哋會先去龍平玩幾日滑雪,同參加當地一個冬日節興活動。之後番去首爾作為基地,從首爾出發再去春川同安山玩嗰度一帶啲景點。 行程前嘅準備方面,首先係要預訂好來回仁川嘅機票,首爾同滑雪場嘅住宿,同埋來回滑雪場嘅交通安排。