班機喺朝早六點半咁上下到達 Heathrow Airport，出發前一個星期我已經聯絡過倫敦嗰兩晚住宿嘅屋主，事關佢間屋正式入住嘅時間係上晝 11 點，我哋班機又咁早到達，就諗住想問吓佢方唔方便喺佢間屋揾個位置俾我哋入得房之前先擺低啲行李咁啦，點知條友成個星期都唔覆我，我上機前幾個鐘再留言俾佢，諗住嗰陣當地時間都晏晝兩三點而我哋第二朝就到，咁你起碼都要覆我點開你間屋度門放我哋入屋呱，點知依然係音訊全無。
到上機嗰陣我重一路擔心梗個屋主搞邊科一陣去到會唔會摸門釘，好在落機換咗張電話卡上返網冇幾耐，終於見到佢覆我大門密碼同可以入房前喺佢廚房度先擺住啲行李。講開電話卡，今次出門英國張電話卡係喺鴨寮街出咗張 3UK 10GB 無限電話同 SMS 嘅 SIM Card，每張盛惠 HKD 78，喺英國嗰十幾日用呢張卡上網冇遇過啲乜嘢問題。
過完海關出到機場嘅入境大堂，第一件事先要出張 Oyster Card，之後三日穿梭倫敦交通都要靠佢。
遊走倫敦市中心嚟講，其中一個最平最方便嘅交通工具應該係 London Underground、又或者叫 The Tube，而科水搭 Tube 最方便嘅支付工具應該就係 Oyster Card。
我哋去到機場個入境大堂，第一件事先要揾部售票機出張 Oyster Card。
呢張 Oyster Card 有好幾個買法，例如留喺倫敦嘅時間比較長嘅話可能會考慮買 7 Days/ One Month Travelcard；而今次我哋喺倫敦只係玩兩日，所以簡簡單單出卡同時 Top Up 入錢落張卡度就可以。出一張 Oyster Card 嘅收費包括 £7 嘅 Deposit 同首次 Top Up 張卡嘅車費，例如今次我哋預算兩日倫敦嘅行程需要廿零鎊嘅車費，於是喺售票機度就選擇 Top Up Pay £30，加上 £7 Deposit，咁出一張卡就盛惠 £37，部機接受 Contactless 嘅 Credit Card 或者 Debit Card 俾錢。當中嗰 £7 嘅 Deposit 以前係有啲機制可以回水或者 Credit 返入張卡度搭車用嘅，但 2022 年 9 月 4 日後買嘅卡就冇呢支歌仔唱，嗰 £7 就當作係買卡嘅收費再冇得回水了。
坐 London Underground 嚟講，雖然係可以唔買 Oyster Card 改為逐次買 Tube Ticket，不過逐次買 Tube Ticket 嘅收費係比用 Oyster Card 貴好多，嗰種收費水平基本上係等同迫啲乘客用 Oyster Card。例如喺 Underground Zone 1 內坐一程車，用 Oyster Card 喺非繁忙時段內每程收費係 £2.7，繁忙時段就每程 £2.8，而逐次買 Tube Ticket 嘅 Cash Single Fee 就要 £6.7，£4 一程嘅差價，只要行程內用 Oyster Card 搭到兩次 Underground 嘅話就可以將買 Oyster Card 嗰 £7 收費回本有凸。
除咗每次車費比較平之外，用 Oyster Card 搭 Tube 每日車資亦有個上限，當日車費如果超過上限嘅話全日亦只會扣上限嘅車資。由 2023 年 3 月5 日起計，倫敦 Zone 1-2 嘅 Oyster Daily Cap 係 £8.1，我哋第一日由 Heathrow Airport 上車去倫敦市中心嘅 Victoria Station 要由 Zone 6 搭到 Zone 1 ，咁當日嘅 Cap 就要 £14.9；如果當日使用 Oyster Card 齋搭巴士嘅話嗰日嘅 Cap 會重平啲。
到上機嗰陣我重一路擔心梗個屋主搞邊科一陣去到會唔會摸門釘，好在落機換咗張電話卡上返網冇幾耐，終於見到佢覆我大門密碼同可以入房前喺佢廚房度先擺住啲行李。講開電話卡，今次出門英國張電話卡係喺鴨寮街出咗張 3UK 10GB 無限電話同 SMS 嘅 SIM Card，每張盛惠 HKD 78，喺英國嗰十幾日用呢張卡上網冇遇過啲乜嘢問題。
過完海關出到機場嘅入境大堂，第一件事先要出張 Oyster Card，之後三日穿梭倫敦交通都要靠佢。
遊走倫敦市中心嚟講，其中一個最平最方便嘅交通工具應該係 London Underground、又或者叫 The Tube，而科水搭 Tube 最方便嘅支付工具應該就係 Oyster Card。
我哋去到機場個入境大堂，第一件事先要揾部售票機出張 Oyster Card。
呢張 Oyster Card 有好幾個買法，例如留喺倫敦嘅時間比較長嘅話可能會考慮買 7 Days/ One Month Travelcard；而今次我哋喺倫敦只係玩兩日，所以簡簡單單出卡同時 Top Up 入錢落張卡度就可以。出一張 Oyster Card 嘅收費包括 £7 嘅 Deposit 同首次 Top Up 張卡嘅車費，例如今次我哋預算兩日倫敦嘅行程需要廿零鎊嘅車費，於是喺售票機度就選擇 Top Up Pay £30，加上 £7 Deposit，咁出一張卡就盛惠 £37，部機接受 Contactless 嘅 Credit Card 或者 Debit Card 俾錢。當中嗰 £7 嘅 Deposit 以前係有啲機制可以回水或者 Credit 返入張卡度搭車用嘅，但 2022 年 9 月 4 日後買嘅卡就冇呢支歌仔唱，嗰 £7 就當作係買卡嘅收費再冇得回水了。
坐 London Underground 嚟講，雖然係可以唔買 Oyster Card 改為逐次買 Tube Ticket，不過逐次買 Tube Ticket 嘅收費係比用 Oyster Card 貴好多，嗰種收費水平基本上係等同迫啲乘客用 Oyster Card。例如喺 Underground Zone 1 內坐一程車，用 Oyster Card 喺非繁忙時段內每程收費係 £2.7，繁忙時段就每程 £2.8，而逐次買 Tube Ticket 嘅 Cash Single Fee 就要 £6.7，£4 一程嘅差價，只要行程內用 Oyster Card 搭到兩次 Underground 嘅話就可以將買 Oyster Card 嗰 £7 收費回本有凸。
除咗每次車費比較平之外，用 Oyster Card 搭 Tube 每日車資亦有個上限，當日車費如果超過上限嘅話全日亦只會扣上限嘅車資。由 2023 年 3 月5 日起計，倫敦 Zone 1-2 嘅 Oyster Daily Cap 係 £8.1，我哋第一日由 Heathrow Airport 上車去倫敦市中心嘅 Victoria Station 要由 Zone 6 搭到 Zone 1 ，咁當日嘅 Cap 就要 £14.9；如果當日使用 Oyster Card 齋搭巴士嘅話嗰日嘅 Cap 會重平啲。
留言
發佈留言