英國地鐵 - 倫敦 Underground 路線查詢 如何轉車

明白 Oyster Card 點買之後，跟住就講吓喺倫敦搭 Tube 轉車嘅問題嘞。喺 Appstore 或者 Playstore 度可以揾到好幾個可以查到倫敦嘅公共交通轉線資訊嘅 App，而今次我就用咗 Citymapper 呢個 App 去查倫敦 Underground 嘅路線。


最初我未出發之前喺香港試玩個 App 嗰陣，諗住都係喺個 App 度簡單輸入開始同終點站嘅站名，跟住睇返喺邊個站轉車就可以。


不過嗰陣見個 App 除咗啲站名之外，另外重有啲路線名例如 Circle Eastbound、Nothern Southbound 之類，最初都唔係好睇得明呢啲路線名係點用，嘗試喺個 Tube Map 度追吓啲路線，睇見個 Map 上面多如繁星嘅站點之後就更加一頭霧水，後來喺倫敦落到啲 Underground Station 轉過幾轉車之後先開始明白啲路線名係點用。


香港地鐵標記路線同行車方向通常係用車站嘅名稱，例如屯馬線向烏溪沙方向，或者荃灣線向金鐘方向等等；而英國地鐵啲路線名好似 Circle、District、Northern 等等，呢啲路線名稱嘅起源好多可以追朔到上世紀三四十年代甚至更早，佢哋有啲可能同當時起條路線嘅公司名稱相關，有啲係因應當時嘅規劃方向藍圖而命名，但有時又會因為戰亂冇實行到個規劃而個路線名稱又照用返，又有啲名稱係同當時一啲歷史事件相關等等，總之呢啲路線名稱好多已經同依家路線中嘅站點或者附近嘅地理名稱冇乜直接關係。而嗰啲東南西北嘅 Eastbound、Northbound 等等查實係行車方向，啫等於港鐵嘅往荃灣方向或者金鐘方向等等。

例如我剛剛行完 Oxford Street，諗住下一站想去 Waterloo 站坐一轉車站附近嘅 London Eye，咁我就會先去 Oxford Circus 站，


查一查 CityMapper，入車站之後跟住啲水牌先揾 Central Line Eastbound 嘅月台，上車搭一個站喺 Tottenham Court Road 站轉車。


之後再揾 Northern Line Southbound 嘅月台，搭四個站就可以去到 Waterloo Station。