到第八日嘅行程，呢日晨咁早就醒咗，望出窗外見個太陽都係剛剛升起冇幾耐，於是順手隔住塊玻璃影吓日出。
梳洗完我哋先要去餐廳刷返餐，呢間酒店早餐個排場都見得吓人，嚟越南咁多日，發覺呢度不論大細酒店做早餐嘅水準都相當唔錯。
食完早餐返一返房執拾吓呢日嘅行裝，跟住我哋就準備出門嘞。
呢日我哋諗住去巴拿山行吓，由峴港去巴拿山要大半個鐘嘅車程，我哋經 Grab 約車，車費就盛惠 VND 338,000。
我哋朝早 10:30 左右就去到巴拿山嘅一個停車場，由呢個停車場到巴拿山售票處嘅入口重有一段距離，不過汽車唔可以由呢度直接駛進售票處嘅入口。
喺呢度我哋要再轉一程免費嘅電動車先去到售票處。
落車之後我哋先去售票處度買飛入場。
呢度外地遊客嘅成人入場費盛惠每位 VND 750,000。
買齊飛跟住就準備入場嘞，巴拿山售票區嘅地方相當之大。
入場之後會先通過一座城樓，城樓內主要係一堆以佛教作為主題嘅園藝建築。
未座纜車去其他景點之前我哋先喺呢度巡一轉。
城樓內嘅園景主要係啲佛像同中式嘅池塘之類，地方好大。
不過類似嘅佛寺園景喺香港都有唔少，以我哋香港人睇嘅角度感覺就冇乜特別。
係咁咦巡過吓呢度嘅園景，跟住就塔纜車去其他嘅場地嘞。
巴拿山幾個主要景點係經數條登山纜車線連接，喺網上搵到下面呢張纜車路線圖。
坐纜車嚟講，一般嘅路線係由售票處入場之後，先去 Hoi An Station 坐纜車去 Marseille Station。
行一行巴拿山其中一個主要景點佛手金橋，再經 Le Jadin Station 坐一程有軌纜車去 D'amour Station。
再由 Debay Station 坐去 Morin Station，行完山頂嘅景點，經 L'indochine Station 落返去 To Tien Station，由 L'indochine Station 至 To Tien Station 呢段纜車亦係全球最長嘅纜車線嚟。
我哋就跟住呢條路線，先由 Hoi An Station 坐纜車去 Marseille Station。
一出站就見到嗰條傳說中嘅佛手金橋 (Golden Bridge)。
呢條金橋連接纜車站同一幅斜坡另一邊嘅公園。
金橋喺 2018 年年中落成，位於海拔 1400 米嘅半空，係峴港其中一個熱門嘅打卡景點。
呢條金色嘅空中走廊長 150 米，橋身以兩隻巨型佛手支撐。
兩隻佛手表面上係兩座石雕建築，但實際上呢兩隻手係由鋼網同玻璃纖維製成。
過咗佛手橋之後就係一座公園。
我哋跟住啲指示牌先去一座酒窖行吓。
由座酒窖行返出嚟有個花園，遊完花園我哋就行返去 Le Jadin Station 排隊。
喺呢度坐一程有軌纜車去下一個車站 D'amour Station。
出咗車站之後再行去另一個車站 Debay Station，由呢個站坐一程登山纜車去到巴拿山其中一個山頂站 Morin Station。
唔知咁算係有運定冇運嘞，呢一日俾我哋把握到陽光最好嗰段時間去行金橋，之後坐纜車上山頂嗰陣天色已經變成烏雲密佈，山雨欲來。
山頂呢度主要係玩吓啲機動遊戲，有幾間餐廳可以坐低食吓嘢，同喺最高點有座佛寺可以行上去睇吓風景。
出咗纜車站見個天色越來越差，我哋就諗住去排隊玩咗過山車先，事關過山車係呢度唯一喺室外玩嘅機動遊戲。
可惜排咗冇幾耐四周開始起霧，跟住就嚟個橫風橫雨。
我哋唯有哩返入室內機動遊樂場打返陣機再去食個晏，希望晏啲天氣好返啲再玩過喇。
喺山頂呢度都有幾間餐廳，不過落住大雨我哋又冇帶遮，就求其撞入去其中一間，呢餐我哋三個人落樓埋單盛惠 VND 554,000。
剛好食完飯場雨就停咗陣，我哋把握機會再去排過山車。
出發前原本對巴拿山呢隻手動過山車有啲期望，一來見好多遊記都有提過呢隻過山車，二來之前喺瑞士玩過隻類似嘅 Toboggan Run 嗰陣覺得真係幾掂。
不過今次玩過呢隻手動過山車之後查實感覺有啲失望，同喺瑞士玩嘅 Toboggan Run 一樣，呢隻過山車本應都係用一支操控桿去控制行車嘅速度，但實際玩落發覺就算完全唔郁支捍查實車速本身都唔係快，我亦唔敢將支桿推得太盡驚推停咗部車影響到後面，結果就係全程都冇控制梗部車嘅感覺，加上呢隻過山車全程只係氹氹轉咁落斜，成個玩法就只係一個兒童版嘅過山車冇乜特別。
過山車落車站嘅出口就係一個室內遊樂場，入面主要係一啲例如碰碰車、跳樓機之類嘅機動遊戲，同埋大量街機可以任打唔嬲。
因為啲街機嘅數量真係好多，所以完全唔使排隊，見邊部啱玩埋位就打得，我就係咁咦打咗幾鋪機，跟住行返出室外見到又落返雨。
嚟到呢度喺巴拿山要睇嘅都睇得七七八八，我哋向住山頂最高點嘅一座佛寺行過去，諗住上去睇吓風景 Hea 多一陣就回程。
查實呢個主題公園都算搞得有啲騎呢，又法國莊園又佛廟又機舖又機動遊戲雜不甩咁炒埋一碟。
我哋喺佛寺 Hea 完就原路行返去 L'indochine Station，準備坐纜車返歸回程。
之前都有提過，巴拿山呢個主題公園係經由幾條登山纜車線接駁園區入面唔同嘅遊樂設施。
而我哋回程呢段由 L'indochine Station 至 To Tien Station 嘅纜車線，全長 5,801 m，落差 1,368 m，兩項都係世界紀錄嚟。
越南雖然都重係發展中國家，不過呢啲登山纜車都係以歐洲標準興建，原料機械都係從德國、瑞士同瑞典進口，所以應該都好安全。
離場之後原本諗住電召 Grab 車返歸嘅，不過我哋一行出樂園出口就見四圍都係司機向離場嘅遊客兜生意，我哋是但問咗其中一個報價 VND 350,000，價錢同我哋去程都差唔多，於是就跟佢上車回程返峴港市嘞。
梳洗完我哋先要去餐廳刷返餐，呢間酒店早餐個排場都見得吓人，嚟越南咁多日，發覺呢度不論大細酒店做早餐嘅水準都相當唔錯。
食完早餐返一返房執拾吓呢日嘅行裝，跟住我哋就準備出門嘞。
呢日我哋諗住去巴拿山行吓，由峴港去巴拿山要大半個鐘嘅車程，我哋經 Grab 約車，車費就盛惠 VND 338,000。
我哋朝早 10:30 左右就去到巴拿山嘅一個停車場，由呢個停車場到巴拿山售票處嘅入口重有一段距離，不過汽車唔可以由呢度直接駛進售票處嘅入口。
喺呢度我哋要再轉一程免費嘅電動車先去到售票處。
落車之後我哋先去售票處度買飛入場。
呢度外地遊客嘅成人入場費盛惠每位 VND 750,000。
買齊飛跟住就準備入場嘞，巴拿山售票區嘅地方相當之大。
入場之後會先通過一座城樓，城樓內主要係一堆以佛教作為主題嘅園藝建築。
未座纜車去其他景點之前我哋先喺呢度巡一轉。
城樓內嘅園景主要係啲佛像同中式嘅池塘之類，地方好大。
不過類似嘅佛寺園景喺香港都有唔少，以我哋香港人睇嘅角度感覺就冇乜特別。
係咁咦巡過吓呢度嘅園景，跟住就塔纜車去其他嘅場地嘞。
巴拿山幾個主要景點係經數條登山纜車線連接，喺網上搵到下面呢張纜車路線圖。
坐纜車嚟講，一般嘅路線係由售票處入場之後，先去 Hoi An Station 坐纜車去 Marseille Station。
行一行巴拿山其中一個主要景點佛手金橋，再經 Le Jadin Station 坐一程有軌纜車去 D'amour Station。
再由 Debay Station 坐去 Morin Station，行完山頂嘅景點，經 L'indochine Station 落返去 To Tien Station，由 L'indochine Station 至 To Tien Station 呢段纜車亦係全球最長嘅纜車線嚟。
我哋就跟住呢條路線，先由 Hoi An Station 坐纜車去 Marseille Station。
一出站就見到嗰條傳說中嘅佛手金橋 (Golden Bridge)。
呢條金橋連接纜車站同一幅斜坡另一邊嘅公園。
金橋喺 2018 年年中落成，位於海拔 1400 米嘅半空，係峴港其中一個熱門嘅打卡景點。
呢條金色嘅空中走廊長 150 米，橋身以兩隻巨型佛手支撐。
兩隻佛手表面上係兩座石雕建築，但實際上呢兩隻手係由鋼網同玻璃纖維製成。
過咗佛手橋之後就係一座公園。
我哋跟住啲指示牌先去一座酒窖行吓。
由座酒窖行返出嚟有個花園，遊完花園我哋就行返去 Le Jadin Station 排隊。
喺呢度坐一程有軌纜車去下一個車站 D'amour Station。
出咗車站之後再行去另一個車站 Debay Station，由呢個站坐一程登山纜車去到巴拿山其中一個山頂站 Morin Station。
唔知咁算係有運定冇運嘞，呢一日俾我哋把握到陽光最好嗰段時間去行金橋，之後坐纜車上山頂嗰陣天色已經變成烏雲密佈，山雨欲來。
山頂呢度主要係玩吓啲機動遊戲，有幾間餐廳可以坐低食吓嘢，同喺最高點有座佛寺可以行上去睇吓風景。
出咗纜車站見個天色越來越差，我哋就諗住去排隊玩咗過山車先，事關過山車係呢度唯一喺室外玩嘅機動遊戲。
可惜排咗冇幾耐四周開始起霧，跟住就嚟個橫風橫雨。
我哋唯有哩返入室內機動遊樂場打返陣機再去食個晏，希望晏啲天氣好返啲再玩過喇。
喺山頂呢度都有幾間餐廳，不過落住大雨我哋又冇帶遮，就求其撞入去其中一間，呢餐我哋三個人落樓埋單盛惠 VND 554,000。
剛好食完飯場雨就停咗陣，我哋把握機會再去排過山車。
出發前原本對巴拿山呢隻手動過山車有啲期望，一來見好多遊記都有提過呢隻過山車，二來之前喺瑞士玩過隻類似嘅 Toboggan Run 嗰陣覺得真係幾掂。
不過今次玩過呢隻手動過山車之後查實感覺有啲失望，同喺瑞士玩嘅 Toboggan Run 一樣，呢隻過山車本應都係用一支操控桿去控制行車嘅速度，但實際玩落發覺就算完全唔郁支捍查實車速本身都唔係快，我亦唔敢將支桿推得太盡驚推停咗部車影響到後面，結果就係全程都冇控制梗部車嘅感覺，加上呢隻過山車全程只係氹氹轉咁落斜，成個玩法就只係一個兒童版嘅過山車冇乜特別。
過山車落車站嘅出口就係一個室內遊樂場，入面主要係一啲例如碰碰車、跳樓機之類嘅機動遊戲，同埋大量街機可以任打唔嬲。
因為啲街機嘅數量真係好多，所以完全唔使排隊，見邊部啱玩埋位就打得，我就係咁咦打咗幾鋪機，跟住行返出室外見到又落返雨。
嚟到呢度喺巴拿山要睇嘅都睇得七七八八，我哋向住山頂最高點嘅一座佛寺行過去，諗住上去睇吓風景 Hea 多一陣就回程。
查實呢個主題公園都算搞得有啲騎呢，又法國莊園又佛廟又機舖又機動遊戲雜不甩咁炒埋一碟。
我哋喺佛寺 Hea 完就原路行返去 L'indochine Station，準備坐纜車返歸回程。
之前都有提過，巴拿山呢個主題公園係經由幾條登山纜車線接駁園區入面唔同嘅遊樂設施。
而我哋回程呢段由 L'indochine Station 至 To Tien Station 嘅纜車線，全長 5,801 m，落差 1,368 m，兩項都係世界紀錄嚟。
越南雖然都重係發展中國家，不過呢啲登山纜車都係以歐洲標準興建，原料機械都係從德國、瑞士同瑞典進口，所以應該都好安全。
離場之後原本諗住電召 Grab 車返歸嘅，不過我哋一行出樂園出口就見四圍都係司機向離場嘅遊客兜生意，我哋是但問咗其中一個報價 VND 350,000，價錢同我哋去程都差唔多，於是就跟佢上車回程返峴港市嘞。
留言
發佈留言