到第七日，我哋喺會安呢一站住宿嘅酒店都算係今次行程中比較貴嘅一間，見呢間酒店啲泳池設施都整得幾骨子，如果唔用吓感覺好似好唔抵咁，於是呢一日我哋就花個上晝喺酒店游吓水做吓 Spa。
食完早餐我哋就先去泳池浸一陣。
之前一日到步嗰陣我哋已經同酒店櫃檯預約咗做 Spa 嘅時間，游到夠鐘我哋就過檔去 Spa 房嗰邊嘞。
未開始俾人撳之前服務員先上返杯茶同餅仔俾我哋，我哋就一路咬住餅仔一路聽服務員講解呢個 Spa 有啲乜乜物物療效咁。
寫呢個遊記嗰陣我已經唔多記得呢個 Spa 啲詳細療程係點，總之大約係揾個師傅由頭撳到落腳查吓油按吓摩磨吓沙咁，成個療程兩個鐘，收費兑返港幣就盛惠 HKD 355。
做完呢個 Spa 已經中午 12 點，原本我設想中嘅計劃，呢一日係想揾個半晝去行一行美山聖地嘅。
不過一來以我哋做完 Spa 呢個鐘數計，食過晏晝飯再約車去美山聖地嘅話查實會去得幾趕吓，二來最重要係見到出面啲陽光真係曬得好勁，咁熱嘅天氣去美山聖地呢啲冇遮冇掩嘅地方曬半日真係驚頂唔順，諗清楚決定呢日晏晝都係去返古城嗰邊 Hea 吓，先揾地方食晏再行多一陣，之後就早些少約車去峴港呢晚住宿嘅酒店。
之前一晚我哋行古城嗰陣完全冇留意到原來呢度係有個售票處，呢一日我哋行到古城入口嗰陣，售票處入面啲人遠遠見我哋行過，就大聲叫我哋過去先買咗飛先可以入場。
就係咁我哋每人要科水 VND 120,000 先可以入場。
會安古城嘅入場費呢個問題，查實我出發前揾資料嗰陣都睇過好多唔同嘅講法。
有啲人話要俾，有啲人話唔使俾，有啲就話只係進入古城內嘅會館、古宅 (例如日本橋) 等 22 個指定建築先需要持有門票。
以嗰日我哋入場嘅親身觀察，首先就算真係睇古宅會館先要買飛，就咁入去行街逛舖頭就可以免費都好，我實在唔覺得當時我哋可以同啲售票員解釋吓只係想入去行街，佢哋就會俾我哋唔買飛放我哋入場。
加上言語唔通，查實同佢哋解釋呢件事本身都未必太可行。
嗰日除咗入古城嗰間售票處之外，喺古城入面我哋就只係喺日本橋 (啫來遠橋) 見到有查飛嘅人員喺度打躉查票。
會安古城嘅範圍查實唔細，如果嗰日我哋唔買飛，例如經古城喺秋盆河嘅另一邊岸行過去，再通過 Cầu An Hội 橋入返去古城嘅話，查實應該唔會有機會碰到任何查飛嘅人員，喺古城範圍有好多通道都可以俾人遠遠咁避開嗰間售票處進入古城。
所以我估會安古城售票入場呢件事其實係執行得好求其，可能只係當地人見古城多遊客到訪，就簡單搭建一間簡陋嘅售票處出嚟收買路錢。
其實呢個售票操作根本冇認真制定明確嘅入場制度，亦冇諗過控制所有進出古城嘅人流，總之見有遊客經過就掠得幾多得幾多。
亦因為呢個售票操作冇好認真咁經營，售票處同啲查票哨站唔係時時有人駐守睇檔，如果入場嘅人碰啱售票處冇人睇檔，又或者行咗去一條遠離售票處嘅路線入城，咁佢哋就會覺得會安古城係免費入場。
相反好似我哋咁行過售票處入場而當時售票處又有人睇檔嘅話，咁就會覺得要買飛先可以進入古城。
會安古城入面有間幾多人推介專賣法國麵包三文治嘅檔口，原本我哋嗰日午飯想去試吓嘅，點知去到先發現間麵包檔原來星期日休業，摸咗門釘，咁我哋就求其揾咗間餐廳坐低食啲嘢，跟住就繼續行街。
喺會安古城沿住秋盆河向東面一直行，過晒遊客區啲店舖之後，就去到一個叫會安市場 (Chợ Hội An) 嘅市集。
雖然都有好多外地遊客嚟參觀呢個市集，但係明顯睇得出呢度主要係做本地人嘅生意。
市集入面有個似乎係專做熟食嘅樓層，想食地道越南河粉嘅話我見入面應該有得食。
市集樓層其中一個出入口外面有個古井，話說呢個古井已經差唔多有二百年嘅歷史，應該係喺法國殖民統治之前已經存在。
過咗呢個市集之後有條跨過秋盆河嘅橋叫 Cầu Cẩm Nam，呢條橋差唔多係古城盡頭嘅一個地標嚟，嚟到呢度見前面應該冇乜特別嘢睇，我哋就喺呢度掉頭沿住秋盆河回程。
食完早餐我哋就先去泳池浸一陣。
之前一日到步嗰陣我哋已經同酒店櫃檯預約咗做 Spa 嘅時間，游到夠鐘我哋就過檔去 Spa 房嗰邊嘞。
未開始俾人撳之前服務員先上返杯茶同餅仔俾我哋，我哋就一路咬住餅仔一路聽服務員講解呢個 Spa 有啲乜乜物物療效咁。
寫呢個遊記嗰陣我已經唔多記得呢個 Spa 啲詳細療程係點，總之大約係揾個師傅由頭撳到落腳查吓油按吓摩磨吓沙咁，成個療程兩個鐘，收費兑返港幣就盛惠 HKD 355。
做完呢個 Spa 已經中午 12 點，原本我設想中嘅計劃，呢一日係想揾個半晝去行一行美山聖地嘅。
不過一來以我哋做完 Spa 呢個鐘數計，食過晏晝飯再約車去美山聖地嘅話查實會去得幾趕吓，二來最重要係見到出面啲陽光真係曬得好勁，咁熱嘅天氣去美山聖地呢啲冇遮冇掩嘅地方曬半日真係驚頂唔順，諗清楚決定呢日晏晝都係去返古城嗰邊 Hea 吓，先揾地方食晏再行多一陣，之後就早些少約車去峴港呢晚住宿嘅酒店。
之前一晚我哋行古城嗰陣完全冇留意到原來呢度係有個售票處，呢一日我哋行到古城入口嗰陣，售票處入面啲人遠遠見我哋行過，就大聲叫我哋過去先買咗飛先可以入場。
就係咁我哋每人要科水 VND 120,000 先可以入場。
會安古城嘅入場費呢個問題，查實我出發前揾資料嗰陣都睇過好多唔同嘅講法。
有啲人話要俾，有啲人話唔使俾，有啲就話只係進入古城內嘅會館、古宅 (例如日本橋) 等 22 個指定建築先需要持有門票。
以嗰日我哋入場嘅親身觀察，首先就算真係睇古宅會館先要買飛，就咁入去行街逛舖頭就可以免費都好，我實在唔覺得當時我哋可以同啲售票員解釋吓只係想入去行街，佢哋就會俾我哋唔買飛放我哋入場。
加上言語唔通，查實同佢哋解釋呢件事本身都未必太可行。
嗰日除咗入古城嗰間售票處之外，喺古城入面我哋就只係喺日本橋 (啫來遠橋) 見到有查飛嘅人員喺度打躉查票。
會安古城嘅範圍查實唔細，如果嗰日我哋唔買飛，例如經古城喺秋盆河嘅另一邊岸行過去，再通過 Cầu An Hội 橋入返去古城嘅話，查實應該唔會有機會碰到任何查飛嘅人員，喺古城範圍有好多通道都可以俾人遠遠咁避開嗰間售票處進入古城。
所以我估會安古城售票入場呢件事其實係執行得好求其，可能只係當地人見古城多遊客到訪，就簡單搭建一間簡陋嘅售票處出嚟收買路錢。
其實呢個售票操作根本冇認真制定明確嘅入場制度，亦冇諗過控制所有進出古城嘅人流，總之見有遊客經過就掠得幾多得幾多。
亦因為呢個售票操作冇好認真咁經營，售票處同啲查票哨站唔係時時有人駐守睇檔，如果入場嘅人碰啱售票處冇人睇檔，又或者行咗去一條遠離售票處嘅路線入城，咁佢哋就會覺得會安古城係免費入場。
相反好似我哋咁行過售票處入場而當時售票處又有人睇檔嘅話，咁就會覺得要買飛先可以進入古城。
會安古城入面有間幾多人推介專賣法國麵包三文治嘅檔口，原本我哋嗰日午飯想去試吓嘅，點知去到先發現間麵包檔原來星期日休業，摸咗門釘，咁我哋就求其揾咗間餐廳坐低食啲嘢，跟住就繼續行街。
喺會安古城沿住秋盆河向東面一直行，過晒遊客區啲店舖之後，就去到一個叫會安市場 (Chợ Hội An) 嘅市集。
雖然都有好多外地遊客嚟參觀呢個市集，但係明顯睇得出呢度主要係做本地人嘅生意。
市集入面有個似乎係專做熟食嘅樓層，想食地道越南河粉嘅話我見入面應該有得食。
市集樓層其中一個出入口外面有個古井，話說呢個古井已經差唔多有二百年嘅歷史，應該係喺法國殖民統治之前已經存在。
過咗呢個市集之後有條跨過秋盆河嘅橋叫 Cầu Cẩm Nam，呢條橋差唔多係古城盡頭嘅一個地標嚟，嚟到呢度見前面應該冇乜特別嘢睇，我哋就喺呢度掉頭沿住秋盆河回程。
留言
發佈留言