會安古城夜景 - 峴港自由行

放低啲行李攤抖完，跟住就行過去會安古城嗰邊揾地方食晚飯同睇夜景嘞。






時近黃昏，我哋沿住秋盆河 (Sông Thu Bồn) 向古城方向前行，沿途嘅食店亦開始擺陣準備呢一晚嘅生意。



我哋行到古城中心嗰陣都開始入夜，秋盆河上嘅小艇亦陸續出動接載遊客去河上放水燈。





我哋喺河邊影吓相行吓啲店舖，順便亦揾吓有邊間餐廳啱食晚飯。





呢一晚就算入夜都重係好熱，喺會安古城印象中應該未見過有冷氣開放嘅舖頭，我哋行咗陣見有間餐廳有露天嘅座位，諗住咁坐或者會涼些少，於是就入去開飯嘞。





食完飯我哋就繼續喺古城一帶行多陣睇吓啲店舖同影吓夜景。





查實會安古城可以影吓夜景嘅地方都係圍住 Cầu An Hội、啫舊城最多燈飾嘅嗰條橋附近，行遠些少已經冇乜燈光啱影夜景。





我哋住嗰間酒店有免費巴士接載住客來往古城，我哋就返尾班車嘅時間，行到咁上下時間就過去巴士站嗰邊等車返酒店。