到第九日嘅行程，呢日我哋晏晝四點前就要去到機場，準備坐黃昏 6 點班機返香港，得半日時間唔去得太遠，所以諗住都係喺返市內行吓買吓手信。
朝早食完早餐，我哋先踢對拖過馬路對面嘅美溪海灘 (My Khe Beach) 踏個浪打個卡。
綿延長達 30 公里，水清沙幼，美溪沙灘 My Khe Beach 係峴港其中一個主要嘅旅遊景點。美溪沙灘整條海岸線都係東向，所以呢個沙灘係峴港一個日出看海嘅絶佳位置嚟。
行完沙灘我哋先返酒店房清理一吓，跟住就執好行李辦妥退房手續，擺低行李喺酒店大堂之後就出去躝街嘞。
之前一晚我哋去過韓市場，呢日朝早我哋就去共市場行吓。
共市場距離市中心龍橋同韓市場嗰邊都有一段距離，如果由韓市場行過去我估差唔多要行 30 分鐘先去到。
共市場 (Chợ Cồn) 同韓到市場一樣，喺網上都有好幾個唔同嘅譯名，有人譯佢做康恩市場，亦有有人叫佢做沙洲市場。
共市場入面查實有啲似香港啲比較噏耷嘅舊式公屋街市，入面啲貨物品種望落同我之前一日喺韓市場見嘅查實差唔多。
嗰度基本上係一個露天街市搭個棚擋一擋日曬雨淋，三十幾度高温之下喺入面行街真係熱到跳舞，所以我哋買齊要買嘅嘢之後就立即轉場，過對面 Big C 超市涼吓冷氣同繼續掃貨。
Big C 超市入面啲貨品同韓共兩個市場賣嗰啲好唔同，特係啲零食手信，韓共兩個市場嗰啲基本上係街市雜貨嗰類嘅賣相，平好多不過冇乜包裝，同多數係本地土產。
Big C 超市賣嘅貨啲包裝就比較精美，除咗越南本土貨品之外，亦有好多例如泰國進口嘅外地貨品。
呢一日上晝個日頭實在非常猛烈，我哋喺 Big C 買完嘢行返出大街，見出面又熱又曬實在唔多頂得順，於是又入咗去附近另一座商場 Parkson Vinh Trung Plaza 避一避啲陽光，順便上網查吓邊度有餐廳啱去食晏。
發覺峴港呢度商場入面嘅舖頭同香港嗰啲原來都差唔多，呢座 Parkson Vinh Trung Plaza 入面啲格局有啲似銅鑼灣 Sogo，不過靜好多同冷氣開得冇香港嗰啲咁凍。我喺商場入面都見到有賣 Nike 運動鞋嘅店舖，不過佢哋標嘅價錢同香港嘅差唔多，同之前喺河內沙壩嗰啲一二折價完全係兩回事。
我哋喺商場入面揀啱食晏嘅餐廳，跟住就步行過去順便再行吓沿途啲舖頭。感覺喺峴港呢邊行街購物冇河內嗰邊咁精彩，一個主要原因當然係呢邊冇乜河內嗰啲成行成市嘅廉價名牌波鞋風褸店舖，少咗個掃貨嘅主力目標喇；二來呢邊啲街道一般都比河內嗰邊靜同少人，冇咗趁墟嗰種熱鬧嘅感覺；加上峴港街上嘅店舖好多都好早收舖，入夜之後除咗夜市之外就冇乜熱鬧嘅地方可以去。
我哋跟住 TripAdvisor 揾咗間評分唔錯嘅餐廳食晏，餐廳舖號叫 Lang Nghe Restaurant，呢餐喺越南嘅壓續午餐就食咗 VND 584,000。
食完飯我哋就截咗部的士車我哋返酒店，拎返啲行李就再截的士去機場。到我哋離開之前上天都不忘再次向我哋展示多次越南變幻莫測嘅天氣，由朝早到我哋去到機場嗰陣都重係曬到甩皮熱到跳舞嘅藍天白雲，到我哋去到登機大堂嘅轉瞬之間就忽然間變成烏雲蓋天。
黃昏六點我哋準時坐上香港快運嘅 UO559 號班機，機程 3 個零鐘，時間係 2019 年 5 月頭嘅一個晚上，我哋終於平平安安冇穿冇爛返到香港，完成今次喺越南由越北走到越中嘅旅程。
朝早食完早餐，我哋先踢對拖過馬路對面嘅美溪海灘 (My Khe Beach) 踏個浪打個卡。
綿延長達 30 公里，水清沙幼，美溪沙灘 My Khe Beach 係峴港其中一個主要嘅旅遊景點。美溪沙灘整條海岸線都係東向，所以呢個沙灘係峴港一個日出看海嘅絶佳位置嚟。
行完沙灘我哋先返酒店房清理一吓，跟住就執好行李辦妥退房手續，擺低行李喺酒店大堂之後就出去躝街嘞。
之前一晚我哋去過韓市場，呢日朝早我哋就去共市場行吓。
共市場距離市中心龍橋同韓市場嗰邊都有一段距離，如果由韓市場行過去我估差唔多要行 30 分鐘先去到。
共市場 (Chợ Cồn) 同韓到市場一樣，喺網上都有好幾個唔同嘅譯名，有人譯佢做康恩市場，亦有有人叫佢做沙洲市場。
共市場入面查實有啲似香港啲比較噏耷嘅舊式公屋街市，入面啲貨物品種望落同我之前一日喺韓市場見嘅查實差唔多。
嗰度基本上係一個露天街市搭個棚擋一擋日曬雨淋，三十幾度高温之下喺入面行街真係熱到跳舞，所以我哋買齊要買嘅嘢之後就立即轉場，過對面 Big C 超市涼吓冷氣同繼續掃貨。
Big C 超市入面啲貨品同韓共兩個市場賣嗰啲好唔同，特係啲零食手信，韓共兩個市場嗰啲基本上係街市雜貨嗰類嘅賣相，平好多不過冇乜包裝，同多數係本地土產。
Big C 超市賣嘅貨啲包裝就比較精美，除咗越南本土貨品之外，亦有好多例如泰國進口嘅外地貨品。
呢一日上晝個日頭實在非常猛烈，我哋喺 Big C 買完嘢行返出大街，見出面又熱又曬實在唔多頂得順，於是又入咗去附近另一座商場 Parkson Vinh Trung Plaza 避一避啲陽光，順便上網查吓邊度有餐廳啱去食晏。
發覺峴港呢度商場入面嘅舖頭同香港嗰啲原來都差唔多，呢座 Parkson Vinh Trung Plaza 入面啲格局有啲似銅鑼灣 Sogo，不過靜好多同冷氣開得冇香港嗰啲咁凍。我喺商場入面都見到有賣 Nike 運動鞋嘅店舖，不過佢哋標嘅價錢同香港嘅差唔多，同之前喺河內沙壩嗰啲一二折價完全係兩回事。
我哋喺商場入面揀啱食晏嘅餐廳，跟住就步行過去順便再行吓沿途啲舖頭。感覺喺峴港呢邊行街購物冇河內嗰邊咁精彩，一個主要原因當然係呢邊冇乜河內嗰啲成行成市嘅廉價名牌波鞋風褸店舖，少咗個掃貨嘅主力目標喇；二來呢邊啲街道一般都比河內嗰邊靜同少人，冇咗趁墟嗰種熱鬧嘅感覺；加上峴港街上嘅店舖好多都好早收舖，入夜之後除咗夜市之外就冇乜熱鬧嘅地方可以去。
我哋跟住 TripAdvisor 揾咗間評分唔錯嘅餐廳食晏，餐廳舖號叫 Lang Nghe Restaurant，呢餐喺越南嘅壓續午餐就食咗 VND 584,000。
食完飯我哋就截咗部的士車我哋返酒店，拎返啲行李就再截的士去機場。到我哋離開之前上天都不忘再次向我哋展示多次越南變幻莫測嘅天氣，由朝早到我哋去到機場嗰陣都重係曬到甩皮熱到跳舞嘅藍天白雲，到我哋去到登機大堂嘅轉瞬之間就忽然間變成烏雲蓋天。
黃昏六點我哋準時坐上香港快運嘅 UO559 號班機，機程 3 個零鐘，時間係 2019 年 5 月頭嘅一個晚上，我哋終於平平安安冇穿冇爛返到香港，完成今次喺越南由越北走到越中嘅旅程。
留言
發佈留言