大約黃昏 6 點幾我哋返到峴港市喺韓市場落車，諗住先入去行一陣買吓手信，順便喺附近食啲嘢先返酒店。
韓市場 (Han Market) 鄰近韓江(漢江)，呢個商場喺網上有好幾個唔同嘅中文翻譯名稱，有啲人叫佢做漢市場，亦有人叫佢做韓江市場。
呢個商場同另一個我哋之後一日去過嘅共市場，都係峴港有名嘅傳統市集，遊客嚟到峴港買手信嘅必到之處。
比較兩個市集，韓市場店舖嘅格局感覺有些少似葵涌廣場 (當然唔計葵廣嘅冷氣開放喇)，地方比較乾淨，而共市場嗰邊就似香港公共屋村嘅街市，地方比較噏耷。我冇好認真咁比較過兩個市場嘅價位，不過一般嘅講法就話共市場賣嘅嘢比較平。
峴港呢度啲店舖一般都比較早打烊，我哋六點幾鐘去到韓市場，發覺呢度啲舖頭好多都執梗嘢準備收舖。我哋買完手信就喺附近是但撞入一間餐廳快手食啲嘢，事關我同行朋友預約咗呢晚要返酒店做 Spa。
而我就對 Spa 呢家嘢冇咁大癮，之前喺會安試過一次已經夠晒皮，返咗酒店之後我就擸齊架撐再出返去龍橋嗰頭影吓夜景，諗住順便行吓啲夜市睇吓買唔買到宵夜返酒店食。
喺峴港市我見啱影夜景嘅位置，基本上都係集中喺龍橋附近，沿住漢江河嘅兩岸。
除咗龍橋之外，亦可以影吓龍橋對開嘅 DHC Marina，同 Asia Park 嗰邊嘅 Sun Wheel 太陽摩天輪。
發覺越南真係好多呢啲街頭文化表演，大型嘅細型嘅，不論喺河內或者峴港，只要去到啲多人聚集嘅地方就總有一檔喺左近。
影完夜景我就去行吓夜市諗住睇吓有冇宵夜啱食，喺峴港有兩個比較出名嘅夜市，一個係我今次行程冇去到嘅 Helio Night Market，而另一個就係位於龍橋龍尾嘅 Son Tra Night Market (龍橋夜市)。
除咗一般雜貨之外，呢個夜市亦有大量熟食攤檔，當中好大部份都係做海鮮燒烤嘅熟食檔嚟。
不過見啲檔口喺成 30°C 氣温之下，將啲海鮮冇遮冇掩咁攤晒出嚟，生勾勾嘅海鮮氣味加上夜晚嘅燈光，吸引各種昆蟲烏蠅喺啲檔攤度飛嚟飛去什至降落喺啲魚蝦上面，雖然之前都有睇過一啲台灣遊記話試食過之後亦安然無恙，不過我都係鼓唔起挑戰嘅勇氣，最後都係決定截的士返酒店，喺酒店樓下啲大排檔買啲炒飯炒麵外賣比較穩陣。
韓市場 (Han Market) 鄰近韓江(漢江)，呢個商場喺網上有好幾個唔同嘅中文翻譯名稱，有啲人叫佢做漢市場，亦有人叫佢做韓江市場。
呢個商場同另一個我哋之後一日去過嘅共市場，都係峴港有名嘅傳統市集，遊客嚟到峴港買手信嘅必到之處。
比較兩個市集，韓市場店舖嘅格局感覺有些少似葵涌廣場 (當然唔計葵廣嘅冷氣開放喇)，地方比較乾淨，而共市場嗰邊就似香港公共屋村嘅街市，地方比較噏耷。我冇好認真咁比較過兩個市場嘅價位，不過一般嘅講法就話共市場賣嘅嘢比較平。
峴港呢度啲店舖一般都比較早打烊，我哋六點幾鐘去到韓市場，發覺呢度啲舖頭好多都執梗嘢準備收舖。我哋買完手信就喺附近是但撞入一間餐廳快手食啲嘢，事關我同行朋友預約咗呢晚要返酒店做 Spa。
而我就對 Spa 呢家嘢冇咁大癮，之前喺會安試過一次已經夠晒皮，返咗酒店之後我就擸齊架撐再出返去龍橋嗰頭影吓夜景，諗住順便行吓啲夜市睇吓買唔買到宵夜返酒店食。
喺峴港市我見啱影夜景嘅位置，基本上都係集中喺龍橋附近，沿住漢江河嘅兩岸。
除咗龍橋之外，亦可以影吓龍橋對開嘅 DHC Marina，同 Asia Park 嗰邊嘅 Sun Wheel 太陽摩天輪。
發覺越南真係好多呢啲街頭文化表演，大型嘅細型嘅，不論喺河內或者峴港，只要去到啲多人聚集嘅地方就總有一檔喺左近。
影完夜景我就去行吓夜市諗住睇吓有冇宵夜啱食，喺峴港有兩個比較出名嘅夜市，一個係我今次行程冇去到嘅 Helio Night Market，而另一個就係位於龍橋龍尾嘅 Son Tra Night Market (龍橋夜市)。
除咗一般雜貨之外，呢個夜市亦有大量熟食攤檔，當中好大部份都係做海鮮燒烤嘅熟食檔嚟。
不過見啲檔口喺成 30°C 氣温之下，將啲海鮮冇遮冇掩咁攤晒出嚟，生勾勾嘅海鮮氣味加上夜晚嘅燈光，吸引各種昆蟲烏蠅喺啲檔攤度飛嚟飛去什至降落喺啲魚蝦上面，雖然之前都有睇過一啲台灣遊記話試食過之後亦安然無恙，不過我都係鼓唔起挑戰嘅勇氣，最後都係決定截的士返酒店，喺酒店樓下啲大排檔買啲炒飯炒麵外賣比較穩陣。
留言
發佈留言