第三日嘅行程，出發前當然係食返個靚早餐先喇，呢間酒店嘅早餐都算搞得幾豐富，有肉有菜有飯有麵有生果有甜品。

我哋呢日晏晝行街其中一目的係想揾吓啲導遊格吓價，睇吓第二日我哋去睇梯田有乜路線嘅選擇。

我哋今次喺沙壩預訂嗰間酒店舖號叫 AIRA BOUTIQUE SAPA HOTEL & SPA ，睇地圖覺得呢間酒距離 Sapa Express 個巴士站都唔係好遠，於是諗住到步後就由巴士站行過去喇。

開始第二日嘅行程，查實呢一日基本上就係玩搭巴士冇乜其他特别嘢做，我哋坐去沙壩嗰班 Sapa Express 嘅巴士朝早 7:30 就開車，我哋七點咁上下就要去到巴士站等上車。

食飯嚟講，出發前揾有關河內市嘅旅遊資料嗰陣見有唔少人介紹過呢間鋪號叫 Green Tangerine Cafe 嘅法國餐廳。越南本身係一個前法國嘅殖民地，一場嚟到整返餐法國菜亦係好合理同好合邏輯嘅，於是我哋喺越南嘅第一餐晚飯就嚟個法國大餐。

我哋準時去到河內內排國際機場，因為今次可以直接出到入境簽證唔使排隊再搞落地簽證，加上過海關條隊亦冇乜人龍，啲海關查證亦算快手，所以呢一日出境都算幾快幾順利。

時間係 2019 年嘅四月尾，都有幾年冇去過東南亞旅行，今年我哋就去越南玩咗九日，由北越嘅河內玩到去中越嘅峴港。