Las Vegas 住宿 ‧ Inviting 2/2 Mintues from The Strip - 自駕巡遊美國西岸國家公園

未去拉斯維加斯賭返鋪之前，先嚟參觀吓我哋呢晚落腳嘅呢間民宿，呢間 Inviting 2/2 Mintues from The Strip 都係經 Airbnb 預訂，房租一晚盛惠 HKD 1,032 大元。



呢間屋算係今次我哋美國之行住過嘅民宿當中比較乾淨企理嘅一間嚟，間屋由地板家俬廚櫃到洗手間浴室嘅裝修都相當之新淨。間屋有兩間客房，每間客房各有一張雙人床，啲床舖打理得幾企理乾淨。



客廳放咗兩張梳化床，每張梳化床打開之後免強都瞓到兩個人。



飯廳旁邊有個開放式廚房，廚具都算齊全，廚櫃面同啲洗碗盤都算乾淨，不過啲廚具嘅清潔度就只算係一般，用之前都係要通通認真清洗一次先可以放心使用。



間屋有兩個洗手間，洗手間同啲毛巾嘅清潔度亦算合格。