喺美國旅行其中一樣我唔多鍾意嘅就係美國地方實在係太大，由一個景點去另一個景點郁啲都三四百英里路程，長途車程中間冇乜世藝嘅話都真係幾悶吓。
由洛杉磯去拉斯維加斯呢段路程大約要行 290 英里，呢段路係我哋今次喺美國行過咁多段長途車程當中，少數可以喺途中揾到啲有意思景點嘅車程嚟，上面個地圖就記錄咗我哋喺呢段車程當中經過一啲景點嘅位置。
我哋出咗洛杉磯市之後，就沿住 15 號公路行車，第一個停車站就係一個叫 Barstow 嘅小鎮。
查實喺 Barstow 呢度停一停車主要係因為嚟到呢度已經係晏晝三點幾，我哋都要揾個地方食個晏抖一抖先再繼續行程。
Barstow 呢度有個叫 Barstow Station 嘅偽火車站，麥當奴係呢個火車站入面其中一間比較大嘅店舖；除咗麥記，入面重有 Subway、Dunkin Donuts 等等嘅食店，亦有幾間雜貨舖，由於呢度有嘢食又可以借到乾淨嘅洗手間，所以呢座 Barstow Station 係來往 L.A. 同 Las Vegas 之間一個幾熱門嘅中途站嚟。
我哋食晏哋方係喺 Barstow Station 對面馬路一間舖號叫 Just Grill It、主要賣碟頭飯快餐嘅小店嚟，食完晏跟住就起錨開車，繼續向 Vegas 進發。由 Barstow 開車又揸咗個零鐘車程，我哋喺一個叫 Baker 嘅小鎮再停一停車抖吓，順便去 Baker 呢度嘅一個世界之最 ~ 全球最高嘅温度計影張相打個卡；呢座温度計係由一間叫 Young Electric Sign Company (YESCO) 嘅公司喺 1991 年嗰陣建成。
除咗呢座温度計之外，喺 Baker 另外重有間用外星人做噱頭嘅牛肉乾店，舖號叫 Alien Fresh Jerky，都係途經呢個小鎮嗰陣可以去行一行嘅地方嚟；不過我哋到達 Baker 嗰陣已經係晏晝五點幾，唔想太晏去到 Vegas，所以我哋都冇去巡埋呢間店舖，影完座温度計就出車繼續向下一站進發。
查實之前經過嗰兩個景點我個人嚟講就覺得唔係嗰啲非去不可嘅地方嚟，停站嘅主要原因都係因為長途車程當中點都要揾啲位置落車鬆一鬆同揾個洗手間去吓。由 L.A. 去 Vegas 途中我覺得真正值得去行吓、錯過咗嘅話會有啲啲可惜嘅景點，我認為就只得呢七座豎立喺 Vegas 附近嘅藝術裝置 ~ Seven Magic Mountains。
Seven Magic Mountains 位於拉斯維加斯南邊約 20 英里嘅沙漠旁邊，呢座裝置藝術係由瑞士設計師 Ugo Rondinone 所設計。呢七座藝術裝置係一個為期兩年嘅期間限定展覽嚟，展出期由 2016 年 5 月 11 日到 2018 年 5 月 11 日。
裝置嘅巨石係由當地取材，塗上鮮豔嘅螢光顏料之後，再疊起成為七座 30-35 英尺高嘅圖騰巨石陣。
Ugo Rondinone 話佢嘅創作靈感係來自猶他州布萊斯峽谷國家公園 (Bryce Canyon National Park) 嗰類嘅岩柱 (Hoodoos) ，裝置想要表達嘅係自然同人工結構之間嘅平衡關係。
我哋喺 Seven Magic Mountains 呢度影完個日落，嚫個太陽重未收晒之前就出車，希望喺天未黑齊之前可以到達呢晚入住嘅民宿。
由洛杉磯去拉斯維加斯呢段路程大約要行 290 英里，呢段路係我哋今次喺美國行過咁多段長途車程當中，少數可以喺途中揾到啲有意思景點嘅車程嚟，上面個地圖就記錄咗我哋喺呢段車程當中經過一啲景點嘅位置。
我哋出咗洛杉磯市之後，就沿住 15 號公路行車，第一個停車站就係一個叫 Barstow 嘅小鎮。
查實喺 Barstow 呢度停一停車主要係因為嚟到呢度已經係晏晝三點幾，我哋都要揾個地方食個晏抖一抖先再繼續行程。
Barstow 呢度有個叫 Barstow Station 嘅偽火車站，麥當奴係呢個火車站入面其中一間比較大嘅店舖；除咗麥記，入面重有 Subway、Dunkin Donuts 等等嘅食店，亦有幾間雜貨舖，由於呢度有嘢食又可以借到乾淨嘅洗手間，所以呢座 Barstow Station 係來往 L.A. 同 Las Vegas 之間一個幾熱門嘅中途站嚟。
我哋食晏哋方係喺 Barstow Station 對面馬路一間舖號叫 Just Grill It、主要賣碟頭飯快餐嘅小店嚟，食完晏跟住就起錨開車，繼續向 Vegas 進發。由 Barstow 開車又揸咗個零鐘車程，我哋喺一個叫 Baker 嘅小鎮再停一停車抖吓，順便去 Baker 呢度嘅一個世界之最 ~ 全球最高嘅温度計影張相打個卡；呢座温度計係由一間叫 Young Electric Sign Company (YESCO) 嘅公司喺 1991 年嗰陣建成。
除咗呢座温度計之外，喺 Baker 另外重有間用外星人做噱頭嘅牛肉乾店，舖號叫 Alien Fresh Jerky，都係途經呢個小鎮嗰陣可以去行一行嘅地方嚟；不過我哋到達 Baker 嗰陣已經係晏晝五點幾，唔想太晏去到 Vegas，所以我哋都冇去巡埋呢間店舖，影完座温度計就出車繼續向下一站進發。
查實之前經過嗰兩個景點我個人嚟講就覺得唔係嗰啲非去不可嘅地方嚟，停站嘅主要原因都係因為長途車程當中點都要揾啲位置落車鬆一鬆同揾個洗手間去吓。由 L.A. 去 Vegas 途中我覺得真正值得去行吓、錯過咗嘅話會有啲啲可惜嘅景點，我認為就只得呢七座豎立喺 Vegas 附近嘅藝術裝置 ~ Seven Magic Mountains。
Seven Magic Mountains 位於拉斯維加斯南邊約 20 英里嘅沙漠旁邊，呢座裝置藝術係由瑞士設計師 Ugo Rondinone 所設計。呢七座藝術裝置係一個為期兩年嘅期間限定展覽嚟，展出期由 2016 年 5 月 11 日到 2018 年 5 月 11 日。
裝置嘅巨石係由當地取材，塗上鮮豔嘅螢光顏料之後，再疊起成為七座 30-35 英尺高嘅圖騰巨石陣。
Ugo Rondinone 話佢嘅創作靈感係來自猶他州布萊斯峽谷國家公園 (Bryce Canyon National Park) 嗰類嘅岩柱 (Hoodoos) ，裝置想要表達嘅係自然同人工結構之間嘅平衡關係。
我哋喺 Seven Magic Mountains 呢度影完個日落，嚫個太陽重未收晒之前就出車，希望喺天未黑齊之前可以到達呢晚入住嘅民宿。
留言
發佈留言