呢日我哋會喺猶他州出發，經亞利桑那州返去內華達州，跟住再喺亞利桑那州同內華達州之間走嚟走去。
上面個地圖就記錄咗我哋呢一日嘅行程，事原係我哋呢日會去胡佛水壩度行吓，胡佛水壩係位於亞利桑那州同內華達州嘅州界之上，喺水壩上面望向科羅拉多河欣賞景色嗰陣我哋嘅右手邊就係內華達州，而左手邊就係亞利桑那州嘞。
我哋到達水壩之後先去遊客中心嘅一個多層停車場度泊低架車，呢個係一個收費嘅停車場，入場費每部車盛惠 USD 10 大元。
內華達州同亞利桑那州位於唔同嘅時區，兩個州有一個鐘嘅時差，喺水壩兩邊就各有一個時鐘分别顯示兩個唔同時區嘅時間。
不過因為我哋係喺春季時份嚟到呢度，加上春夏季節夏令時間嘅因素，我哋到步嗰陣見到兩個鐘所顯示嘅時間查實係相同嘅。
胡佛水壩係喺 1931 年由第三十一任美國總統赫伯特·胡佛 (Herbert Clark Hoover) 為化解美國大蕭條以來嘅經濟困境同加速美國西南部地區嘅繁榮而動工興建。水壩壩體最後一次水泥灌漿喺 1935 年完成，喺 1935 年 9 月 30 日由羅斯福總統主持竣工儀式。
胡佛水壩曾經係世界上最大嘅混凝土結構同發電設施，呢座水壩高 220 公尺，底寬 200 公尺，頂寬 14 公尺，堤長 377 公尺，水壩攔截科羅拉多河嘅河水形成米德湖 (Mead Lake)，而呢個湖係現時美國最大嘅人工湖同水庫嚟。
喺水壩上面我哋只可以睇到下遊科來拉多河嗰段嘅水壩建築，要一眼睇晒由 Mead Lake 到 Colorado River 嘅水壩全貌，就必須要上去地勢比較高嘅麥克奧卡拉漢 - 帕特提爾曼紀念大橋 (Mike O'Callaghan - Pat Tillman Memorial Bridge) 先可以睇到。
上面個地圖就記錄咗我哋呢一日嘅行程，事原係我哋呢日會去胡佛水壩度行吓，胡佛水壩係位於亞利桑那州同內華達州嘅州界之上，喺水壩上面望向科羅拉多河欣賞景色嗰陣我哋嘅右手邊就係內華達州，而左手邊就係亞利桑那州嘞。
我哋到達水壩之後先去遊客中心嘅一個多層停車場度泊低架車，呢個係一個收費嘅停車場，入場費每部車盛惠 USD 10 大元。
內華達州同亞利桑那州位於唔同嘅時區，兩個州有一個鐘嘅時差，喺水壩兩邊就各有一個時鐘分别顯示兩個唔同時區嘅時間。
不過因為我哋係喺春季時份嚟到呢度，加上春夏季節夏令時間嘅因素，我哋到步嗰陣見到兩個鐘所顯示嘅時間查實係相同嘅。
胡佛水壩係喺 1931 年由第三十一任美國總統赫伯特·胡佛 (Herbert Clark Hoover) 為化解美國大蕭條以來嘅經濟困境同加速美國西南部地區嘅繁榮而動工興建。水壩壩體最後一次水泥灌漿喺 1935 年完成，喺 1935 年 9 月 30 日由羅斯福總統主持竣工儀式。
胡佛水壩曾經係世界上最大嘅混凝土結構同發電設施，呢座水壩高 220 公尺，底寬 200 公尺，頂寬 14 公尺，堤長 377 公尺，水壩攔截科羅拉多河嘅河水形成米德湖 (Mead Lake)，而呢個湖係現時美國最大嘅人工湖同水庫嚟。
喺水壩上面我哋只可以睇到下遊科來拉多河嗰段嘅水壩建築，要一眼睇晒由 Mead Lake 到 Colorado River 嘅水壩全貌，就必須要上去地勢比較高嘅麥克奧卡拉漢 - 帕特提爾曼紀念大橋 (Mike O'Callaghan - Pat Tillman Memorial Bridge) 先可以睇到。
留言
發佈留言