未講晏晝喺羚羊谷嘅行程之前，想先講少少報團嘅資料。羚羊谷係當地印第安納瓦霍族人 (Navajo) 嘅地頭嚟，就算有車都唔可以自己揸車入去，要入去玩就一定要幫襯當地納瓦霍族人辦嘅導賞團。
羚羊谷喺地形上分為兩個部份，分别係上羚羊峽谷 (Upper Antelope Canyon) 同下羚羊峽谷 (Lower Antelope Canyon)。因為出入下羚羊峽谷要通過一條又高又斜又深嘅鐵梯通道，所以一般遊客都會選擇去比較易行嘅上羚羊峽谷，而今次我哋呢班一般遊客亦係揀咗去上羚羊峽谷呢個比較大路嘅選擇。
據我所知辦上羚羊峽谷嘅導賞團有三間，分别係 Ekis’ Antelope Canyon Tours、Tsosie’s Slot Canyon Tours 同 Adventurous Antelope Canyon Tours，我嗰陣格價比較三間嘅團種同價錢，望落查實差别都唔係好大，我哋今次就揀咗 Ekis’ Antelope Canyon Tours 嘅一個 3:30 pm 到 5:10 pm 嘅團，團費平均每位連稅盛惠 US$ 47.25 大元。我哋喺 S Lake Powell Blvd 同 Elm Street 交界位置一間舖號叫 Starlite Chinese and American 嘅中式餐館度食晏晝飯，食完飯就行過去隔籬 Ekis’ Antelope Canyon Tours 嘅辦事處等出發；今次我哋一團都有十幾廿人，集齊人馬之後大家就坐上呢部去峽谷嘅專車踩去上羚羊峽谷嘞。
睇睇嗰幾個上羚羊峽谷導賞團嘅網站所貼出嚟啲團費，應該會發覺一日從早到晚咁多個團當中，中午十二點左近嗰個團嘅團費係特別貴嘅，咁原因就當然係中午係入羚羊峽谷參觀同影相最佳嘅時間啦。
個導賞團嘅導遊都會通過少少想像力，喺峽谷入面揾到啲有趣嘅位置介紹俾啲遊客影相嘅。例如下面左邊嘅呢個位置同⻆度，就可以睇到一隻灰熊嘅剪影嘞。
到下面右邊呢張，導遊就話係林肯像喎，呢個我覺得就真係要多少少想像力先睇得明
，我估應該係話呢個位似林肯總統頭戴高帽嗰個招牌外形嘅剪影呱。
下面左面呢張就易明好多，應該盲嘅都睇得到係一個心形喇。
喺峽谷入面行嗰陣經常會有沙粒由峽谷頂度吹落嚟，啲沙粒除咗會撒到我哋成頭同成身衣物都係沙之外，最麻煩係啲沙粒好幼細，好容易會吹咗入去相機入面整壞啲活動機件。
我喺峽谷入面嗰陣已經係全程將部相機收喺件外套入面，剩係要影相嗰陣先至拎部相機出嚟，但嗰日行完峽谷之後結果我部相機都係入咗沙，一粒按鈕俾啲沙粒卡住撳唔到，好彩後來我返到香港搞咗一輪整到啲沙出嚟救返部相機
。
行到峽谷嘅另一邊出口，喺呢邊出口度個導賞團嘅導遊教我哋用電話打直影峽谷嘅 Pano，我哋喺呢度玩吓影相 Hea 一陣就要原路折返。
我哋大約晏晝 4:50 pm 入返峽谷開始折返回程，喺呢個時候雖然峽谷外面重係陽光普照，但係到咗呢個鐘數峽谷入面已經暗到我冇晒動力繼續影相。
之前咪提過進入峽谷最理想嘅時間係中午嘅，喺中午除咗可以睇到由峽谷頂透落谷底嘅蘇光之外，中午陽光嘅角度亦會令峽谷入面比較光猛，影相嗰陣就可以多啲位收吓光圈同唔使推到個 ISO 咁盡，離中午越前同越後嘅場次，峽谷入面就越暗。
查實喺我哋離場之後重有一場 4:30 pm 起程入峽谷嘅場次，以我哋當日嘅觀察，就實在唔係好建議去跟呢個尾場嘅導賞團嘞，因為呢個時段峽谷入面實在太暗，黑嘛嘛咁入到去影相真係會影得幾冇癮。
我哋係喺四月尾過去玩嘅，打後七至八月盛夏季節日照時間比較長，到時 4:30 pm 嗰場嘅導賞團喺峽谷入面嘅光線環境可能會好啲都未定，但我相信由晚秋至初春嘅呢段季節，去羚羊谷嘅話就最好都係避免參加晏晝 4:30 pm 打後出發入峽谷嘅場次比較穩陣。
出返峽谷之後個團會車我哋返去出發集合嘅嗰間辦事處度，落車之後我哋就開返自己部車去今晚我哋喺 Page 度落腳嘅酒店攞房同放低啲行李，我哋喺酒店房度 Hea 咗陣就出車揾地方食晚飯嘞。
出發前睇啲網上食評見到呢間 Big John’s Texas Barbecue 好似都幾抵食啲網評又唔錯，由我哋住宿嗰間酒店過去亦就近，於是就揸車過去睇吓啱唔啱食嘞。
去到見到呢間 BBQ 食店都幾爆吓，不過就算餐廳入面人多客滿，喺舖頭出面揾地方泊車問題都唔係好大，不過就要等一陣間位。
本來諗住間嘢咁爆啲嘢食應該都會唔錯嘅，不過食落就發覺啲 BBQ 都係好一般，啫都係點把火將嚿肉燒熟佢再放入口咬嗰份乾爭爭嘅原始美式風味。
呢日嘅行程比較輕鬆，到夜晚八點零鐘我哋就食完飯可以返酒店休息嘞。
羚羊谷喺地形上分為兩個部份，分别係上羚羊峽谷 (Upper Antelope Canyon) 同下羚羊峽谷 (Lower Antelope Canyon)。因為出入下羚羊峽谷要通過一條又高又斜又深嘅鐵梯通道，所以一般遊客都會選擇去比較易行嘅上羚羊峽谷，而今次我哋呢班一般遊客亦係揀咗去上羚羊峽谷呢個比較大路嘅選擇。
據我所知辦上羚羊峽谷嘅導賞團有三間，分别係 Ekis’ Antelope Canyon Tours、Tsosie’s Slot Canyon Tours 同 Adventurous Antelope Canyon Tours，我嗰陣格價比較三間嘅團種同價錢，望落查實差别都唔係好大，我哋今次就揀咗 Ekis’ Antelope Canyon Tours 嘅一個 3:30 pm 到 5:10 pm 嘅團，團費平均每位連稅盛惠 US$ 47.25 大元。我哋喺 S Lake Powell Blvd 同 Elm Street 交界位置一間舖號叫 Starlite Chinese and American 嘅中式餐館度食晏晝飯，食完飯就行過去隔籬 Ekis’ Antelope Canyon Tours 嘅辦事處等出發；今次我哋一團都有十幾廿人，集齊人馬之後大家就坐上呢部去峽谷嘅專車踩去上羚羊峽谷嘞。
睇睇嗰幾個上羚羊峽谷導賞團嘅網站所貼出嚟啲團費，應該會發覺一日從早到晚咁多個團當中，中午十二點左近嗰個團嘅團費係特別貴嘅，咁原因就當然係中午係入羚羊峽谷參觀同影相最佳嘅時間啦。
個導賞團嘅導遊都會通過少少想像力，喺峽谷入面揾到啲有趣嘅位置介紹俾啲遊客影相嘅。例如下面左邊嘅呢個位置同⻆度，就可以睇到一隻灰熊嘅剪影嘞。
到下面右邊呢張，導遊就話係林肯像喎，呢個我覺得就真係要多少少想像力先睇得明
，我估應該係話呢個位似林肯總統頭戴高帽嗰個招牌外形嘅剪影呱。下面左面呢張就易明好多，應該盲嘅都睇得到係一個心形喇。
喺峽谷入面行嗰陣經常會有沙粒由峽谷頂度吹落嚟，啲沙粒除咗會撒到我哋成頭同成身衣物都係沙之外，最麻煩係啲沙粒好幼細，好容易會吹咗入去相機入面整壞啲活動機件。
我喺峽谷入面嗰陣已經係全程將部相機收喺件外套入面，剩係要影相嗰陣先至拎部相機出嚟，但嗰日行完峽谷之後結果我部相機都係入咗沙，一粒按鈕俾啲沙粒卡住撳唔到，好彩後來我返到香港搞咗一輪整到啲沙出嚟救返部相機
。行到峽谷嘅另一邊出口，喺呢邊出口度個導賞團嘅導遊教我哋用電話打直影峽谷嘅 Pano，我哋喺呢度玩吓影相 Hea 一陣就要原路折返。
我哋大約晏晝 4:50 pm 入返峽谷開始折返回程，喺呢個時候雖然峽谷外面重係陽光普照，但係到咗呢個鐘數峽谷入面已經暗到我冇晒動力繼續影相。
之前咪提過進入峽谷最理想嘅時間係中午嘅，喺中午除咗可以睇到由峽谷頂透落谷底嘅蘇光之外，中午陽光嘅角度亦會令峽谷入面比較光猛，影相嗰陣就可以多啲位收吓光圈同唔使推到個 ISO 咁盡，離中午越前同越後嘅場次，峽谷入面就越暗。
查實喺我哋離場之後重有一場 4:30 pm 起程入峽谷嘅場次，以我哋當日嘅觀察，就實在唔係好建議去跟呢個尾場嘅導賞團嘞，因為呢個時段峽谷入面實在太暗，黑嘛嘛咁入到去影相真係會影得幾冇癮。
我哋係喺四月尾過去玩嘅，打後七至八月盛夏季節日照時間比較長，到時 4:30 pm 嗰場嘅導賞團喺峽谷入面嘅光線環境可能會好啲都未定，但我相信由晚秋至初春嘅呢段季節，去羚羊谷嘅話就最好都係避免參加晏晝 4:30 pm 打後出發入峽谷嘅場次比較穩陣。
出返峽谷之後個團會車我哋返去出發集合嘅嗰間辦事處度，落車之後我哋就開返自己部車去今晚我哋喺 Page 度落腳嘅酒店攞房同放低啲行李，我哋喺酒店房度 Hea 咗陣就出車揾地方食晚飯嘞。
出發前睇啲網上食評見到呢間 Big John’s Texas Barbecue 好似都幾抵食啲網評又唔錯，由我哋住宿嗰間酒店過去亦就近，於是就揸車過去睇吓啱唔啱食嘞。
去到見到呢間 BBQ 食店都幾爆吓，不過就算餐廳入面人多客滿，喺舖頭出面揾地方泊車問題都唔係好大，不過就要等一陣間位。
本來諗住間嘢咁爆啲嘢食應該都會唔錯嘅，不過食落就發覺啲 BBQ 都係好一般，啫都係點把火將嚿肉燒熟佢再放入口咬嗰份乾爭爭嘅原始美式風味。
呢日嘅行程比較輕鬆，到夜晚八點零鐘我哋就食完飯可以返酒店休息嘞。
留言
發佈留言