呢日我哋會去參觀今次行程中嘅第一個國家公園 ~ 大峽谷國家公園，朝早我哋喺民宿食完早餐，八點零鐘就出車開始今日呢段 280 英里嘅車程。
上面個地圖就記錄咗呢日我哋嘅行程路線，咁長途嘅一程車就當然唔可能一口氣揸到去大峽谷度啦，中途我哋經過一個叫 Kingman 嘅小鎮，喺鎮入面一間 Walmart 超市買咗啲簡單嘅熟食做午餐，跟住先一鼓作氣直踩到目的地，大約晏晝三點半我哋就到達大峽谷國家公園嘅入口嘞。
國家公園嚟講，入場之前當然先要科水啦，今次我哋會走訪幾個國家公園嘅入場費基本上都係分兩大類，第一類係逐次散買入場嘅 7 日套票，通常都係 US$ 30 包一部非商用車輛，入面坐到幾多人就睇個人嘅本事喇，總之一部車載到幾多人都可以跟車入場；又或者 US$ 15 嘅個人 7 日套票，啱晒一條毒撚行入去、踩單車、坐穿梭巴士甚至泛舟入場都冇問題。
而另一類嘅票種就係年票，而年票當中又分齋入一個國家公園嘅年票或者可以通行美國各大主要國家公園嘅年票。我哋買嘅就係一隻叫 America the Beautiful - 2017 Annual Pass 嘅年票，揸住佢就可以跟一部非商用車輛 (不限車內人數)、又或者唔揸車嘅話可以帶同另外三個成人入場。如果一年內會有三次或以上出入國家公園嘅話，呢隻 America the Beautiful - 2017 Annual Pass 會比較抵買。除咗上面講嘅幾隻票種之外，喺呢個網站度可以揾到大峽谷國家公園其他唔同入場票種嘅詳細資料。
我哋呢次行程總共出入過六個國家公園，當中有啲出入關閘嘅 Ranger 查飛會查得比較嚴，除咗查我哋車上有冇張有效嘅 Pass 之外，重會對埋揸 Pass 嗰位嘅証件。我朋友原本諗住張 Pass 喺呢個行程用完之後唔好嘥，會留返俾佢喺美國啲屋企人繼續用，又幾好彩佢喺張 Pass 度簽名嗰陣只係簽咗自己個姓嘅英文串法，咁簽張 Pass 嘅話，就算佢自己或者之後佢啲屋企人用張 Pass 嘅時候碰著啲查飛要對埋証件嘅 Ranger 都可以過到骨。
到達大峽谷之後我哋先喺遊客中心度泊低部車，跟住就行去附近嘅 Mather Point 睇風景嘞。
大峽谷 (Grand Canyon) 位於美國亞利桑那州西北部，由科羅拉多河經過數百萬年嘅沖蝕而形成，1979 年大峽谷被聯合國列入為世界遺產。
大峽谷國家公園分為南北兩部分，南緣一年四季開放，遊客服務設施比較完善。
北緣海拔比南緣稍為高啲啲，冬天下雪比較厚，因此只有喺夏天先至開放，自然環境亦保持得比較原始，不過就冇任何公共交通運輸可以抵達。
而我哋今次到訪嘅就係比較大路易去嘅大峽谷南緣。
我哋去到大峽谷呢日嘅天氣唔係太好天陰陰咁，可能因為冇陽光加上我哋身處峽谷邊沿高地嘅關係，喺峽谷嗰度嘅氣温比起喺 L.A. 嗰陣低好多，感覺上應該得十一二度咁上下。
由 Mather Point 望向峽谷個景就的確係幾壯觀嘅，由啲欄杆上面申個頭出去望向峽谷底部嗰陣都會有少少腳軟嘅感覺㗎。
Mather Point 應該係大峽谷園區內安裝得比較多欄杆嘅觀景點嚟，由 Mather Point 向西有條步行徑，沿住呢條步行徑可以一路行去其他例如 Yavapai Point、Maricopa Point、Powell Point、Hopi Point 等等嘅觀景點；我哋行完 Mather Point之後都有揸車去 Yavapai Point 度睇吓，不過喺 Yavapai Point 嗰度嘅崖邊就完全冇圍欄杆，加上當時都幾大風吓，我哋膽細
就真係唔敢行埋去啲崖邊度影相。
原本我嘅計劃係行完 Mather Point 之後再沿住 64 號 Desert View Scenic Drive 一路揸車向東行，沿途經過 Grandview Point、Moran Point 等等嘅觀景點再停車睇吓嘅，不過當我哋喺 Yavapai Point 行咗陣已經到晏晝五點，當日又天陰陰咁，我驚嗰日會比之前好太陽嗰兩日早啲天黑，加上喺國家公園範圍入面有車速限制行車速度會比一般公路慢好多，諗清楚之後都係決定唔行呢段比較遠嘅路線回程，改為跟返嚟嗰陣行嗰條 64 號公路原路回程，希望天黑前可以返到去位於 Flagstaff 嘅民宿。
上面個地圖就記錄咗呢日我哋嘅行程路線，咁長途嘅一程車就當然唔可能一口氣揸到去大峽谷度啦，中途我哋經過一個叫 Kingman 嘅小鎮，喺鎮入面一間 Walmart 超市買咗啲簡單嘅熟食做午餐，跟住先一鼓作氣直踩到目的地，大約晏晝三點半我哋就到達大峽谷國家公園嘅入口嘞。
國家公園嚟講，入場之前當然先要科水啦，今次我哋會走訪幾個國家公園嘅入場費基本上都係分兩大類，第一類係逐次散買入場嘅 7 日套票，通常都係 US$ 30 包一部非商用車輛，入面坐到幾多人就睇個人嘅本事喇，總之一部車載到幾多人都可以跟車入場；又或者 US$ 15 嘅個人 7 日套票，啱晒一條毒撚行入去、踩單車、坐穿梭巴士甚至泛舟入場都冇問題。
而另一類嘅票種就係年票，而年票當中又分齋入一個國家公園嘅年票或者可以通行美國各大主要國家公園嘅年票。我哋買嘅就係一隻叫 America the Beautiful - 2017 Annual Pass 嘅年票，揸住佢就可以跟一部非商用車輛 (不限車內人數)、又或者唔揸車嘅話可以帶同另外三個成人入場。如果一年內會有三次或以上出入國家公園嘅話，呢隻 America the Beautiful - 2017 Annual Pass 會比較抵買。除咗上面講嘅幾隻票種之外，喺呢個網站度可以揾到大峽谷國家公園其他唔同入場票種嘅詳細資料。
我哋呢次行程總共出入過六個國家公園，當中有啲出入關閘嘅 Ranger 查飛會查得比較嚴，除咗查我哋車上有冇張有效嘅 Pass 之外，重會對埋揸 Pass 嗰位嘅証件。我朋友原本諗住張 Pass 喺呢個行程用完之後唔好嘥，會留返俾佢喺美國啲屋企人繼續用，又幾好彩佢喺張 Pass 度簽名嗰陣只係簽咗自己個姓嘅英文串法，咁簽張 Pass 嘅話，就算佢自己或者之後佢啲屋企人用張 Pass 嘅時候碰著啲查飛要對埋証件嘅 Ranger 都可以過到骨。
到達大峽谷之後我哋先喺遊客中心度泊低部車，跟住就行去附近嘅 Mather Point 睇風景嘞。
大峽谷 (Grand Canyon) 位於美國亞利桑那州西北部，由科羅拉多河經過數百萬年嘅沖蝕而形成，1979 年大峽谷被聯合國列入為世界遺產。
大峽谷國家公園分為南北兩部分，南緣一年四季開放，遊客服務設施比較完善。
北緣海拔比南緣稍為高啲啲，冬天下雪比較厚，因此只有喺夏天先至開放，自然環境亦保持得比較原始，不過就冇任何公共交通運輸可以抵達。
而我哋今次到訪嘅就係比較大路易去嘅大峽谷南緣。
我哋去到大峽谷呢日嘅天氣唔係太好天陰陰咁，可能因為冇陽光加上我哋身處峽谷邊沿高地嘅關係，喺峽谷嗰度嘅氣温比起喺 L.A. 嗰陣低好多，感覺上應該得十一二度咁上下。
由 Mather Point 望向峽谷個景就的確係幾壯觀嘅，由啲欄杆上面申個頭出去望向峽谷底部嗰陣都會有少少腳軟嘅感覺㗎。
Mather Point 應該係大峽谷園區內安裝得比較多欄杆嘅觀景點嚟，由 Mather Point 向西有條步行徑，沿住呢條步行徑可以一路行去其他例如 Yavapai Point、Maricopa Point、Powell Point、Hopi Point 等等嘅觀景點；我哋行完 Mather Point之後都有揸車去 Yavapai Point 度睇吓，不過喺 Yavapai Point 嗰度嘅崖邊就完全冇圍欄杆，加上當時都幾大風吓，我哋膽細
就真係唔敢行埋去啲崖邊度影相。原本我嘅計劃係行完 Mather Point 之後再沿住 64 號 Desert View Scenic Drive 一路揸車向東行，沿途經過 Grandview Point、Moran Point 等等嘅觀景點再停車睇吓嘅，不過當我哋喺 Yavapai Point 行咗陣已經到晏晝五點，當日又天陰陰咁，我驚嗰日會比之前好太陽嗰兩日早啲天黑，加上喺國家公園範圍入面有車速限制行車速度會比一般公路慢好多，諗清楚之後都係決定唔行呢段比較遠嘅路線回程，改為跟返嚟嗰陣行嗰條 64 號公路原路回程，希望天黑前可以返到去位於 Flagstaff 嘅民宿。
想問下你會建議喺大峽谷逗留幾耐左右? thanks
回覆刪除好睇你想點玩，如果好似我哋嗰陣咁走馬看花就咁開車揾個 Viewpoint 睇吓就一日都可以；不過嗰度係幾值得花多啲時間再深度咁玩吓，例如峽谷入面嘅步行徑，騎馬體驗等等。如果俾我去多次，我諗我會試吓租架單車踩吓嗰度嘅 Bike Trails，如果咁玩嘅話應該起碼要喺嗰度留兩三晚。
刪除