我哋快手快腳將車上嘅行李搬返入屋之後，就即刻起錨出車，先去隔離街 W Spring Mountain Road 揾地方食個晚飯，嗰度有條都幾多選擇吓嘅食街。
我哋行咗轉揀咗間唔使點等位嘅 Trattoria Nakamura-Ya 中村屋，間嘢主要係做日式嘅意大利菜，食物質素唔錯價錢亦算相宜，我哋四個人食呢餐晚飯未計貼士都係 USD 50 落樓，食飽跟住就第一時間出車去 Las Vegas Strip 行夜街嘞。
曾幾何時喺 Las Vegas Strip 係冇科水泊車呢一回事嘅，可惜美好嘅時光總是短暫
，家陣嗰頭重提供免費車位嘅酒店已經買少見少。
而港澳同胞熟識嘅威尼斯人就係其中一間依家重有得免費泊車嘅酒店，加上我哋由住宿嗰邊經 Spring Mountain Road 過去，喺威尼斯人泊低架車再去躝街亦幾順路，所以我哋去到 Strip 嗰邊嘅第一站就先去 Venetian 行吓。
查實一早都知澳門嗰個 Venetian 係 Vegas 呢邊嘅一個複製品嚟，不過喺入面行咗一陣，見到啲裝修格局嗰種相似法都依然有少少打咗個突
。
唯一我覺得有少少分别嘅就係感覺上澳門嗰邊啲貢多拉好似冇 Vegas 呢邊開得咁勤力。
我哋由威尼斯人出返大街，跟住就沿住 Las Vegas Boulevard 向南一路行。
途中經過山寨版嘅 Eiffel Tower，查實出發前我有諗過科水 USD 19.25 上塔頂影吓 Vegas Strip 夜景嘅，不過同行朋友覺得唔抵玩，所以都只係經過冇入到去。
跟住過對面馬路，剛啱 Fountains of Bellagio 出面個噴泉奏樂，原本都冇諗住專登停步等睇噴泉騷嘅，不過睇落個騷啲氣氛又好似幾唔錯
。
如果我哋繼續向南行多一段路嘅話查實可以睇埋山寨版獅身人面像嘅，不過實在唔想呢晚喺 Vegas 度 Chur 得太盡，驚第二朝唔夠精神，所以睇完個音樂噴泉我哋就回程返去 Venetian 攞返部車，呢晚叫做係咁兒巡過吓拉斯維加斯一轉，到夜晚 12 點我哋就出車返民宿休息嘞。
我哋行咗轉揀咗間唔使點等位嘅 Trattoria Nakamura-Ya 中村屋，間嘢主要係做日式嘅意大利菜，食物質素唔錯價錢亦算相宜，我哋四個人食呢餐晚飯未計貼士都係 USD 50 落樓，食飽跟住就第一時間出車去 Las Vegas Strip 行夜街嘞。
曾幾何時喺 Las Vegas Strip 係冇科水泊車呢一回事嘅，可惜美好嘅時光總是短暫
，家陣嗰頭重提供免費車位嘅酒店已經買少見少。而港澳同胞熟識嘅威尼斯人就係其中一間依家重有得免費泊車嘅酒店，加上我哋由住宿嗰邊經 Spring Mountain Road 過去，喺威尼斯人泊低架車再去躝街亦幾順路，所以我哋去到 Strip 嗰邊嘅第一站就先去 Venetian 行吓。
查實一早都知澳門嗰個 Venetian 係 Vegas 呢邊嘅一個複製品嚟，不過喺入面行咗一陣，見到啲裝修格局嗰種相似法都依然有少少打咗個突
。唯一我覺得有少少分别嘅就係感覺上澳門嗰邊啲貢多拉好似冇 Vegas 呢邊開得咁勤力。
我哋由威尼斯人出返大街，跟住就沿住 Las Vegas Boulevard 向南一路行。
途中經過山寨版嘅 Eiffel Tower，查實出發前我有諗過科水 USD 19.25 上塔頂影吓 Vegas Strip 夜景嘅，不過同行朋友覺得唔抵玩，所以都只係經過冇入到去。
跟住過對面馬路，剛啱 Fountains of Bellagio 出面個噴泉奏樂，原本都冇諗住專登停步等睇噴泉騷嘅，不過睇落個騷啲氣氛又好似幾唔錯
。如果我哋繼續向南行多一段路嘅話查實可以睇埋山寨版獅身人面像嘅，不過實在唔想呢晚喺 Vegas 度 Chur 得太盡，驚第二朝唔夠精神，所以睇完個音樂噴泉我哋就回程返去 Venetian 攞返部車，呢晚叫做係咁兒巡過吓拉斯維加斯一轉，到夜晚 12 點我哋就出車返民宿休息嘞。
留言
發佈留言