喺酒店食完早餐，辦好退房手續之後就出車開始我哋第五日嘅行程。
上面個地圖記錄咗我哋呢日嘅行車路線同途中經過嘅一啲景點。
我哋剛啱離開 Page，喺 89 號公路中途見到幾檔我估係啲印第安人開嘅小販攤檔，見有幾部車停低我哋又跟隊停車睇吓，不過啲檔攤擺嘅嘢睇落冇乜特别，我哋 Hea 咗幾分鐘就上返車繼續行程。
跟住再行咗大約一個鐘車程，經過一條橫跨科來拉多河嘅橋見啲風景好似幾掂，於是又落車睇吓。
落車巡咗一轉，發覺呢度除咗可以欣賞吓 Colorado River 嘅風景之外，亦有免費洗手間可以借用，喺呢附近一帶想揾個位落車鬆一鬆嘅話，呢度算係一個幾唔錯嘅地方嚟。
查實我哋行程計劃入面都冇預到呢個位置有個咁嘅景點可以停一停嘅，返到香港查返先知呢條橋叫做 Navajo Bridge，係一對拱肩型嘅拱橋嚟，新啲嗰條橋係行車橋，另一條舊啲嘅係行人橋嚟。
睇完 Colorado River 同借完廁所，我哋上返車繼續沿 89A 公路前進，行咗冇幾耐我哋見到路邊有一堆形狀幾得意嘅石頭，嗰陣我哋就咁過咗冇停低去睇吓，後來返到香港查返原來嗰個位置叫 Cliff Dweller Rocks，上面個地圖亦有記錄返呢個景點嘅座標位置。
呢日我哋嘅目的地係 Bryce Canyon National Park 布萊斯峽谷國家公園，呢個國家公園有好幾個可以停車嘅 Viewpoints，而我哋就喺 Sunset Point 對出嘅一個停車場泊低部車。
布萊斯峽谷國家公園（Bryce Canyon National Park）係位於猶他州西南部嘅一個國家公園。
雖然呢個公園以 Canyon National Park 峽谷國家公園命名，但其實呢度並非真正嘅峽谷，而係沿住龐沙岡特高原東面，由侵蝕而成嘅盆地地形嚟。
呢隻獨特嘅地理結構稱為岩柱 (hoodoos)，係由風、河流裡面嘅水同冰侵蝕湖床嘅沉積岩所形成，盆地內因為呢種種侵蝕而形成嘅一楝楝紅色、橙色同白色嘅岩柱，就構成咗呢度一個奇特嘅自然景觀。
我哋喺 Sunset Point 外圍影咗陣相，跟住就落咗去 Navajo Loop Trail 行吓。
顧名思義呢個 Loop Trail 係一條循環嘅山徑路線，可以行一圈返到起步嘅原地，睇水牌就話呢一圈路程長 1.3 英里。
呢度比我哋早兩日去過嘅大峽谷處於更高嘅海拔高度，Bryce Park 嘅邊緣大約係喺海拔八千英尺至九千英尺，而大峽谷南部邊緣就只係喺海拔七千英尺，計正位置比較高嘅話應該氣温會低啲嘅。
不過可能我哋喺大峽谷嗰日陰天而去到 Bryce Park 呢日有啲太陽，所以感覺上呢日比我哋去大峽谷嗰日暖，不過就算係有陽光，以我哋四月尾咁嘅日子去到都要披返件外套上身先夠暖。
我哋喺 Sunset Point 呢度停車最主要嘅原因就係想行一行呢條 Navajo Loop Trail，而想行 Navajo Loop Trail 嘅原因就係為咗想清楚啲咁睇吓呢座名為 Thor’s Hammer 嘅 hoodoo。
Thor's Hammer 係 Bryce Canyon 入面其中一座比較出名嘅 hoodoo 嚟，至於佢出名嘅原因關唔關 Marvel 事咁就不得而知嘞
。
我哋去到 Sunset Point 外圍嗰陣，查實都要揾咗陣先揾到邊嚿石係 Thor's Hammer，呢嚿石個形態喺峽谷嘅外圍從居高臨下嘅角度係比較難睇得清楚嘅。
要睇清楚 Thor's Hammer 嘅形態，就要從 Navajo Loop Trail 行落去谷底比較低嘅位置先可以睇到。
喺 Navajo Loop Trail 行行吓我哋見到個咁嘅石窿，由個石窿度望出去又睇唔到有乜特別，嗰陣都唔係好明喺個場度整個咁嘅窿有乜作用。
後來睇返啲資料，我懷疑呢個窿查實有可能係天然形成，石窿周圍嘅欄杆只係一啲安全嘅設施嚟。
因為 hoodoos 其中一個形成嘅過程就係通過水同冰侵蝕岩層，先形成 Fin 繼而形成一啲叫 Window 嘅石洞，呢啲 Window 隨歳月慢慢喺岩層中增加，最後就形成家陣我哋見到咁一棟棟唔同形態嘅岩柱。
我哋行落去 Navajo Loop Trail 之前見個水牌話條步行徑行一圈有 1.3 英里嘅路程，不過呢個 Loop 行落真係完全唔似係得 1.3 英里咁短路程。
我哋由停車場個 trail head 起步行咗大半個鐘先去到呢個叫 Two Bridges 嘅位置，成個 Loop 到呢個位置我哋連半個圈都未行到，見繼續行落去唔多對路，於是我哋決定原路行返轉頭返去起點嗰個停車場度。
上面個地圖記錄咗我哋呢日嘅行車路線同途中經過嘅一啲景點。
我哋剛啱離開 Page，喺 89 號公路中途見到幾檔我估係啲印第安人開嘅小販攤檔，見有幾部車停低我哋又跟隊停車睇吓，不過啲檔攤擺嘅嘢睇落冇乜特别，我哋 Hea 咗幾分鐘就上返車繼續行程。
跟住再行咗大約一個鐘車程，經過一條橫跨科來拉多河嘅橋見啲風景好似幾掂，於是又落車睇吓。
落車巡咗一轉，發覺呢度除咗可以欣賞吓 Colorado River 嘅風景之外，亦有免費洗手間可以借用，喺呢附近一帶想揾個位落車鬆一鬆嘅話，呢度算係一個幾唔錯嘅地方嚟。
查實我哋行程計劃入面都冇預到呢個位置有個咁嘅景點可以停一停嘅，返到香港查返先知呢條橋叫做 Navajo Bridge，係一對拱肩型嘅拱橋嚟，新啲嗰條橋係行車橋，另一條舊啲嘅係行人橋嚟。
睇完 Colorado River 同借完廁所，我哋上返車繼續沿 89A 公路前進，行咗冇幾耐我哋見到路邊有一堆形狀幾得意嘅石頭，嗰陣我哋就咁過咗冇停低去睇吓，後來返到香港查返原來嗰個位置叫 Cliff Dweller Rocks，上面個地圖亦有記錄返呢個景點嘅座標位置。
呢日我哋嘅目的地係 Bryce Canyon National Park 布萊斯峽谷國家公園，呢個國家公園有好幾個可以停車嘅 Viewpoints，而我哋就喺 Sunset Point 對出嘅一個停車場泊低部車。
布萊斯峽谷國家公園（Bryce Canyon National Park）係位於猶他州西南部嘅一個國家公園。
雖然呢個公園以 Canyon National Park 峽谷國家公園命名，但其實呢度並非真正嘅峽谷，而係沿住龐沙岡特高原東面，由侵蝕而成嘅盆地地形嚟。
呢隻獨特嘅地理結構稱為岩柱 (hoodoos)，係由風、河流裡面嘅水同冰侵蝕湖床嘅沉積岩所形成，盆地內因為呢種種侵蝕而形成嘅一楝楝紅色、橙色同白色嘅岩柱，就構成咗呢度一個奇特嘅自然景觀。
我哋喺 Sunset Point 外圍影咗陣相，跟住就落咗去 Navajo Loop Trail 行吓。
顧名思義呢個 Loop Trail 係一條循環嘅山徑路線，可以行一圈返到起步嘅原地，睇水牌就話呢一圈路程長 1.3 英里。
呢度比我哋早兩日去過嘅大峽谷處於更高嘅海拔高度，Bryce Park 嘅邊緣大約係喺海拔八千英尺至九千英尺，而大峽谷南部邊緣就只係喺海拔七千英尺，計正位置比較高嘅話應該氣温會低啲嘅。
不過可能我哋喺大峽谷嗰日陰天而去到 Bryce Park 呢日有啲太陽，所以感覺上呢日比我哋去大峽谷嗰日暖，不過就算係有陽光，以我哋四月尾咁嘅日子去到都要披返件外套上身先夠暖。
我哋喺 Sunset Point 呢度停車最主要嘅原因就係想行一行呢條 Navajo Loop Trail，而想行 Navajo Loop Trail 嘅原因就係為咗想清楚啲咁睇吓呢座名為 Thor’s Hammer 嘅 hoodoo。
Thor's Hammer 係 Bryce Canyon 入面其中一座比較出名嘅 hoodoo 嚟，至於佢出名嘅原因關唔關 Marvel 事咁就不得而知嘞
。我哋去到 Sunset Point 外圍嗰陣，查實都要揾咗陣先揾到邊嚿石係 Thor's Hammer，呢嚿石個形態喺峽谷嘅外圍從居高臨下嘅角度係比較難睇得清楚嘅。
要睇清楚 Thor's Hammer 嘅形態，就要從 Navajo Loop Trail 行落去谷底比較低嘅位置先可以睇到。
喺 Navajo Loop Trail 行行吓我哋見到個咁嘅石窿，由個石窿度望出去又睇唔到有乜特別，嗰陣都唔係好明喺個場度整個咁嘅窿有乜作用。
後來睇返啲資料，我懷疑呢個窿查實有可能係天然形成，石窿周圍嘅欄杆只係一啲安全嘅設施嚟。
因為 hoodoos 其中一個形成嘅過程就係通過水同冰侵蝕岩層，先形成 Fin 繼而形成一啲叫 Window 嘅石洞，呢啲 Window 隨歳月慢慢喺岩層中增加，最後就形成家陣我哋見到咁一棟棟唔同形態嘅岩柱。
我哋行落去 Navajo Loop Trail 之前見個水牌話條步行徑行一圈有 1.3 英里嘅路程，不過呢個 Loop 行落真係完全唔似係得 1.3 英里咁短路程。
我哋由停車場個 trail head 起步行咗大半個鐘先去到呢個叫 Two Bridges 嘅位置，成個 Loop 到呢個位置我哋連半個圈都未行到，見繼續行落去唔多對路，於是我哋決定原路行返轉頭返去起點嗰個停車場度。
留言
發佈留言