喺 Badwater Road 同 190 號公路交界點附近可以揾到一座名為 Furnace Creek Visitor Centre 嘅遊客中心，我哋就喺呢度揾到個有蓋嘅車位泊低部車，揾個洗手間洗一洗手同喺車上食埋個簡單嘅午餐。
查實出發前我一直有一個疑問，就係喺地圖上面我點揾都揾唔到死亡谷國家公園入面啲出入口關閘嘅位置，我哋入去 Zabriskie Point 同 Badwater Road 嗰陣照計已經進入咗個國家公園嘅範圍㗎喇
，但此終都完全見唔到有出入口嘅關閘。
後來我喺遊客中心見有個詢問處就去問一問啲 Ranger，問完先知道原來喺 Death Valley 係冇出入口嘅關閘，買咗飛入場嘅遊客要喺自己部車嘅當眼處好似咁樣掛起個入場証。喺呢個國家公園內巡邏嘅 Ranger 係會抽查場內嘅各個停車場，如果發現邊架車入面係冇掛起有效嘅入場証，就會等部車嘅車主攞返部車嗰陣再查問，如果發現車上有人出示唔到有效嘅入場証嘅話就有可能會收到罰單。
食完晏就繼續下晝嘅行程嘞，我哋呢日晏晝嘅第一站係 Mesquite Flat Dunes。
喺死亡谷國家公園入面有 5 個 sand dunes，Mesquite Flat Dunes 係當中最細不過亦係最容易去到嘅一個，其餘四個 sand dunes 一般遊客都比較難去得到，所以呢個咁就近 Stovepipe Wells 嘅 sand dune 就成為死亡谷入面一個熱門嘅景點。
Mesquite Flat Dunes 除咗係公園入面一個熱門嘅旅遊景點之外，亦係一個熱門嘅外景拍攝場地嚟。Mesquite Flat Dunes 入面最大嘅一個沙丘名為 Star Dune，高 140 尺，聽個名都估到呢度曾經係電影星球大戰嘅外景場地喇
。
要去到呢啲比較高嘅沙丘就要步行去 sand dune 範圍內比較深入嘅地帶，通常來回行一轉都要個零鐘嘅時間。
不過喺春夏季節死亡谷內嘅氣温比較熱，我哋去到嗰日嘅氣温都成 35℃ 以上，去行 sand dunes 嘅話查實喺秋冬季節天氣涼返啲嗰陣會比較適合。
我哋呢日亦冇諗住入去 sand dunes 行，只係喺外圍係咁兒影吓相就離場。今次喺 Death Valley 用嚟行 trail 嘅時間我哋比較想用喺 Mosaic Canyon 度。
Mosaic Canyon 亦係喺 Stovepipe Wells 附近，由 Mesquite Flat Dunes 過去都係幾分鐘車程，我哋喺景點出面嘅停車場泊好部車之後就跟住水牌指示行去 Canyon 嘅入口。
Mosaic Canyon 應該係我哋呢次行程中去過最狹窄嘅一個峽谷嚟 (好似係，除非唔係)，呢個地方特别嘅地方，係峽谷入面一條名為 Mosaic Canyon Trail 嘅步行徑入面有啲窄窄嘅通道，通道兩邊係啲大理石壁，當中部份通道嘅闊度只得四尺。
進入 Mosaic Canyon Trail 冇幾耐，就會開始見到步行徑嘅通道突然收窄，四周開始被大理石壁圍住。
喺步行徑通道前行嗰陣有時都要爬上去啲大理石上面先過到，有啲斜坡係只得光滑嘅石面完全冇碎石位可以借力行過去，要過呢啲斜坡位就只可以坐低好以玩滑梯咁瀡落去，玩落呢隻咁嘅行山體驗都相當之有趣
。開頭呢段峽谷山徑唔係好長，只係大約廿分鐘嘅步程，我哋就出返去一個空曠嘅碎石地帶。
我哋跟住地圖上嘅步行徑路線一路行，諗住前面重會有嗰啲窄巷峽谷俾我哋繼續玩喇，點知沿住條 Trail 行咗半個鐘都依然係一片空曠嘅碎石地，直至嚟到呢堆大石堵住嘅谷口，見地圖顯示條步行徑就向住呢個谷口後面申延。
查實我哋出發之前睇過啲資料，都知道 Mosaic Canyon Trail 中間有個位置係俾啲大石堵塞住要爬過堆石先可以行晒成條步行徑。
上面個地圖就記錄咗呢條 Mosaic Canyon Trail 嘅路線同呢堆大石嘅位置，我哋由停車場起步，行吓影吓相又揾吓路咁，大約就用咗一個鐘行到嚟呢個位置。我哋行到呢個位置嗰陣嘅時間已經好晏，如果再唔回程嘅話，就有可能趕唔切喺今晚落腳嗰間民宿嘅接待處打烊之前攞到入屋鎖匙，所以我哋都冇再繼續嚐試去行大石後面嗰段嘅山徑；據我喺網上睇過嘅資料，喺大石後面嘅呢段山徑度都有好幾段狹窄嘅大理石山壁可以行吓嘅。
我哋原路回程返停車場攞返部車，跟住就向住呢晚落腳嘅市鎮 Bakersfield 進發嘞，呢段車程都要行 200 英里，中途我哋係一個叫 Ridgecrest 嘅市鎮停車抖一抖。呢晚我哋喺 Bakersfield 入住嗰間民宿嘅接待處到夜晚九點就打烊，好彩我哋啱啱好喺夠鐘前 5 分鐘達陣，剛剛好喺接待處啲職員收工前攞到鎖匙入屋。
查實出發前我一直有一個疑問，就係喺地圖上面我點揾都揾唔到死亡谷國家公園入面啲出入口關閘嘅位置，我哋入去 Zabriskie Point 同 Badwater Road 嗰陣照計已經進入咗個國家公園嘅範圍㗎喇
，但此終都完全見唔到有出入口嘅關閘。後來我喺遊客中心見有個詢問處就去問一問啲 Ranger，問完先知道原來喺 Death Valley 係冇出入口嘅關閘，買咗飛入場嘅遊客要喺自己部車嘅當眼處好似咁樣掛起個入場証。喺呢個國家公園內巡邏嘅 Ranger 係會抽查場內嘅各個停車場，如果發現邊架車入面係冇掛起有效嘅入場証，就會等部車嘅車主攞返部車嗰陣再查問，如果發現車上有人出示唔到有效嘅入場証嘅話就有可能會收到罰單。
食完晏就繼續下晝嘅行程嘞，我哋呢日晏晝嘅第一站係 Mesquite Flat Dunes。
喺死亡谷國家公園入面有 5 個 sand dunes，Mesquite Flat Dunes 係當中最細不過亦係最容易去到嘅一個，其餘四個 sand dunes 一般遊客都比較難去得到，所以呢個咁就近 Stovepipe Wells 嘅 sand dune 就成為死亡谷入面一個熱門嘅景點。
Mesquite Flat Dunes 除咗係公園入面一個熱門嘅旅遊景點之外，亦係一個熱門嘅外景拍攝場地嚟。Mesquite Flat Dunes 入面最大嘅一個沙丘名為 Star Dune，高 140 尺，聽個名都估到呢度曾經係電影星球大戰嘅外景場地喇
。要去到呢啲比較高嘅沙丘就要步行去 sand dune 範圍內比較深入嘅地帶，通常來回行一轉都要個零鐘嘅時間。
不過喺春夏季節死亡谷內嘅氣温比較熱，我哋去到嗰日嘅氣温都成 35℃ 以上，去行 sand dunes 嘅話查實喺秋冬季節天氣涼返啲嗰陣會比較適合。
我哋呢日亦冇諗住入去 sand dunes 行，只係喺外圍係咁兒影吓相就離場。今次喺 Death Valley 用嚟行 trail 嘅時間我哋比較想用喺 Mosaic Canyon 度。
Mosaic Canyon 亦係喺 Stovepipe Wells 附近，由 Mesquite Flat Dunes 過去都係幾分鐘車程，我哋喺景點出面嘅停車場泊好部車之後就跟住水牌指示行去 Canyon 嘅入口。
Mosaic Canyon 應該係我哋呢次行程中去過最狹窄嘅一個峽谷嚟 (好似係，除非唔係)，呢個地方特别嘅地方，係峽谷入面一條名為 Mosaic Canyon Trail 嘅步行徑入面有啲窄窄嘅通道，通道兩邊係啲大理石壁，當中部份通道嘅闊度只得四尺。
進入 Mosaic Canyon Trail 冇幾耐，就會開始見到步行徑嘅通道突然收窄，四周開始被大理石壁圍住。
喺步行徑通道前行嗰陣有時都要爬上去啲大理石上面先過到，有啲斜坡係只得光滑嘅石面完全冇碎石位可以借力行過去，要過呢啲斜坡位就只可以坐低好以玩滑梯咁瀡落去，玩落呢隻咁嘅行山體驗都相當之有趣
。開頭呢段峽谷山徑唔係好長，只係大約廿分鐘嘅步程，我哋就出返去一個空曠嘅碎石地帶。我哋跟住地圖上嘅步行徑路線一路行，諗住前面重會有嗰啲窄巷峽谷俾我哋繼續玩喇，點知沿住條 Trail 行咗半個鐘都依然係一片空曠嘅碎石地，直至嚟到呢堆大石堵住嘅谷口，見地圖顯示條步行徑就向住呢個谷口後面申延。
查實我哋出發之前睇過啲資料，都知道 Mosaic Canyon Trail 中間有個位置係俾啲大石堵塞住要爬過堆石先可以行晒成條步行徑。
上面個地圖就記錄咗呢條 Mosaic Canyon Trail 嘅路線同呢堆大石嘅位置，我哋由停車場起步，行吓影吓相又揾吓路咁，大約就用咗一個鐘行到嚟呢個位置。我哋行到呢個位置嗰陣嘅時間已經好晏，如果再唔回程嘅話，就有可能趕唔切喺今晚落腳嗰間民宿嘅接待處打烊之前攞到入屋鎖匙，所以我哋都冇再繼續嚐試去行大石後面嗰段嘅山徑；據我喺網上睇過嘅資料，喺大石後面嘅呢段山徑度都有好幾段狹窄嘅大理石山壁可以行吓嘅。
我哋原路回程返停車場攞返部車，跟住就向住呢晚落腳嘅市鎮 Bakersfield 進發嘞，呢段車程都要行 200 英里，中途我哋係一個叫 Ridgecrest 嘅市鎮停車抖一抖。呢晚我哋喺 Bakersfield 入住嗰間民宿嘅接待處到夜晚九點就打烊，好彩我哋啱啱好喺夠鐘前 5 分鐘達陣，剛剛好喺接待處啲職員收工前攞到鎖匙入屋。
留言
發佈留言