離開 Vernal Fall 上游繼續向東行，就開始進入 Nevada Fall Trail 嘅路段嘞，喺呢段山徑起步點側邊有一個名為 Emerald Pool 嘅水池，我哋喺春天溶雪季節嚟到呢度就見到個激流澎湃咁嘅場面喇，不過到咗夏天呢度嘅水流平靜返嗰陣，就會有途經嘅遊人喺呢度玩水游泳。
不過 Yosemite Park 呢度嘅 Ranger 查實係極之唔建議啲遊客喺 Emerald Pool 度落水嘅，事關就算池水表面上望落平靜，但查實好多時候喺池底會存在暗湧，加上池底嘅石塊光滑跣腳，喺呢個水池游水查實會有被沖落 Vernal Fall 嘅風險㗎
。
Emerald Pool 上游有一個叫 Silver Apron 嘅斜坡，又係因為有啲遊人會喺呢度玩水滑梯瀡落去 Emerald Pool 度，而令呢度成為 Vernal Fall 上游一個發生意外嘅熱點。
喺 Silver Apron 以南嘅山徑有個分岔點，其中一邊嘅山路係通向 John Muir Trail 回程返去 Happy Isles，我哋行到呢個位嗰陣冇望清楚地圖一個唔覺意就行咗入呢段路度。
好彩行咗兩步覺得唔對路望真啲個地圖先知道行錯路，嗰陣已經係晏晝兩點幾，原本我哋都有商量過好唔好將錯就錯唔上 Nevada Fall 直接返 Happy Isles 嘅，不過同行嘅朋友都係比較想上埋去 Nevada Fall。
於是我哋就修正返個路線由分岔路另一邊嘅 Nevada Fall Trail 繼續行程，經一條小木橋橫過 Merced River。
離開 Vernal Fall 頂部嗰個 Lookout 之後發覺四周嘅遊人明顯地減少咗好多，之前條路人山人海咁所以完全唔使睇地圖跟住條人龍行就一定冇錯，但自從進入 Nevada Fall Trail 之後條路就完全靜晒，所以要時不時望吓個地圖確認自己冇行錯路。
由木橋開始計大約行咗廿分鐘，我哋就到達 Nevada Fall 瀑布嘅下游底部嘞。
之後又係一大段上斜嘅路段，查實我嗰陣都有些少低估咗呢段山路嘅距離同難度，而當中最大嘅失誤就係帶唔夠水
。
我由 Happy Isles 出發嗰陣只係帶咗一公升水喺身，但到咗 Vernal Fall 嗰陣我已經察覺到如果要行完 Nevada Fall 再回程查實真係要兩公升水先夠飲，嗰陣我要全程就住就住咁嚟消耗嗰樽水，好彩天氣都唔係太熱所以好免強咁都可以靠嗰一公升水捱得過全程。
大約晏晝四點幾我哋終於 Chur 完呢段上斜路，前面再有一個分岔路口，嚟到呢度我哋有兩個選擇
。
選擇一係轉入西南方向嘅 John Muir Trail 回頭返去 Happy Isles。
而選擇二就係繼續朝東北方沿 Half Dome Trail 前進，前行 4.5 英里挑戰 Half Dome。
憑我哋強健嘅體魄、矯捷嘅身手同堅毅嘅意志
，當然係諗都唔使諗... 就轉身走人沿住 John Muir Trail 打道回府喇 
。離場回程之前我哋先喺 Nevada Fall 瀑布頂嘅一個 Lookout 攤抖吓回一回氣。
我哋選擇經 John Muir Trail 返歸而唔行返原路回程，除咗唔想同一條路線行兩次咁悶之外，另一個主要原因係睇地圖見 John Muir Trail 嗰邊比較多 Zig Zag 之字路，路程需然比較長但同時應該冇咁陡斜，諗住落山行呢邊應該會輕鬆好多。
但此終呢個諗法我只係靠睇個地圖嘅路線去估計，真實情況係咪咁當時我都唔係太肯定，所以行上去 Nevada Fall 嗰陣我就問過一個從相反方向落山嘅途人，想確認一吓後面嗰段路係咪好似我所預計咁比較易行。
當時嗰位途人同我哋講話我哋前面落山嗰條路行嚟講就的確係比較易行嘅，不過講完佢再加多句 'but a bit wet'；我聽到呢句 'but a bit wet' 嗰陣個心隱約都覺得有啲啲唔妥㗎喇，不過佢既然都話條路係易行啲，加上上山嗰條路徑對我哋嚟講已經算係有一定嘅難度，當時我行上山嗰陣已經係行到有些少心驚，所謂上山容易落山難，如果有另一條易行啲嘅路徑落山嘅話我實在係極之唔想原路回程。
我哋喺 Nevada Fall 上游嗰個 Lookout 抖夠之後就起錨回程嘞，沿住 John Muir Trail 行咗十分鐘都唔夠，我哋就開始明白之前嗰位巴打所講嘅 but a bit wet 係乜意思嘞。
首先我哋要通過一條咁樣嘅小溪，檻過小溪前面打橫嗰棵樹唔係大問題，問題係棵樹下面嘅溪流太闊冇得大步檻過一定要踩過水深到腳眼嘅溪水，過完呢關首先我哋啲鞋同襪都全部濕晒
。
鞋濕襪濕都係少問題，跟住再行多十零分鐘就準備要過第二關嘞，原來除咗我哋後面嗰座 Nevada Fall 大瀑布之外，喺前面條山徑度竟然都整咗個小瀑布俾我哋歎吓；喺 Yosemite 各大瀑布嘅水源係嚟自春暖時份山峰上嘅溶雪呢個我出發前就已經知道，估唔到一場嚟到重俾個機會我親身感受一吓呢啲冰川泉水有幾咁冰凍 ~ 過呢條瀑布嗰陣照頭淋落嚟嘅冰水直頭係可以用嚟沖杯凍奶茶走冰都重係凍到雪雪聲嗰隻，玩過呢吓超級冰桶挑戰之後我當堂打咗成分幾兩分鐘冷震
，好彩嗰日都算猛太陽加上天氣乾澡，行多一段路之後個身都好快就乾返同暖返。
不過亦正如我所預想嘅一樣，過咗呢兩關之後嘅山路的確係易行好多，無驚無險我哋大約黃昏六點幾終於返到 Happy Isles 攞返部車，雖然都已經行到謝晒，不過部車唔多夠油，所以幾攰都好都要頂硬上先出車去打返爆個油缸先可以返民宿度休息。
查過吓地圖我估 Yosemite Park 園區入面應該係冇油站嘅，最近 Yosemite Valley 嘅油站應該係喺園區其中一個出入口 Arch Rock Entrance 出面嘅一個油站。
不過我哋去到先發現原來呢個係一個自助式油站嚟，油站冇收銀櫃台職員，只可以刷信用卡俾錢；我哋喺 L.A. 出咗車之後都曾經試過用油站嘅自助碌卡機刷信用卡俾錢入油不過當時部機唔受我哋嗰張信用卡，結果之後我哋次次入油都係入油站舖頭度揾收銀櫃位嘅職員幫我哋人手碌卡俾錢嘅；今次嚟到呢個油站見冇收銀櫃位只可以自助碌卡，最初我哋都打咗個突心諗今次可能要再揸遠啲揾其他油站喇；不過一場嚟到就點都要先盡人事試試喇，我哋先試用之前用開嗰張信用卡刷卡，可惜都依然係唔成功，跟住我哋換另一張 HK Bank 嘅信用卡試吓 ~ bingo 呢次終於成功部機肯受呢張卡，算幾好彩喺呢個油站度入到油，我哋先至剛剛好趕得切黃昏日落之前返到民宿，唔使好似之前嗰日咁要摸黑喺啲山路度揸車。
呢一日Chur 咗兩座瀑布嘅山路本來已經成個人謝晒，食完晚飯真係好想即刻沖涼瞓覺。
不過見呢一日成日個天都咁晴朗想揾嚿雲睇吓都冇咁劑，心諗咁嘅天氣下上到山唔影吓夜景又好似有啲可惜，於是食完飯抖咗陣就用埋最後一分奶力出屋外係咁兒影幾張先收工去沖涼瞓覺
。
不過 Yosemite Park 呢度嘅 Ranger 查實係極之唔建議啲遊客喺 Emerald Pool 度落水嘅，事關就算池水表面上望落平靜，但查實好多時候喺池底會存在暗湧，加上池底嘅石塊光滑跣腳，喺呢個水池游水查實會有被沖落 Vernal Fall 嘅風險㗎
。Emerald Pool 上游有一個叫 Silver Apron 嘅斜坡，又係因為有啲遊人會喺呢度玩水滑梯瀡落去 Emerald Pool 度，而令呢度成為 Vernal Fall 上游一個發生意外嘅熱點。
喺 Silver Apron 以南嘅山徑有個分岔點，其中一邊嘅山路係通向 John Muir Trail 回程返去 Happy Isles，我哋行到呢個位嗰陣冇望清楚地圖一個唔覺意就行咗入呢段路度。
好彩行咗兩步覺得唔對路望真啲個地圖先知道行錯路，嗰陣已經係晏晝兩點幾，原本我哋都有商量過好唔好將錯就錯唔上 Nevada Fall 直接返 Happy Isles 嘅，不過同行嘅朋友都係比較想上埋去 Nevada Fall。
於是我哋就修正返個路線由分岔路另一邊嘅 Nevada Fall Trail 繼續行程，經一條小木橋橫過 Merced River。
離開 Vernal Fall 頂部嗰個 Lookout 之後發覺四周嘅遊人明顯地減少咗好多，之前條路人山人海咁所以完全唔使睇地圖跟住條人龍行就一定冇錯，但自從進入 Nevada Fall Trail 之後條路就完全靜晒，所以要時不時望吓個地圖確認自己冇行錯路。
由木橋開始計大約行咗廿分鐘，我哋就到達 Nevada Fall 瀑布嘅下游底部嘞。
之後又係一大段上斜嘅路段，查實我嗰陣都有些少低估咗呢段山路嘅距離同難度，而當中最大嘅失誤就係帶唔夠水
。我由 Happy Isles 出發嗰陣只係帶咗一公升水喺身，但到咗 Vernal Fall 嗰陣我已經察覺到如果要行完 Nevada Fall 再回程查實真係要兩公升水先夠飲，嗰陣我要全程就住就住咁嚟消耗嗰樽水，好彩天氣都唔係太熱所以好免強咁都可以靠嗰一公升水捱得過全程。
大約晏晝四點幾我哋終於 Chur 完呢段上斜路，前面再有一個分岔路口，嚟到呢度我哋有兩個選擇
。選擇一係轉入西南方向嘅 John Muir Trail 回頭返去 Happy Isles。
而選擇二就係繼續朝東北方沿 Half Dome Trail 前進，前行 4.5 英里挑戰 Half Dome。
憑我哋強健嘅體魄、矯捷嘅身手同堅毅嘅意志
，當然係諗都唔使諗... 就轉身走人沿住 John Muir Trail 打道回府喇 。離場回程之前我哋先喺 Nevada Fall 瀑布頂嘅一個 Lookout 攤抖吓回一回氣。我哋選擇經 John Muir Trail 返歸而唔行返原路回程，除咗唔想同一條路線行兩次咁悶之外，另一個主要原因係睇地圖見 John Muir Trail 嗰邊比較多 Zig Zag 之字路，路程需然比較長但同時應該冇咁陡斜，諗住落山行呢邊應該會輕鬆好多。
但此終呢個諗法我只係靠睇個地圖嘅路線去估計，真實情況係咪咁當時我都唔係太肯定，所以行上去 Nevada Fall 嗰陣我就問過一個從相反方向落山嘅途人，想確認一吓後面嗰段路係咪好似我所預計咁比較易行。
當時嗰位途人同我哋講話我哋前面落山嗰條路行嚟講就的確係比較易行嘅，不過講完佢再加多句 'but a bit wet'；我聽到呢句 'but a bit wet' 嗰陣個心隱約都覺得有啲啲唔妥㗎喇
，不過佢既然都話條路係易行啲，加上上山嗰條路徑對我哋嚟講已經算係有一定嘅難度，當時我行上山嗰陣已經係行到有些少心驚，所謂上山容易落山難，如果有另一條易行啲嘅路徑落山嘅話我實在係極之唔想原路回程。我哋喺 Nevada Fall 上游嗰個 Lookout 抖夠之後就起錨回程嘞，沿住 John Muir Trail 行咗十分鐘都唔夠，我哋就開始明白之前嗰位巴打所講嘅 but a bit wet 係乜意思嘞。
首先我哋要通過一條咁樣嘅小溪，檻過小溪前面打橫嗰棵樹唔係大問題，問題係棵樹下面嘅溪流太闊冇得大步檻過一定要踩過水深到腳眼嘅溪水，過完呢關首先我哋啲鞋同襪都全部濕晒
。鞋濕襪濕都係少問題，跟住再行多十零分鐘就準備要過第二關嘞，原來除咗我哋後面嗰座 Nevada Fall 大瀑布之外，喺前面條山徑度竟然都整咗個小瀑布俾我哋歎吓；喺 Yosemite 各大瀑布嘅水源係嚟自春暖時份山峰上嘅溶雪呢個我出發前就已經知道，估唔到一場嚟到重俾個機會我親身感受一吓呢啲冰川泉水有幾咁冰凍 ~ 過呢條瀑布嗰陣照頭淋落嚟嘅冰水直頭係可以用嚟沖杯凍奶茶走冰都重係凍到雪雪聲嗰隻，玩過呢吓超級冰桶挑戰之後我當堂打咗成分幾兩分鐘冷震
，好彩嗰日都算猛太陽加上天氣乾澡，行多一段路之後個身都好快就乾返同暖返。不過亦正如我所預想嘅一樣，過咗呢兩關之後嘅山路的確係易行好多，無驚無險我哋大約黃昏六點幾終於返到 Happy Isles 攞返部車，雖然都已經行到謝晒，不過部車唔多夠油，所以幾攰都好都要頂硬上先出車去打返爆個油缸先可以返民宿度休息。
查過吓地圖我估 Yosemite Park 園區入面應該係冇油站嘅，最近 Yosemite Valley 嘅油站應該係喺園區其中一個出入口 Arch Rock Entrance 出面嘅一個油站。
不過我哋去到先發現原來呢個係一個自助式油站嚟，油站冇收銀櫃台職員，只可以刷信用卡俾錢；我哋喺 L.A. 出咗車之後都曾經試過用油站嘅自助碌卡機刷信用卡俾錢入油不過當時部機唔受我哋嗰張信用卡，結果之後我哋次次入油都係入油站舖頭度揾收銀櫃位嘅職員幫我哋人手碌卡俾錢嘅；今次嚟到呢個油站見冇收銀櫃位只可以自助碌卡，最初我哋都打咗個突心諗今次可能要再揸遠啲揾其他油站喇
；不過一場嚟到就點都要先盡人事試試喇，我哋先試用之前用開嗰張信用卡刷卡，可惜都依然係唔成功，跟住我哋換另一張 HK Bank 嘅信用卡試吓 ~ bingo 呢次終於成功部機肯受呢張卡，算幾好彩喺呢個油站度入到油，我哋先至剛剛好趕得切黃昏日落之前返到民宿，唔使好似之前嗰日咁要摸黑喺啲山路度揸車。呢一日Chur 咗兩座瀑布嘅山路本來已經成個人謝晒，食完晚飯真係好想即刻沖涼瞓覺。
不過見呢一日成日個天都咁晴朗想揾嚿雲睇吓都冇咁劑，心諗咁嘅天氣下上到山唔影吓夜景又好似有啲可惜，於是食完飯抖咗陣就用埋最後一分奶力出屋外係咁兒影幾張先收工去沖涼瞓覺
。
留言
發佈留言