我哋喺民宿放低啲行李同 Hea 咗陣，跟住就出車開去 Fisherman's Wharf 度揾地方食晚飯嘞。
呢次美國之行，我哋應該未試過喺啲大城市嘅高速公路度可以完全冇入錯 Exit 一次過跟住電話個 GPS 地圖路線揸到去目的地，每次上嚫啲 Freeway 總會入錯一兩個 Exit 要等部電話再計過啲路線，係咁樣轉幾次路線先行返啱條路。呢晚我哋去 Fisherman's Wharf 途中亦避唔開呢個一上 Freeway 就要玩遊車河嘅宿命
，一個唔覺意就上咗 Oakland Bay Bridge，去到 Yerba Buena Island 我哋就將錯就錯喺嗰度岸邊停一停車影吓夜景先返轉頭，遊呢轉車河就使咗我哋 4 文美金過橋費。
到大約夜晚八點幾我哋先去到 Fisherman's Wharf 嘅 Pier 39，喺嗰度附近一個有蓋停車場泊好部車之後就一路行街一路揾吓有乜地方啱食晚飯嘞。
Pier 39 呢度夜晚比我想像中靜好多，嚟到見好多鋪頭都已經打咗烊，好在重有幾間餐廳未關門。
我哋喺碼頭見一間鋪號叫 Eagle Cafe 嘅餐廳望落都似幾啱食，於是就入去坐低開飯嘞。呢餐飯埋單未計貼士盛惠 US$ 99.59，我哋每位落樓查實都係港銀二百零文，食落同香港啲價位又唔係差好遠。
大約十點幾食完飯我哋沿住海邊散吓步 Hea 吓，不過夜晚呢度真係好靜，行行吓我重見到遠處有個疑似醉酒佬喺條街度蕩吓蕩吓咁。
見呢度夜晚行街都冇乜氣氛，所以我哋 Hea 咗陣就出車返民宿休息嘞。
到第二日我哋要朝早十一點前去到機場準備搭晏晝一點班機返香港，所以呢日朝早都冇乜時間俾我哋四圍去。
我哋喺民宿度 Hea 到十點咁上下就出車去機場，上面個地圖就記錄咗我哋入機場呢程車嘅路線。
呢日朝早入機場條路冇乜點塞過車，唔使半個鐘就揸到入機場。
值得提吓嘅係喺三藩市國際機場度交還出租車嘅話，要喺機場附近一個 Rental Car Centre 度交車。
之後再坐一程免費嘅 Airtrain 去機場嘅出境大堂，上面嗰個地圖亦有記錄到呢個 Rental Car Centre 嘅位置。
三藩市國際機場比起我哋嚟嗰陣喺 L.A. 嗰個機場新淨好多，出境嗰陣又冇咁長條人龍，成個等上機嘅過程都舒服好多。
喺 2017 年五月頭一個晴朗嘅下午，我坐上國泰呢班 CX879 號班機，終於平平安安冇穿冇爛返到香港，完成今次喺美國西岸嘅旅程
。
呢次美國之行，我哋應該未試過喺啲大城市嘅高速公路度可以完全冇入錯 Exit 一次過跟住電話個 GPS 地圖路線揸到去目的地，每次上嚫啲 Freeway 總會入錯一兩個 Exit 要等部電話再計過啲路線，係咁樣轉幾次路線先行返啱條路。呢晚我哋去 Fisherman's Wharf 途中亦避唔開呢個一上 Freeway 就要玩遊車河嘅宿命
，一個唔覺意就上咗 Oakland Bay Bridge，去到 Yerba Buena Island 我哋就將錯就錯喺嗰度岸邊停一停車影吓夜景先返轉頭，遊呢轉車河就使咗我哋 4 文美金過橋費。到大約夜晚八點幾我哋先去到 Fisherman's Wharf 嘅 Pier 39，喺嗰度附近一個有蓋停車場泊好部車之後就一路行街一路揾吓有乜地方啱食晚飯嘞。
Pier 39 呢度夜晚比我想像中靜好多，嚟到見好多鋪頭都已經打咗烊，好在重有幾間餐廳未關門。
我哋喺碼頭見一間鋪號叫 Eagle Cafe 嘅餐廳望落都似幾啱食，於是就入去坐低開飯嘞。呢餐飯埋單未計貼士盛惠 US$ 99.59，我哋每位落樓查實都係港銀二百零文，食落同香港啲價位又唔係差好遠。
大約十點幾食完飯我哋沿住海邊散吓步 Hea 吓，不過夜晚呢度真係好靜，行行吓我重見到遠處有個疑似醉酒佬喺條街度蕩吓蕩吓咁。
見呢度夜晚行街都冇乜氣氛，所以我哋 Hea 咗陣就出車返民宿休息嘞。
到第二日我哋要朝早十一點前去到機場準備搭晏晝一點班機返香港，所以呢日朝早都冇乜時間俾我哋四圍去。
我哋喺民宿度 Hea 到十點咁上下就出車去機場，上面個地圖就記錄咗我哋入機場呢程車嘅路線。
呢日朝早入機場條路冇乜點塞過車，唔使半個鐘就揸到入機場。
值得提吓嘅係喺三藩市國際機場度交還出租車嘅話，要喺機場附近一個 Rental Car Centre 度交車。
之後再坐一程免費嘅 Airtrain 去機場嘅出境大堂，上面嗰個地圖亦有記錄到呢個 Rental Car Centre 嘅位置。
三藩市國際機場比起我哋嚟嗰陣喺 L.A. 嗰個機場新淨好多，出境嗰陣又冇咁長條人龍，成個等上機嘅過程都舒服好多。
喺 2017 年五月頭一個晴朗嘅下午，我坐上國泰呢班 CX879 號班機，終於平平安安冇穿冇爛返到香港，完成今次喺美國西岸嘅旅程
。
留言
發佈留言