時間係 2018 年 7 月 1 號嘅零晨，呢晚我哋由香港國際機場坐上呢班卡塔爾航空嘅班機，出發去法國南部嘅尼斯，開始我哋今次由法國南部踩上瑞士嘅旅程。
我哋今次喺法國南部同瑞士加埋總共玩咗 15 日，以下就係我哋今次粗略嘅日程：
Day 1 : 到達法國 Nice，喺 Nice 住宿一晚。
Day 2 : 由 Nice 搭火車到 Avignon，喺 Avignon 住宿兩晚。
Day 3 : Abbaye Notre-Dame de Sénanque、Gordes、Valensole，呢日主要喺 Provence 掃薰衣草田。
Day 4 : 朝早去行 Pont du Gard，之後由 Avignon 坐火車到瑞士 Lausanne，喺 Lausanne 住宿一晚。
Day 5 : 朝早去行 Château de Chillon，喺 Saint-Saphorin 快閃睇咗陣葡萄園，跟住由 Montreux 坐火車到 Zermatt，喺 Zermatt 留宿三晚。
Day 6 : 上全球最嘅長行人吊橋 Charles Kuonen Hängebrücke am Europaweg 健行。
Day 7 : 五湖山徑 5-Seenweg 健行。
Day 8 : 由 Zermatt 出發去 Grindelwald，快閃 Lauterbrunnen，喺 Grindelwald 住宿四晚。
Day 9 : Interlaken、Spiez 一日遊。
Day 10 : First 一日遊。
Day 11 : 少女峰 Jungfraujoch 一日遊。
Day 12 : 由 Grindelwald 出發去 Luzern，去 Stoos 試坐全球最陡斜嘅纜索鐵路，喺 Luzern 住宿兩晚。
Day 13 : Pilatus 一日遊，試坐全球最陡斜嘅齒軌鐵路，同喺 Fräkmüntegg 試玩 Toboggan Run。
Day 14 : 離開 Luzern，先去 St. Gallen 玩半日，喺 Neuhausen 住宿一晚。
Day 15 : Rhinefall、Schaffhausen 半日遊，再經 Zürich 坐飛機返香港。
成個行程連機票交通食宿入場費等等，全程使費盛惠 HKD 26,000 有找，都算抵玩。
未開始講行程之前，先數吓準備今次行程一啲值得注意嘅事項。
先由機票講起，今次我哋算比較早搞掂張機票，上年一月就經 Qatar 訂咗去程由香港出發經多哈到達法國 Nice、回程由瑞士 Zürich 出發經多哈返香港嘅機票，票價連稅盛惠 HKD 5,990。
陸路交通方面，我哋喺法國 Avignon 租咗兩日車，格過幾間租車公司包括 Europcar、Sixt、Hertz 同 Avis，發覺兩間歐洲公司 Europcar 同 Sixt 嘅合約條款都有限里數，兩間都只係包首 500 km，之後逐公里計錢，我同朋友玩咗幾年自駕都係第一次見到呢隻咁嘅條款，而 Avis 同 Hertz 就兩間都冇限里數。
保險方面，四間公司全保嘅覆蓋範圍都差唔多，Zero Excess CDW、擋風玻璃 Windscreen、車呔、Roadside Service 呢啲必須嘢基本上都有報價可以買到。比較過四間之後，覺得 Hertz 嘅保險覆蓋比 Avis 全面啲，又冇限里數，於是決定幫襯呢間，喺 Avignon TGV 火車站攞車同還車，部車夠大裝三件大行李同坐四個人，保險包 Zero Excess Super Coverage、Roadside Service、Personal Accident & Personal Effects Protection、Theft Protection，兩日車租連稅 HKD 2,300 有找。
搞掂租車，跟住就到公共交通嘞，瑞士火車証就比較簡單，上呢個網站格一格價，整左張 15 日嘅 Swiss Pass，盛惠 CHF 485。
除咗瑞士境内嘅交通之外，我哋喺法國由 Nice 去 Avignon 同由 Avignon 去瑞士嘅 Lausanne 都要各坐一程火車。唔知關唔關我哋出發嗰排法國重未搞完嗰個鐵路大罷工嘅事，我哋出發前一個月查 SNCF 個網站，睇睇由 Avignon 入瑞士啲車飛嘅售票情況，已經發覺之後嘅三四日好多班次已經滿座售罄，於是嗰陣不敢怠慢快快經 SNCF 網站先訂咗呢程火車飛。
喺 SNCF 個網站查實係可以買到由 Avignon TGV 火車站去到瑞士 Lausanne 嘅車票，不過我哋對過咁買法同分開買一程由 Avignon 去 Geneva 再加一程由 Geneva 去 Lausanne 嘅車飛查實價錢分别不大，坐車嗰陣實際上亦係喺 Geneva 轉車；如果喺 SNCF 買由 Avignon 去到 Lausanne 嘅車票嘅話重要限制咗喺 Geneva 上車嘅班次。所以就算我哋唔用 Swiss Pass 都好，我估呢程車我都會比較傾向只係買去到 Geneva 嘅車票，到咗 Geneva 之後再買車飛去 Lausanne，加上實際上我哋喺瑞士全程都用 Swiss Pass 上車，所以呢程車我哋就買咗由 Avignon TGV 去到 Geneva CFF 嘅車票，車費盛惠 EUR 41 大元。
由 Nice 去 Avignon 嘅車飛就相對上冇咁緊張嘞，我哋出發前一個星期先至上 SNCF 個網站度訂飛都冇乜問題，呢程車飛由 Nice Ville 火車站去到 Avignon TGV 火車站，車費盛惠 EUR 62。
通訊方面，我哋都只係去鴨記搞掂，嗰日我行勻成條街都只係揾到一張我可以肯定喺法國同瑞士兩個國家都可以打到電話嘅電話卡，呢張 EE (啫係 T Mobile 加 Orange) 歐洲 30 日嘅電話卡，包 13 GB 數據加 250 分鐘通話，盛惠 HKD 230。
查實我哋成團人只係出咗一張可以打到電話嘅 SIM 卡，主要係以備萬一要聯絡住宿處嘅屋主但對方唔覆 texting 嗰陣都有個電話打吓。除咗呢張貴些少打到電話嘅 SIM 卡之外，其他團友就出咗另一張都係 EE 嘅 30 日 齋 2GB 上網 SIM 卡，呢張 SIM 卡就平好多盛惠 HKD 100。呢兩張卡去到法國同瑞士兩個國家都大至上正常運作，上網打電話基本上冇乜特别大嘅問題，係就係有時什至喺市區都會短暫斷網，不過用嚟上網揾資料查火車班次聯絡住宿屋主呢啲基本上都夠用，質素大至上可以接受。
地圖方面，查實近年去嚫旅行部電話一個 Google MyMaps 線上加一個 Maps.me 離線地圖已經係指定動作，雖然 Google Maps 又準確資料又齊，但行山嗰陣好難保証山路上一定可以上到網，所以安全計點都會整定個離線地圖旁身。
住宿方面，今次七個站嘅住宿有四個站係經 Booking.com 預訂，三個站經 Airbnb 預訂，詳細每一站嘅住宿資料之後再一路行一路講。
我哋零晨喺香港上機，先嚟一程 9 個鐘嘅飛機，朝早五點幾到達多哈機場，跟住要等多兩個幾鐘轉機去法國。
我哋去程同回程班機都係經多哈轉機，唔知因乜事兩次轉機機場都係好遲先喺水牌上面公報去邊個登機閘上機，而呢程轉機我哋直頭上 Google 搜尋揾到邊個登機閘等上機嗰陣個水牌都重未見有公報。
到差唔多朝早八點我哋準時喺多哈上機，之後再嚟多差唔多七個鐘嘅機程，當日晏晝點幾鐘終於到達法國 Nice 嘅機場嘞。
我哋今次喺法國南部同瑞士加埋總共玩咗 15 日，以下就係我哋今次粗略嘅日程：
Day 1 : 到達法國 Nice，喺 Nice 住宿一晚。
Day 2 : 由 Nice 搭火車到 Avignon，喺 Avignon 住宿兩晚。
Day 3 : Abbaye Notre-Dame de Sénanque、Gordes、Valensole，呢日主要喺 Provence 掃薰衣草田。
Day 4 : 朝早去行 Pont du Gard，之後由 Avignon 坐火車到瑞士 Lausanne，喺 Lausanne 住宿一晚。
Day 5 : 朝早去行 Château de Chillon，喺 Saint-Saphorin 快閃睇咗陣葡萄園，跟住由 Montreux 坐火車到 Zermatt，喺 Zermatt 留宿三晚。
Day 6 : 上全球最嘅長行人吊橋 Charles Kuonen Hängebrücke am Europaweg 健行。
Day 7 : 五湖山徑 5-Seenweg 健行。
Day 8 : 由 Zermatt 出發去 Grindelwald，快閃 Lauterbrunnen，喺 Grindelwald 住宿四晚。
Day 9 : Interlaken、Spiez 一日遊。
Day 10 : First 一日遊。
Day 11 : 少女峰 Jungfraujoch 一日遊。
Day 12 : 由 Grindelwald 出發去 Luzern，去 Stoos 試坐全球最陡斜嘅纜索鐵路，喺 Luzern 住宿兩晚。
Day 13 : Pilatus 一日遊，試坐全球最陡斜嘅齒軌鐵路，同喺 Fräkmüntegg 試玩 Toboggan Run。
Day 14 : 離開 Luzern，先去 St. Gallen 玩半日，喺 Neuhausen 住宿一晚。
Day 15 : Rhinefall、Schaffhausen 半日遊，再經 Zürich 坐飛機返香港。
成個行程連機票交通食宿入場費等等，全程使費盛惠 HKD 26,000 有找，都算抵玩。
未開始講行程之前，先數吓準備今次行程一啲值得注意嘅事項。
先由機票講起，今次我哋算比較早搞掂張機票，上年一月就經 Qatar 訂咗去程由香港出發經多哈到達法國 Nice、回程由瑞士 Zürich 出發經多哈返香港嘅機票，票價連稅盛惠 HKD 5,990。
陸路交通方面，我哋喺法國 Avignon 租咗兩日車，格過幾間租車公司包括 Europcar、Sixt、Hertz 同 Avis，發覺兩間歐洲公司 Europcar 同 Sixt 嘅合約條款都有限里數，兩間都只係包首 500 km，之後逐公里計錢，我同朋友玩咗幾年自駕都係第一次見到呢隻咁嘅條款，而 Avis 同 Hertz 就兩間都冇限里數。
保險方面，四間公司全保嘅覆蓋範圍都差唔多，Zero Excess CDW、擋風玻璃 Windscreen、車呔、Roadside Service 呢啲必須嘢基本上都有報價可以買到。比較過四間之後，覺得 Hertz 嘅保險覆蓋比 Avis 全面啲，又冇限里數，於是決定幫襯呢間，喺 Avignon TGV 火車站攞車同還車，部車夠大裝三件大行李同坐四個人，保險包 Zero Excess Super Coverage、Roadside Service、Personal Accident & Personal Effects Protection、Theft Protection，兩日車租連稅 HKD 2,300 有找。
搞掂租車，跟住就到公共交通嘞，瑞士火車証就比較簡單，上呢個網站格一格價，整左張 15 日嘅 Swiss Pass，盛惠 CHF 485。
除咗瑞士境内嘅交通之外，我哋喺法國由 Nice 去 Avignon 同由 Avignon 去瑞士嘅 Lausanne 都要各坐一程火車。唔知關唔關我哋出發嗰排法國重未搞完嗰個鐵路大罷工嘅事，我哋出發前一個月查 SNCF 個網站，睇睇由 Avignon 入瑞士啲車飛嘅售票情況，已經發覺之後嘅三四日好多班次已經滿座售罄，於是嗰陣不敢怠慢快快經 SNCF 網站先訂咗呢程火車飛。
喺 SNCF 個網站查實係可以買到由 Avignon TGV 火車站去到瑞士 Lausanne 嘅車票，不過我哋對過咁買法同分開買一程由 Avignon 去 Geneva 再加一程由 Geneva 去 Lausanne 嘅車飛查實價錢分别不大，坐車嗰陣實際上亦係喺 Geneva 轉車；如果喺 SNCF 買由 Avignon 去到 Lausanne 嘅車票嘅話重要限制咗喺 Geneva 上車嘅班次。所以就算我哋唔用 Swiss Pass 都好，我估呢程車我都會比較傾向只係買去到 Geneva 嘅車票，到咗 Geneva 之後再買車飛去 Lausanne，加上實際上我哋喺瑞士全程都用 Swiss Pass 上車，所以呢程車我哋就買咗由 Avignon TGV 去到 Geneva CFF 嘅車票，車費盛惠 EUR 41 大元。
由 Nice 去 Avignon 嘅車飛就相對上冇咁緊張嘞，我哋出發前一個星期先至上 SNCF 個網站度訂飛都冇乜問題，呢程車飛由 Nice Ville 火車站去到 Avignon TGV 火車站，車費盛惠 EUR 62。
通訊方面，我哋都只係去鴨記搞掂，嗰日我行勻成條街都只係揾到一張我可以肯定喺法國同瑞士兩個國家都可以打到電話嘅電話卡，呢張 EE (啫係 T Mobile 加 Orange) 歐洲 30 日嘅電話卡，包 13 GB 數據加 250 分鐘通話，盛惠 HKD 230。
查實我哋成團人只係出咗一張可以打到電話嘅 SIM 卡，主要係以備萬一要聯絡住宿處嘅屋主但對方唔覆 texting 嗰陣都有個電話打吓。除咗呢張貴些少打到電話嘅 SIM 卡之外，其他團友就出咗另一張都係 EE 嘅 30 日 齋 2GB 上網 SIM 卡，呢張 SIM 卡就平好多盛惠 HKD 100。呢兩張卡去到法國同瑞士兩個國家都大至上正常運作，上網打電話基本上冇乜特别大嘅問題，係就係有時什至喺市區都會短暫斷網，不過用嚟上網揾資料查火車班次聯絡住宿屋主呢啲基本上都夠用，質素大至上可以接受。
地圖方面，查實近年去嚫旅行部電話一個 Google MyMaps 線上加一個 Maps.me 離線地圖已經係指定動作，雖然 Google Maps 又準確資料又齊，但行山嗰陣好難保証山路上一定可以上到網，所以安全計點都會整定個離線地圖旁身。
住宿方面，今次七個站嘅住宿有四個站係經 Booking.com 預訂，三個站經 Airbnb 預訂，詳細每一站嘅住宿資料之後再一路行一路講。
我哋零晨喺香港上機，先嚟一程 9 個鐘嘅飛機，朝早五點幾到達多哈機場，跟住要等多兩個幾鐘轉機去法國。
我哋去程同回程班機都係經多哈轉機，唔知因乜事兩次轉機機場都係好遲先喺水牌上面公報去邊個登機閘上機，而呢程轉機我哋直頭上 Google 搜尋揾到邊個登機閘等上機嗰陣個水牌都重未見有公報。
到差唔多朝早八點我哋準時喺多哈上機，之後再嚟多差唔多七個鐘嘅機程，當日晏晝點幾鐘終於到達法國 Nice 嘅機場嘞。
留言
發佈留言