到咗行程嘅第四日，呢日晏晝一點之前我哋要返到 Avignon TGV 車站交車，然後再搭火車去瑞士。原本我係幾想去索村 Sault 比較吓到底嗰邊啲薰衣草開得靚啲定還是之前一日喺 Valensole 睇到嘅薰衣草靚啲嘅，不過同行朋友覺得除咗薰衣草之外都想喺法國呢站睇吓其他嘢，加上如果又要去 Sault 村睇薰衣草又要一點前返到 Avignon 交車嘅話，呢日朝早事必要倒塔咁早起身先至夠時間去到個咁遠嘅行程，而我亦唔係太想搞到咁 Chur，所以決定都係近近地去就近嘅 Pond du Gard 嘉德水道橋 Hea 吓。
上面嘅地圖就記錄咗呢一日我哋喺法國境内去過嘅地方，由我哋住宿嗰度去到 Pond du Gard 唔係好遠，大約半個鐘車程就去到，我哋泊低部車之後就先到售票處大樓買飛入場。
嘉德水道橋 Pond du Gard 座落於尼姆城 Nimes 嘅郊外，就咁望埋去查實呢條橋表面上睇落冇乜特别 ~ 啫如果呢條橋係一座現代建築嘅話。
呢條橋之所以特别到要我哋科水 8 歐半先有得入場睇吓，原因係呢座嘢係一座已經屹立咗兩千多年嘅古羅馬遺跡嚟。
嘉德水道橋係古羅馬人喺西元一世紀嗰陣修築嘅高架水道橋，橋身高度 49 米，橋身共有三層，每層都有數目不等嘅橋拱，係古羅馬時期最高嘅橋樑。
嘉德水道橋所座落嘅呢條引水道係用嚟將大量嘅食水送到 Nimes，古羅馬人稱呼為 Nemausus 嘅尼姆城 (Nimes)，喺古時就係靠呢條水道獲得高度嘅發展。
嘉德水道橋嘅保存狀況非常完整，就算係兩千年後嘅今日，橋上面嘅結構依然令人感覺非常之堅固，完全唔似係一座二千年前嘅古老建築。
過咗橋之後我哋就過去博物館行吓，入面啲展品主要係介紹吓古時嘅羅馬人用乜嘢方法搬起啲大石造橋之類，同有啲睇落雖然唔係好明不過硬係覺得好勁嘅後現代藝術品。
Hea 到大約 11 點，我哋就返停車場出車去 Avignon TGV Station 還車嘞。
不過還車之前要先去 Avignon TGV 站附近嘅油站打返爆個油缸。
我哋跟住個地圖揀咗個位置近火車站嘅油站，去到發覺呢個又係一個冇人手收費處嘅自助油站嚟；我估喺歐洲自駕其中一件最麻煩嘅事就係碌卡入油，嗰陣我哋試齊手上所有嘅信用卡部機都唔肯受，好彩剛啱有個好心嘅司機可能見到我哋三個華人喺部入油機前面騰嚟騰去搲晒頭咁，睇我哋個款應該都似搞唔掂部入油機，於是主動過嚟幫手，教我哋點用隔籬部見金售票機買飛入油。
唔識法文嘅我哋一直冇為意原來有部可以收紙幣出飛嘅現金售票機，撳呢部機就可以出到一張上面印咗條碼嘅入油券，部入油機除咗可以掃瞄信用卡之外亦有另一個位可以掃瞄呢張飛上面嘅條碼，掃咗飛部機就會出選單俾我哋揀用邊支油槍入油。
記得我哋早兩日喺租車公司出車嗰陣，幫我哋搞手續嗰位職員千叮萬囑叫我哋入油要揀綠色油槍，千祈唔好用黃色嘅油槍，我嗰陣查實都唔係太明佢講乜嘅，到呢日還車前入油，睇到黃色同綠色油槍嘅標示先明白當日嗰位職員點解要特别叮囑我哋要用綠色嘅油槍。原來黃色油槍上面嘅標示係法文 Gazole，而法文 Gazole 啫係英文嘅 Diesel ~ 柴油；如果唔識法文嘅話查實真係好易誤會黃色嗰支係出 Gasoline 嘅油槍嚟。
打爆部車個油缸之後我哋就揸車返去租車公司還車，然後喺火車站一路食住個晏一路等車嘞。Avignon TGV 火車站同好多歐洲大啲嘅車站一樣，都好鍾意用收費洗手間呢招嚟劏客，喺呢個車站等車嗰陣萬一人有三急，如果唔想科水 EUR 0.8 用嗰度嘅收費洗手間嘅話，就要忍到上火車先可以有免費嘅洗手間借用。
上面嘅地圖就記錄咗呢一日我哋喺法國境内去過嘅地方，由我哋住宿嗰度去到 Pond du Gard 唔係好遠，大約半個鐘車程就去到，我哋泊低部車之後就先到售票處大樓買飛入場。
嘉德水道橋 Pond du Gard 座落於尼姆城 Nimes 嘅郊外，就咁望埋去查實呢條橋表面上睇落冇乜特别 ~ 啫如果呢條橋係一座現代建築嘅話。
呢條橋之所以特别到要我哋科水 8 歐半先有得入場睇吓，原因係呢座嘢係一座已經屹立咗兩千多年嘅古羅馬遺跡嚟。
嘉德水道橋係古羅馬人喺西元一世紀嗰陣修築嘅高架水道橋，橋身高度 49 米，橋身共有三層，每層都有數目不等嘅橋拱，係古羅馬時期最高嘅橋樑。
嘉德水道橋所座落嘅呢條引水道係用嚟將大量嘅食水送到 Nimes，古羅馬人稱呼為 Nemausus 嘅尼姆城 (Nimes)，喺古時就係靠呢條水道獲得高度嘅發展。
嘉德水道橋嘅保存狀況非常完整，就算係兩千年後嘅今日，橋上面嘅結構依然令人感覺非常之堅固，完全唔似係一座二千年前嘅古老建築。
過咗橋之後我哋就過去博物館行吓，入面啲展品主要係介紹吓古時嘅羅馬人用乜嘢方法搬起啲大石造橋之類，同有啲睇落雖然唔係好明不過硬係覺得好勁嘅後現代藝術品。
Hea 到大約 11 點，我哋就返停車場出車去 Avignon TGV Station 還車嘞。
不過還車之前要先去 Avignon TGV 站附近嘅油站打返爆個油缸。
我哋跟住個地圖揀咗個位置近火車站嘅油站，去到發覺呢個又係一個冇人手收費處嘅自助油站嚟；我估喺歐洲自駕其中一件最麻煩嘅事就係碌卡入油，嗰陣我哋試齊手上所有嘅信用卡部機都唔肯受，好彩剛啱有個好心嘅司機可能見到我哋三個華人喺部入油機前面騰嚟騰去搲晒頭咁，睇我哋個款應該都似搞唔掂部入油機，於是主動過嚟幫手，教我哋點用隔籬部見金售票機買飛入油。
唔識法文嘅我哋一直冇為意原來有部可以收紙幣出飛嘅現金售票機，撳呢部機就可以出到一張上面印咗條碼嘅入油券，部入油機除咗可以掃瞄信用卡之外亦有另一個位可以掃瞄呢張飛上面嘅條碼，掃咗飛部機就會出選單俾我哋揀用邊支油槍入油。
記得我哋早兩日喺租車公司出車嗰陣，幫我哋搞手續嗰位職員千叮萬囑叫我哋入油要揀綠色油槍，千祈唔好用黃色嘅油槍，我嗰陣查實都唔係太明佢講乜嘅，到呢日還車前入油，睇到黃色同綠色油槍嘅標示先明白當日嗰位職員點解要特别叮囑我哋要用綠色嘅油槍。原來黃色油槍上面嘅標示係法文 Gazole，而法文 Gazole 啫係英文嘅 Diesel ~ 柴油；如果唔識法文嘅話查實真係好易誤會黃色嗰支係出 Gasoline 嘅油槍嚟。
打爆部車個油缸之後我哋就揸車返去租車公司還車，然後喺火車站一路食住個晏一路等車嘞。Avignon TGV 火車站同好多歐洲大啲嘅車站一樣，都好鍾意用收費洗手間呢招嚟劏客，喺呢個車站等車嗰陣萬一人有三急，如果唔想科水 EUR 0.8 用嗰度嘅收費洗手間嘅話，就要忍到上火車先可以有免費嘅洗手間借用。
留言
發佈留言