跟據我出發前揾過嘅資料，喺 Provence 區域內大部份嘅薰衣草同向日葵花田都唔會有固定嘅位置，因為啲農夫喺每塊農地上每年每造都有可能種唔同嘅作物，所以碰唔碰到靚嘅花田，某程度上都要講吓運氣。
出發前睇過一啲網站介紹過，由我哋喺 Gordes 出發起計，經公路 D2、D900、D36、D232、D943 呢幾段路都有比較大機會睇到靚嘅向日葵同薰衣草花田，我哋呢一日就嘗試跟住呢條路線行車，到咗 D943 公路之後，經過一個叫 Apt 嘅小鎮之後就轉去 D900 公路，向另一個出名多薰衣草田嘅地方 Valensole 進發。
最後喺呢段行車旅途中都冇乜收獲。我哋繼續經 D900 公路轉入 D4100 公路，諗住直往 Valensole 嗰度碰碰運氣。
終於喺 D4100 公路碰到一個掂得嚟又有辦法停到車嘅薰衣草田。
打完卡影飽相，跟住就開車繼續起行向 Valensole 進發。剛進入 Valensole 一帶嘅 D6 公路冇幾耐，我哋就知道今次嚟 Valensole 揾薰衣草田呢個選擇冇錯，終於俾我哋揾到一個又大又種得茂密嘅薰衣草田。
上面個地圖就記錄咗呢堆位於 D6 公路一帶嘅薰衣草田嘅位置。
睇完呢個薰衣草田，我哋繼續開車往 Valensole 嘅方向前進。
行咗幾分鐘車程就見到一大片薰衣草田中間嘅一片向日葵花田，於是我哋再喺花田附近泊低部車再過去打卡。
細個嗰陣，好多時都會被灌輸一啲似是而非嘅謬誤，例如金魚只得三秒記憶、坐太近睇電視就會近視等等；今次嚟到 Valensole 呢個向日葵花田又糾正咗一個我一直錯認嘅謬誤。
嚟之前我一直以為向日葵嘅花蕊係會跟住個太陽從東向西每日不停咁轉嚟轉去嘅，嚟到我先知道原來向日葵嘅花蕊通常只係會向住東面嚟生長。
我哋嚟到呢個花田嗰陣已經係晏晝六點日向開始西斜，當我拎起部相機想同啲花花影相打卡嗰陣先發覺啲花嘅正面全部大背光，結果影呢個花田嗰陣我要落晒閃之餘再返到屋企將啲相片用 Photoshop 死推爛推先推得返個花形出嚟。
呢堆薰衣草田同向日葵花田基本上就係分佈喺 D6 公路嘅西北方嗰邊嘅路邊，而 D6 公路東南方嗰邊嘅路邊就有好多可以免費泊車嘅空地。
有啲泊車位側邊重有啲簡陋嘅小食店同紀念品店，可以入去歇一歇腳。
後來我返香港查返啲資料先知道，沿住 D6 公路呢一帶嘅薰衣草同向日葵花田應該係由一個叫 Lavandes Angelvin 嘅農莊打理。
如果沿住 D6 公路向東北方向行再轉入 D8 公路，據説喺 D8 公路近 Brunet 一帶亦有一啲非常之廣闊嘅花田。
我哋當日喺 D8 公路揸車去到 Plateau de Valensole 附近，不過望過嗰一帶就唔見有紫色嘅花田。
可能喺嗰一帶嘅花田已經收割完都唔定，又或者如果當日我哋再向住 Brunet 嗰邊再揸遠些少就會見到更壯麗嘅花田亦唔定。
不過我哋去到 Valensole 嗰陣查實已經幾晏吓，一來嗰日全日烈日當空，我哋玩到呢個鐘數已經好攰。
加上唔想入黑揸車要預返足夠時間喺日落前揸車返去住宿處。
所以嗰陣都唔敢揸得太遠，到大約黃昏 7 點半鐘我哋就開始出車回程返 Avignon。
我哋由 Avignon 去 Valensole 嗰程車因為想跟網上一啲建議嘅路線去揾吓啲花田，所以去程嗰段路查實係比電子地圖計出嚟嘅最佳路線兜遠咗嘅。
到回程嗰陣我哋就跟返地圖顯示最短最直接嘅路線，點知原來呢段路線中途會經過兩個道路收費站，而兩個收費站都係自助收費完全冇收銀員工在場。
我哋經過第一個收費站嗰陣都重有足夠嘅散銀科水過閘，到過第二個收費站嗰陣我哋已經用晒身上嘅散銀，好彩嗰個收費站部閘機肯食我哋張信用卡俾到錢過閘。所以都順便喺度提一提各位如果喺法國自駕嘅話，最好喺車上預備足夠嘅散銀旁身，以防經過呢啲自助收費站嗰陣中伏。
出發前睇過一啲網站介紹過，由我哋喺 Gordes 出發起計，經公路 D2、D900、D36、D232、D943 呢幾段路都有比較大機會睇到靚嘅向日葵同薰衣草花田，我哋呢一日就嘗試跟住呢條路線行車，到咗 D943 公路之後，經過一個叫 Apt 嘅小鎮之後就轉去 D900 公路，向另一個出名多薰衣草田嘅地方 Valensole 進發。
最後喺呢段行車旅途中都冇乜收獲。我哋繼續經 D900 公路轉入 D4100 公路，諗住直往 Valensole 嗰度碰碰運氣。
終於喺 D4100 公路碰到一個掂得嚟又有辦法停到車嘅薰衣草田。
打完卡影飽相，跟住就開車繼續起行向 Valensole 進發。剛進入 Valensole 一帶嘅 D6 公路冇幾耐，我哋就知道今次嚟 Valensole 揾薰衣草田呢個選擇冇錯，終於俾我哋揾到一個又大又種得茂密嘅薰衣草田。
上面個地圖就記錄咗呢堆位於 D6 公路一帶嘅薰衣草田嘅位置。
睇完呢個薰衣草田，我哋繼續開車往 Valensole 嘅方向前進。
行咗幾分鐘車程就見到一大片薰衣草田中間嘅一片向日葵花田，於是我哋再喺花田附近泊低部車再過去打卡。
細個嗰陣，好多時都會被灌輸一啲似是而非嘅謬誤，例如金魚只得三秒記憶、坐太近睇電視就會近視等等；今次嚟到 Valensole 呢個向日葵花田又糾正咗一個我一直錯認嘅謬誤。
嚟之前我一直以為向日葵嘅花蕊係會跟住個太陽從東向西每日不停咁轉嚟轉去嘅，嚟到我先知道原來向日葵嘅花蕊通常只係會向住東面嚟生長。
我哋嚟到呢個花田嗰陣已經係晏晝六點日向開始西斜，當我拎起部相機想同啲花花影相打卡嗰陣先發覺啲花嘅正面全部大背光，結果影呢個花田嗰陣我要落晒閃之餘再返到屋企將啲相片用 Photoshop 死推爛推先推得返個花形出嚟。
呢堆薰衣草田同向日葵花田基本上就係分佈喺 D6 公路嘅西北方嗰邊嘅路邊，而 D6 公路東南方嗰邊嘅路邊就有好多可以免費泊車嘅空地。
有啲泊車位側邊重有啲簡陋嘅小食店同紀念品店，可以入去歇一歇腳。
後來我返香港查返啲資料先知道，沿住 D6 公路呢一帶嘅薰衣草同向日葵花田應該係由一個叫 Lavandes Angelvin 嘅農莊打理。
如果沿住 D6 公路向東北方向行再轉入 D8 公路，據説喺 D8 公路近 Brunet 一帶亦有一啲非常之廣闊嘅花田。
我哋當日喺 D8 公路揸車去到 Plateau de Valensole 附近，不過望過嗰一帶就唔見有紫色嘅花田。
可能喺嗰一帶嘅花田已經收割完都唔定，又或者如果當日我哋再向住 Brunet 嗰邊再揸遠些少就會見到更壯麗嘅花田亦唔定。
不過我哋去到 Valensole 嗰陣查實已經幾晏吓，一來嗰日全日烈日當空，我哋玩到呢個鐘數已經好攰。
加上唔想入黑揸車要預返足夠時間喺日落前揸車返去住宿處。
所以嗰陣都唔敢揸得太遠，到大約黃昏 7 點半鐘我哋就開始出車回程返 Avignon。
我哋由 Avignon 去 Valensole 嗰程車因為想跟網上一啲建議嘅路線去揾吓啲花田，所以去程嗰段路查實係比電子地圖計出嚟嘅最佳路線兜遠咗嘅。
到回程嗰陣我哋就跟返地圖顯示最短最直接嘅路線，點知原來呢段路線中途會經過兩個道路收費站，而兩個收費站都係自助收費完全冇收銀員工在場。
我哋經過第一個收費站嗰陣都重有足夠嘅散銀科水過閘，到過第二個收費站嗰陣我哋已經用晒身上嘅散銀，好彩嗰個收費站部閘機肯食我哋張信用卡俾到錢過閘。所以都順便喺度提一提各位如果喺法國自駕嘅話，最好喺車上預備足夠嘅散銀旁身，以防經過呢啲自助收費站嗰陣中伏。
留言
發佈留言