行程摘要 :
Avignon => Geneva (SNCF Train),
Geneva => Lausanne (Train, Free with Swiss Pass),
Lausanne-Gare => Lausanne-Fion (Metro, Free with Swiss Pass),
Bel-Air => Prilly Centre (Bus Route 9, Free with Swiss Pass)
Stay in Lausanne ,Charming Apartment with Parking for 1 night
晏晝 2:30 我哋坐上一班開去瑞士 Geneva 嘅火車，車程三個鐘，大約晏晝 5:30 我哋順利到達 Geneva，跟住再接上另一班黃昏 6:00 開出去 Lausanne 嘅火車。
第一日嚟到瑞士，我哋就要坐齊火車、地鐵同巴士三種陸上交通工具先返得到住宿處，而呢三種交通工具都可以憑 Swiss Pass 免費乘搭。
我哋喺 Lausanne 火車站落車之後，先要過對面街 Lausanne-Gare Metro Station 坐一個站嘅地鐵去到 Lausanne-Fion 站。
喺 Lausanne-Fion 站我哋要行一條街去到 Bel-Air 站轉巴士。
我哋今次瑞士之行都搭過好幾次巴士，喺瑞士搭巴士查實都好方便，呢度每個巴士站都有張貼好清晰嘅站表，站名同行車方向一目了然。
瑞士啲馬路一般都好暢通，我哋喺瑞士搭過咁多程巴士都未試過塞車，可能因為咁佢哋啲巴士嘅班次係好準時，啲巴士實際嘅到站時間同喺 SBB 撳出嚟嘅時間誤差唔會超過一分鐘。
瑞士啲巴士內籠一般都有足夠嘅空間俾人放行李，就算四五個人拖篋上車都唔怕阻到人。
我哋喺 Bel-Air 站上車，七個站十零分鐘車程去到 Prilly-Centre 站，落車行兩步就到達我哋呢一晚入住嘅民宿。我哋會喺 Lausanne 逗留一晚，呢間民宿網號叫 Charming Apartment with Parking，經 Airbnb 預訂，一晚租金盛惠 HKD 1,625。
我哋出發前已經用電郵聯絡過屋主，跟住地圖同屋主喺 Airbnb 網站啲圖片已經可以揾到間屋嘅位置；不過屋主冇講清楚原來佢將條門匙放咗喺屋外嘅信箱入面，結果我哋都係要喺間屋門外用 WhatsApp 同屋主傾一輪先揾到條鎖匙開門入屋。
呢間屋嘅大廳有個開放式廚房，大廳相當闊絡，放咗張可以瞓一個人嘅梳化都重有好多活動空間。
睡房一間，陳設簡簡單單一張雙人大床加個衣櫃，床鋪毛巾摸落感覺應該有洗過，可以放心使用。廚房嘅砂煲罌罉都乾淨，不足之處處係啲煲具油膩膩冇洗乾淨，電水煲有好多一粒粒嘅污漬不能使用，搞到我哋要用佢啲大煲嚟煲水，比較麻煩。
呢度最掂嘅就係洗手間空間闊絡之餘重整咗部洗衣乾衣機俾我哋用，我哋今次瑞士之行住過咁多間屋當中，就剩係得呢間屋有洗衣機可以俾我哋洗衫。
Avignon => Geneva (SNCF Train),
Geneva => Lausanne (Train, Free with Swiss Pass),
Lausanne-Gare => Lausanne-Fion (Metro, Free with Swiss Pass),
Bel-Air => Prilly Centre (Bus Route 9, Free with Swiss Pass)
Stay in Lausanne ,Charming Apartment with Parking for 1 night
晏晝 2:30 我哋坐上一班開去瑞士 Geneva 嘅火車，車程三個鐘，大約晏晝 5:30 我哋順利到達 Geneva，跟住再接上另一班黃昏 6:00 開出去 Lausanne 嘅火車。
第一日嚟到瑞士，我哋就要坐齊火車、地鐵同巴士三種陸上交通工具先返得到住宿處，而呢三種交通工具都可以憑 Swiss Pass 免費乘搭。
我哋喺 Lausanne 火車站落車之後，先要過對面街 Lausanne-Gare Metro Station 坐一個站嘅地鐵去到 Lausanne-Fion 站。
喺 Lausanne-Fion 站我哋要行一條街去到 Bel-Air 站轉巴士。
我哋今次瑞士之行都搭過好幾次巴士，喺瑞士搭巴士查實都好方便，呢度每個巴士站都有張貼好清晰嘅站表，站名同行車方向一目了然。
瑞士啲馬路一般都好暢通，我哋喺瑞士搭過咁多程巴士都未試過塞車，可能因為咁佢哋啲巴士嘅班次係好準時，啲巴士實際嘅到站時間同喺 SBB 撳出嚟嘅時間誤差唔會超過一分鐘。
瑞士啲巴士內籠一般都有足夠嘅空間俾人放行李，就算四五個人拖篋上車都唔怕阻到人。
我哋喺 Bel-Air 站上車，七個站十零分鐘車程去到 Prilly-Centre 站，落車行兩步就到達我哋呢一晚入住嘅民宿。我哋會喺 Lausanne 逗留一晚，呢間民宿網號叫 Charming Apartment with Parking，經 Airbnb 預訂，一晚租金盛惠 HKD 1,625。
我哋出發前已經用電郵聯絡過屋主，跟住地圖同屋主喺 Airbnb 網站啲圖片已經可以揾到間屋嘅位置；不過屋主冇講清楚原來佢將條門匙放咗喺屋外嘅信箱入面，結果我哋都係要喺間屋門外用 WhatsApp 同屋主傾一輪先揾到條鎖匙開門入屋。
呢間屋嘅大廳有個開放式廚房，大廳相當闊絡，放咗張可以瞓一個人嘅梳化都重有好多活動空間。
睡房一間，陳設簡簡單單一張雙人大床加個衣櫃，床鋪毛巾摸落感覺應該有洗過，可以放心使用。廚房嘅砂煲罌罉都乾淨，不足之處處係啲煲具油膩膩冇洗乾淨，電水煲有好多一粒粒嘅污漬不能使用，搞到我哋要用佢啲大煲嚟煲水，比較麻煩。
呢度最掂嘅就係洗手間空間闊絡之餘重整咗部洗衣乾衣機俾我哋用，我哋今次瑞士之行住過咁多間屋當中，就剩係得呢間屋有洗衣機可以俾我哋洗衫。
留言
發佈留言