旅程嘅第二日查實冇乜特别嘅地方去到，呢一日我哋基本上就係搭火車去 Avignon 出車準備第二日睇薰衣草嘅行程。
以往去旅行租民宿住，一般到瞥嗰日都係擺低條門匙喺信箱或者屋入面就可以走人，不過喺 Nice 呢一站個屋主就比較小心，堅持要親身同我哋攞返條門匙。
我哋喺出門之前廿幾分鐘已經 WhatsApp 屋主叫佢嚟攞門匙，結果又係好似之前嗰日咁完全冇反應；正當我想打電話揾個屋主嗰陣發覺張電話卡竟然冇訊號，當堂俾佢嚇咗一嚇，事關我哋跟住搭去 Avignon 嗰程火車已經買定咗飛唔遲得，咁唯有不停 WhatsApp 個屋主希望佢收到；好彩搞咗一輪張電話卡嘅訊號忽然間又得返，打到電話揾屋主過嚟收返條門匙，最後無驚無險準時趕到去火車站。
今次由法國到瑞士，基本上去過嘅絶大部份火車站都係冇掩雞籠可以自出自入，尼斯呢個 Nice Ville 車站算係少數有閘機管制出入嘅車站嚟。
呢啲閘機都可以掃 QR Code 入閘，我哋喺未出發前經 SNCF 網站買咗火車飛之後都印定一份紙本嘅車飛旁身，電話亦裝咗 SNCF 嘅 App，我自己就掃電話 App 顯示出嚟嗰個 QR Code 就過到部閘機，我同行朋友部電話就好似同部閘機唔多啱牙，最後都要用印出嚟嗰張飛先過到部閘機。
上火車之前諗住穩陣啲先對一對個 Train Number 啱唔啱至上車，點知揾咗一輪都揾唔到個車號寫咗喺啲車卡嘅邊個位置度，最後先發現原來啲班次資訊係用呢隻又矇又復古嘅液晶顯示屏幕打出嚟。
呢程車唔係好多人，由 Nice 去 Avignon 途中頭幾站都有好多吉位。
車卡一頭一尾都有行李架，車箱入面亦有洗手間。由 Nice Ville 去 Avignon 途中會經過幾個車站，包括 Antibes、Cannes-Voyageurs、St-Raphaël-Valescure、Toulon，大約三個鐘車程就到達 Avignon TGV Station。
到咗 Avignon TGV Station，我哋第一件事先要去車站出面嘅租車公司出車。Avignon TGV Station 呢度應該算係喺法國 Provence 一帶其中一個最大路嘅自駕出車地點嚟，大路嘅租車公司例如 Hertz、Avis、Europcar、Enterprise、Sixt 喺呢個車站度都有門市出車。
出咗車之後我哋先要揸車去 Avignon 市鎮入面嘅超市買定呢兩日所需嘅糧草，原本我哋諗住去超市之前先揾個地方坐低食晏嘅，不過喺超市附近蕩咗幾條街，揾過幾間餐廳都係午市休息唔做生意，最後我哋都係決定喺超市買啲熟食返住宿度開餐。
我哋呢一站嘅住宿距離 Avignon 市中心大約十零廿分鐘車程，呢間住宿嘅位置查實算係有少少隔涉，我哋初來甫到一時間重未摸得清啲行車路線，跟住部電話嘅 GPS 行頭一段路完全行錯晒，搞咗一輪先修正返條啱嘅路線揸到去住宿嗰度。
我哋到達住宿搞掂入住手續已經晏晝四點幾，食埋嘢就已經差唔多到五點。原本我哋嘅計劃係呢日喺住宿度放低行李之後去附近 Arles 行吓嘅，不過度過啲時間如果喺呢個鐘數出車嘅話，都幾可肯定要入夜返歸。我哋呢日先喺法國第一日出車，人生路不熟嘅情況下，免得過都唔多想入夜揸車，加上之前一日喺 Nice 已經玩得幾 Chur 吓，所以最後都係決定呢日嘅行程到此為止，早些少休息抖足精神預備第二日嘅行程。
以往去旅行租民宿住，一般到瞥嗰日都係擺低條門匙喺信箱或者屋入面就可以走人，不過喺 Nice 呢一站個屋主就比較小心，堅持要親身同我哋攞返條門匙。
我哋喺出門之前廿幾分鐘已經 WhatsApp 屋主叫佢嚟攞門匙，結果又係好似之前嗰日咁完全冇反應；正當我想打電話揾個屋主嗰陣發覺張電話卡竟然冇訊號，當堂俾佢嚇咗一嚇，事關我哋跟住搭去 Avignon 嗰程火車已經買定咗飛唔遲得，咁唯有不停 WhatsApp 個屋主希望佢收到；好彩搞咗一輪張電話卡嘅訊號忽然間又得返，打到電話揾屋主過嚟收返條門匙，最後無驚無險準時趕到去火車站。
今次由法國到瑞士，基本上去過嘅絶大部份火車站都係冇掩雞籠可以自出自入，尼斯呢個 Nice Ville 車站算係少數有閘機管制出入嘅車站嚟。
呢啲閘機都可以掃 QR Code 入閘，我哋喺未出發前經 SNCF 網站買咗火車飛之後都印定一份紙本嘅車飛旁身，電話亦裝咗 SNCF 嘅 App，我自己就掃電話 App 顯示出嚟嗰個 QR Code 就過到部閘機，我同行朋友部電話就好似同部閘機唔多啱牙，最後都要用印出嚟嗰張飛先過到部閘機。
上火車之前諗住穩陣啲先對一對個 Train Number 啱唔啱至上車，點知揾咗一輪都揾唔到個車號寫咗喺啲車卡嘅邊個位置度，最後先發現原來啲班次資訊係用呢隻又矇又復古嘅液晶顯示屏幕打出嚟。
呢程車唔係好多人，由 Nice 去 Avignon 途中頭幾站都有好多吉位。
車卡一頭一尾都有行李架，車箱入面亦有洗手間。由 Nice Ville 去 Avignon 途中會經過幾個車站，包括 Antibes、Cannes-Voyageurs、St-Raphaël-Valescure、Toulon，大約三個鐘車程就到達 Avignon TGV Station。
到咗 Avignon TGV Station，我哋第一件事先要去車站出面嘅租車公司出車。Avignon TGV Station 呢度應該算係喺法國 Provence 一帶其中一個最大路嘅自駕出車地點嚟，大路嘅租車公司例如 Hertz、Avis、Europcar、Enterprise、Sixt 喺呢個車站度都有門市出車。
出咗車之後我哋先要揸車去 Avignon 市鎮入面嘅超市買定呢兩日所需嘅糧草，原本我哋諗住去超市之前先揾個地方坐低食晏嘅，不過喺超市附近蕩咗幾條街，揾過幾間餐廳都係午市休息唔做生意，最後我哋都係決定喺超市買啲熟食返住宿度開餐。
我哋呢一站嘅住宿距離 Avignon 市中心大約十零廿分鐘車程，呢間住宿嘅位置查實算係有少少隔涉，我哋初來甫到一時間重未摸得清啲行車路線，跟住部電話嘅 GPS 行頭一段路完全行錯晒，搞咗一輪先修正返條啱嘅路線揸到去住宿嗰度。
我哋到達住宿搞掂入住手續已經晏晝四點幾，食埋嘢就已經差唔多到五點。原本我哋嘅計劃係呢日喺住宿度放低行李之後去附近 Arles 行吓嘅，不過度過啲時間如果喺呢個鐘數出車嘅話，都幾可肯定要入夜返歸。我哋呢日先喺法國第一日出車，人生路不熟嘅情況下，免得過都唔多想入夜揸車，加上之前一日喺 Nice 已經玩得幾 Chur 吓，所以最後都係決定呢日嘅行程到此為止，早些少休息抖足精神預備第二日嘅行程。
留言
發佈留言