到行程嘅第三日，開始我哋喺 Provence 普羅旺斯尋找薰衣草嘅旅程。未出發之前，我哋先去食個住宿處包埋嘅早餐。
上酒店網揾住宿，我不嬲都會盡量小心睇清楚啲住客評語以防中伏，而呢一間住宿嘅住客評語當中，都有相當多嘅評語係讚佢呢度包嘅早餐，所以我嚟之前都有對呢一朝早嘅早餐有些少期望。
呢個早餐嘅食物款式查實就唔算話係好特別，都係麵包生果乳酪之類，咁多人俾讚我覺得主要係因為屋主服侍呢個早餐的確係服侍得幾有心機，同食物嘅用料好新鮮，杯橙汁真係睇住佢逐個鮮橙切開嚟榨，班戟又係好有心機一塊塊咁煎出嚟，啲果醬同乳酪我有少少懷疑都係自家嘅製作嚟。食物嘅質素我個人嚟講就算係幾滿意，不過唯一有些少唔老嚟嘅就係開餐間房真係好多烏蠅。不過我哋後來先知到多烏蠅呢個唔係單係呢間民宿嘅問題，我哋之後一路去到瑞士，不論喺自家住宿又好喺餐廳又好，只要有窗打開嘅地方，食飯嗰陣都免不了要一路食一路趕烏蠅，只可以講句 北歐啲烏蠅真係好多好大隻。食完個早餐跟住我哋就出車起程嘞，下面個地圖就記錄咗呢個上晝我哋到過一啲景點嘅位置。
原本我哋嘅計劃係第一站先去 Gordes 行一陣嘅，不過當我哋揸車去到 Gordes 嗰陣，發覺嗰度簡直係人山人海完全揾唔到車位泊車，冇辦法之下唯有轉移陣地，先去附近嘅 Notre-Dame de Senanque Abbey 睇完薰衣草再返轉頭睇吓有冇辦法揾到位置泊車。
塞南克修道院 Notre-Dame de Senanque Abbey 係一座熙篤會 Cistercian 嘅修道院，熙篤會係一個天主教嘅修會，遵守聖本篤會規，主張生活嚴肅，重個人守貧，終身素食，夜間冥想耶穌救恩同聖母功德，每日凌晨就要起身祈禱念經，係一個清規森嚴嘅修會嚟。呢座修道最初嘅成立歷史可以追朔至 1148 年，喺 13 至 14 世紀，塞南克修道院嘅經營達到頂峰，擁有四個磨坊同七個田莊，而住喺塞南克嘅修士當年就係喺呢度嘅莊園種植薰衣草，以養蜂為生。到今時今日，喺每年嘅七至八月薰衣草成熟嘅季節，喺呢座修道院盛放嘅薰衣草田就會吸引大量嘅遊客前去參觀打卡。
我哋呢次喺七月頭嚟到，見到呢度嘅薰衣草查實唔算係開得好靚，田園面積細加上田園外圍被完全圍封唔入得去，影相嘅話只可以喺圍欄外面遠遠咁影入去，睇到嘅風景同喺網上揾到嘅相片落差都幾大，行完呢轉感覺查實都有些少失望。喺度四圍行咗陣同望過吓修道院入面賣嘅記念品之後，我哋就出車返去 Gordes 睇吓有冇辦法揾到車位可以擺低部車再入去行吓。
大半個鐘車程返到 Gordes，發覺之前條路啲車龍冇晒，冇乜難度咁就揾到個收費車位泊低部車。
行出大街先知道之前啲人潮忽然消失晒嘅原因 ~ 原來我哋嚟之前呢度有個市集，所以大量嘅遊客就過晒嚟趁墟。
當我哋行完修道院返嚟嗰陣個墟市剛剛收檔，所以啲人潮忽然間就消失晒。
我哋沿住一條小徑，諗住一路行吓影吓相，一路向住一個可以遠觀整個 Gordes 石頭城全貌嘅展望台前進。
好多華文嘅網站都有鋪癮，只要係一啲依山而建嘅城鎮，外型掹車邊有啲啲似就會將嗰個地方冠上天空之城嘅稱號，Gordes 呢度因為有好多依山而建嘅古老建築，於是亦成為眾多呢啲天空之城嘅其中一個。
我哋從天空之城上遠眺大地，可以望到一片片綠油油嘅葡萄園。
見到當中夾著一片紫色嘅園地，應該就係我哋呢一日行程嘅主要目標 ~ 薰衣草園。
可惜就咁望過去睇得到同可以準確定位俾我哋揸車去得到係兩回事，就算知道有個靚嘅薰衣草園就喺附近我哋都過唔到去。
大約行咗半個鐘我哋就到達呢個可以遠觀 Gordes 全景嘅觀景台，觀景台嘅準確位置可以參考返上面個地圖。查實烈日當空之下原本我哋係好想揸車過嚟嘅，不過驚過到嚟冇位泊車先決定行過嚟。
有早知冇乞兒，我哋行到過嚟先發現原來呢度重有吉嘅免費車位可以泊到車，白行呢轉來回加埋浪費咗我哋差唔多成個鐘嘅腳骨力。我哋原路行返去之前泊車嘅停車場，跟住就出車開始呢一日嘅尋找薰衣草田嘅旅程。
上酒店網揾住宿，我不嬲都會盡量小心睇清楚啲住客評語以防中伏，而呢一間住宿嘅住客評語當中，都有相當多嘅評語係讚佢呢度包嘅早餐，所以我嚟之前都有對呢一朝早嘅早餐有些少期望。
呢個早餐嘅食物款式查實就唔算話係好特別，都係麵包生果乳酪之類，咁多人俾讚我覺得主要係因為屋主服侍呢個早餐的確係服侍得幾有心機，同食物嘅用料好新鮮，杯橙汁真係睇住佢逐個鮮橙切開嚟榨，班戟又係好有心機一塊塊咁煎出嚟，啲果醬同乳酪我有少少懷疑都係自家嘅製作嚟。食物嘅質素我個人嚟講就算係幾滿意，不過唯一有些少唔老嚟嘅就係開餐間房真係好多烏蠅。不過我哋後來先知到多烏蠅呢個唔係單係呢間民宿嘅問題，我哋之後一路去到瑞士，不論喺自家住宿又好喺餐廳又好，只要有窗打開嘅地方，食飯嗰陣都免不了要一路食一路趕烏蠅，只可以講句 北歐啲烏蠅真係好多好大隻。食完個早餐跟住我哋就出車起程嘞，下面個地圖就記錄咗呢個上晝我哋到過一啲景點嘅位置。
原本我哋嘅計劃係第一站先去 Gordes 行一陣嘅，不過當我哋揸車去到 Gordes 嗰陣，發覺嗰度簡直係人山人海完全揾唔到車位泊車，冇辦法之下唯有轉移陣地，先去附近嘅 Notre-Dame de Senanque Abbey 睇完薰衣草再返轉頭睇吓有冇辦法揾到位置泊車。
塞南克修道院 Notre-Dame de Senanque Abbey 係一座熙篤會 Cistercian 嘅修道院，熙篤會係一個天主教嘅修會，遵守聖本篤會規，主張生活嚴肅，重個人守貧，終身素食，夜間冥想耶穌救恩同聖母功德，每日凌晨就要起身祈禱念經，係一個清規森嚴嘅修會嚟。呢座修道最初嘅成立歷史可以追朔至 1148 年，喺 13 至 14 世紀，塞南克修道院嘅經營達到頂峰，擁有四個磨坊同七個田莊，而住喺塞南克嘅修士當年就係喺呢度嘅莊園種植薰衣草，以養蜂為生。到今時今日，喺每年嘅七至八月薰衣草成熟嘅季節，喺呢座修道院盛放嘅薰衣草田就會吸引大量嘅遊客前去參觀打卡。
我哋呢次喺七月頭嚟到，見到呢度嘅薰衣草查實唔算係開得好靚，田園面積細加上田園外圍被完全圍封唔入得去，影相嘅話只可以喺圍欄外面遠遠咁影入去，睇到嘅風景同喺網上揾到嘅相片落差都幾大，行完呢轉感覺查實都有些少失望。喺度四圍行咗陣同望過吓修道院入面賣嘅記念品之後，我哋就出車返去 Gordes 睇吓有冇辦法揾到車位可以擺低部車再入去行吓。
大半個鐘車程返到 Gordes，發覺之前條路啲車龍冇晒，冇乜難度咁就揾到個收費車位泊低部車。
行出大街先知道之前啲人潮忽然消失晒嘅原因 ~ 原來我哋嚟之前呢度有個市集，所以大量嘅遊客就過晒嚟趁墟。
當我哋行完修道院返嚟嗰陣個墟市剛剛收檔，所以啲人潮忽然間就消失晒。
我哋沿住一條小徑，諗住一路行吓影吓相，一路向住一個可以遠觀整個 Gordes 石頭城全貌嘅展望台前進。
好多華文嘅網站都有鋪癮，只要係一啲依山而建嘅城鎮，外型掹車邊有啲啲似就會將嗰個地方冠上天空之城嘅稱號，Gordes 呢度因為有好多依山而建嘅古老建築，於是亦成為眾多呢啲天空之城嘅其中一個。
我哋從天空之城上遠眺大地，可以望到一片片綠油油嘅葡萄園。
見到當中夾著一片紫色嘅園地，應該就係我哋呢一日行程嘅主要目標 ~ 薰衣草園。
可惜就咁望過去睇得到同可以準確定位俾我哋揸車去得到係兩回事，就算知道有個靚嘅薰衣草園就喺附近我哋都過唔到去。
大約行咗半個鐘我哋就到達呢個可以遠觀 Gordes 全景嘅觀景台，觀景台嘅準確位置可以參考返上面個地圖。查實烈日當空之下原本我哋係好想揸車過嚟嘅，不過驚過到嚟冇位泊車先決定行過嚟。
有早知冇乞兒，我哋行到過嚟先發現原來呢度重有吉嘅免費車位可以泊到車，白行呢轉來回加埋浪費咗我哋差唔多成個鐘嘅腳骨力。我哋原路行返去之前泊車嘅停車場，跟住就出車開始呢一日嘅尋找薰衣草田嘅旅程。
留言
發佈留言