呢日我哋嘅行程比較 Chur，朝早 8 點就要出車去今次美國之行嘅第三個國家公園 ~ Death Valley National Park 死亡谷國家公園。
下面嘅地圖就記錄咗我哋呢一日嘅行程路線同當中經過啲景點嘅位置；死亡谷係加州嘅一個沙漠谷地，屬於莫哈韋沙漠 (Mojave Desert) 嘅一部份，亦係北美洲海拔高度最低、最乾旱同最熱嘅地區嚟。
朝早 9 點幾我哋就到達呢日行程嘅第一站扎布里斯基角 Zabriskie Point，到達之後我哋先喺景點附近一個停車場度泊好架車。
由停車場度我哋沿住一條鋪得靚靚嘅步行徑行上去觀景台，喺沙漠中一個寸草不生嘅地方整到啲咁骨子嘅旅遊設施確實係難得
。
Zabriskie Point 嘅獨特地貌係經過數百萬年嘅地質侵蝕而形成，曾幾何時呢度有一個叫 Furnace Creek Lake 嘅湖泊，不過呢個湖喺大約五百萬年前已經乾沽，Zabriskie Point 嘅地質主要就係由湖中嘅沉殿物所構成。
遠古時代嘅死亡谷查實並唔係好似家陣咁嘅一片乾旱沙漠，九百萬年前死亡谷大部份嘅地方都係被一大片湖泊所覆蓋。
嗰陣喺呢度四周山谷中含鹽份嘅泥濘、碎石、動植物嘅屍體，加上附近一帶火山活動所產生嘅火山灰不斷沉積於湖底。
當時附近一帶嘅火山熱泉亦將大量嘅硼酸鹽帶進湖底積累，呢啲硼酸鹽加埋上面提到嘅各種沉積物，經年累月咁喺湖底度積累，慢慢就形成家陣死亡谷嘅主要地質 Furnace Creek Formation。
後來地殼變動令到死亡谷嘅氣候變得越嚟越乾旱，原本覆蓋死亡谷嘅湖泊亦慢慢消失。
加上死亡谷一帶嘅地勢開始向下沉，死亡谷東南方嘅 Black Mountains 上升，提供咗有利嘅條件令湖底嘅沉積岩風化，最後就形成今日我哋喺 Zabriskie Point 所見到嘅地貌。
我哋喺 Zabriskie Point 影飽相，跟住就出車沿住 190 號公路向西北方行一少段路，到咗 Badwater Road 交界處就向南轉入 Badwater Road，直向下一個景點 Badwater Basin 進發，大約 10 點我哋就到達 Badwater Basin 對出嘅一個停車場度嘞。
Badwater Basin 惡水盆地係死亡谷國家公園入面一個內流盆地，海拔高度為 -86 公尺，係北美洲嘅最低點嚟。盆地名稱 Badwater 嘅由來係由於內流盆地嘅水質鹽度過高不能飲用，所以被人稱之為「惡水」。Badwater Basin 上大片嘅鹽地係由遠古時期覆蓋死亡谷嘅曼利湖 (Lake Manly) 因氣候變化而蒸發，湖水中嘅鹽份喺蒸發後結晶而形成。
Badwater Basin 嘅形成雖然係一個幾有趣嘅地理現像，不過論景色嚟講就只係白芒芒一片荒地冇乜特別好睇。我哋嚟呢度停一停最主要嘅原因係因為之後要去嗰個景點要由 Badwater Road 轉入去一條叫 Artist's Drive 嘅單程路。
我哋由 Zabriskie Point 嗰邊入去 Badwater Road 嘅話就要喺過咗 Artist's Drive 入口嗰段 Badwater Road 之後嚟個 U-turn 先可以入到呢條路，所以想喺 Badwater Basin 呢度停一停順便掉頭。
喺 Artist's Drive 中間有一個叫 Artist's Palette 嘅景點，同之前嗰幾個地方一樣，喺景點對出有位置俾遊客停車，泊好部車之後行幾步就可以望到前面一座五顏六色嘅山巒。
喺 Artist's Palette 山上唔同顏色嘅岩石主要係由於岩石中各種金屬礦物嘅氧化而形成。
當中紅色同黃色部份主要係嚟自鐵礦嘅氧化，綠色部份就係矽酸鹽嘅氧化物，紫色嘅部份就由錳礦嘅氧化物所構成。
嗱都老老實實咁講返句真話
，喺自己個 Blog 度放相就此終都係忍唔到手點都想執靚啲相先至貼出嚟嘅；喺上面啲相度見到喺 Artist's Pallette 岩石上嘅五顏六色查實係要經過執圖軟件推一推啲色彩先至會咁顯眼，喺現場用肉眼睇嘅話，查實只係得啲綠色嘅部份會比較明顯，其他色彩嘅元素係存在嘅，不過就唔會去到上面嗰幾張推過色嘅相所見咁顯眼嘅程度。
睇完 Artist's Pallette 都已經晏晝 11 點幾，亦係時候中場休息揾個地方食啲嘢嘞，呢日我哋自備咗 packed lunch 唔使喺個咁荒蕪嘅沙漠入面揾餐廳，不過喺烈日當空之下晒住個咁猛嘅太陽嚟野餐都係唔多掂，於是我哋就諗住去附近一個遊客中心度揾個有得遮蔭同有水洗吓手嘅地方先至嚟開餐嘞 。
下面嘅地圖就記錄咗我哋呢一日嘅行程路線同當中經過啲景點嘅位置；死亡谷係加州嘅一個沙漠谷地，屬於莫哈韋沙漠 (Mojave Desert) 嘅一部份，亦係北美洲海拔高度最低、最乾旱同最熱嘅地區嚟。
朝早 9 點幾我哋就到達呢日行程嘅第一站扎布里斯基角 Zabriskie Point，到達之後我哋先喺景點附近一個停車場度泊好架車。
由停車場度我哋沿住一條鋪得靚靚嘅步行徑行上去觀景台，喺沙漠中一個寸草不生嘅地方整到啲咁骨子嘅旅遊設施確實係難得
。Zabriskie Point 嘅獨特地貌係經過數百萬年嘅地質侵蝕而形成，曾幾何時呢度有一個叫 Furnace Creek Lake 嘅湖泊，不過呢個湖喺大約五百萬年前已經乾沽，Zabriskie Point 嘅地質主要就係由湖中嘅沉殿物所構成。
遠古時代嘅死亡谷查實並唔係好似家陣咁嘅一片乾旱沙漠，九百萬年前死亡谷大部份嘅地方都係被一大片湖泊所覆蓋。
嗰陣喺呢度四周山谷中含鹽份嘅泥濘、碎石、動植物嘅屍體，加上附近一帶火山活動所產生嘅火山灰不斷沉積於湖底。
當時附近一帶嘅火山熱泉亦將大量嘅硼酸鹽帶進湖底積累，呢啲硼酸鹽加埋上面提到嘅各種沉積物，經年累月咁喺湖底度積累，慢慢就形成家陣死亡谷嘅主要地質 Furnace Creek Formation。
後來地殼變動令到死亡谷嘅氣候變得越嚟越乾旱，原本覆蓋死亡谷嘅湖泊亦慢慢消失。
加上死亡谷一帶嘅地勢開始向下沉，死亡谷東南方嘅 Black Mountains 上升，提供咗有利嘅條件令湖底嘅沉積岩風化，最後就形成今日我哋喺 Zabriskie Point 所見到嘅地貌。
我哋喺 Zabriskie Point 影飽相，跟住就出車沿住 190 號公路向西北方行一少段路，到咗 Badwater Road 交界處就向南轉入 Badwater Road，直向下一個景點 Badwater Basin 進發，大約 10 點我哋就到達 Badwater Basin 對出嘅一個停車場度嘞。
Badwater Basin 惡水盆地係死亡谷國家公園入面一個內流盆地，海拔高度為 -86 公尺，係北美洲嘅最低點嚟。盆地名稱 Badwater 嘅由來係由於內流盆地嘅水質鹽度過高不能飲用，所以被人稱之為「惡水」。Badwater Basin 上大片嘅鹽地係由遠古時期覆蓋死亡谷嘅曼利湖 (Lake Manly) 因氣候變化而蒸發，湖水中嘅鹽份喺蒸發後結晶而形成。
Badwater Basin 嘅形成雖然係一個幾有趣嘅地理現像，不過論景色嚟講就只係白芒芒一片荒地冇乜特別好睇。我哋嚟呢度停一停最主要嘅原因係因為之後要去嗰個景點要由 Badwater Road 轉入去一條叫 Artist's Drive 嘅單程路。
我哋由 Zabriskie Point 嗰邊入去 Badwater Road 嘅話就要喺過咗 Artist's Drive 入口嗰段 Badwater Road 之後嚟個 U-turn 先可以入到呢條路，所以想喺 Badwater Basin 呢度停一停順便掉頭。
喺 Artist's Drive 中間有一個叫 Artist's Palette 嘅景點，同之前嗰幾個地方一樣，喺景點對出有位置俾遊客停車，泊好部車之後行幾步就可以望到前面一座五顏六色嘅山巒。
喺 Artist's Palette 山上唔同顏色嘅岩石主要係由於岩石中各種金屬礦物嘅氧化而形成。
當中紅色同黃色部份主要係嚟自鐵礦嘅氧化，綠色部份就係矽酸鹽嘅氧化物，紫色嘅部份就由錳礦嘅氧化物所構成。
嗱都老老實實咁講返句真話
，喺自己個 Blog 度放相就此終都係忍唔到手點都想執靚啲相先至貼出嚟嘅；喺上面啲相度見到喺 Artist's Pallette 岩石上嘅五顏六色查實係要經過執圖軟件推一推啲色彩先至會咁顯眼，喺現場用肉眼睇嘅話，查實只係得啲綠色嘅部份會比較明顯，其他色彩嘅元素係存在嘅，不過就唔會去到上面嗰幾張推過色嘅相所見咁顯眼嘅程度。睇完 Artist's Pallette 都已經晏晝 11 點幾，亦係時候中場休息揾個地方食啲嘢嘞，呢日我哋自備咗 packed lunch 唔使喺個咁荒蕪嘅沙漠入面揾餐廳，不過喺烈日當空之下晒住個咁猛嘅太陽嚟野餐都係唔多掂，於是我哋就諗住去附近一個遊客中心度揾個有得遮蔭同有水洗吓手嘅地方先至嚟開餐嘞 。
留言
發佈留言