行程摘要 :
Zermatt => Randa => Zermatt (Train, Free with Swiss Pass)
開始第六日嘅行程，呢一日嘅天氣比之前一日好好多，起碼冇落大雨，間唔中重有些少陽光透出嚟。
喺 Zermatt 有條叫 Kirchbrücke Bridge 嘅橋，呢條橋算係 Zermatt 區內其中一個睇馬特洪峰嘅絶佳位置嚟。
不過呢個朝早嘅馬特洪峰依然深藏於厚厚嘅雲霧後面，而 Kirchbrücke Bridge 上面就冷冷清清冇晒人。
我哋行去火車站嘅路途中會經過一個墓地，我估喺西方啲人應該冇華人對墳墓嗰種禁忌，喺歐洲已經唔係第一次見到呢啲起得咁近民居嘅墓園。
喺 Zermatt 大部份嘅景點都係圍住個馬特洪峰嚟轉，例如 Gornergrat、5 Seenweg、Matherhorn Glacier Paradise 等等，去呢啲景點嘅纜車費都唔平，如果睇唔到馬特洪峰嘅話，俾咁貴嘅交通費登山感覺就會好唔抵。
好彩近年喺 Zermatt 多咗一條就算睇唔到馬特洪峰都幾值得一去嘅登山路線，我哋就趁住冇得睇馬特洪嘅呢一日試吓行呢條登山健行路線。
呢條健行路線特别嘅地方，就係路途中會經過一條全球最長嘅行人吊橋 Charles Kuonen Hängebrücke。
呢條係一條 Circular Hikes 循環嘅登山路線嚟，路線嘅起點同終點都係一個叫 Randa 嘅火車站，我哋就由 Zermatt 火車站先搭兩個站去到 Randa 站起程登山。
喺呢個網站度可以揾到呢條登山徑嘅路線地圖。
我哋大約朝早十點半到達 Randa 火車站，起程上山嘅頭一段路會經過一啲民居。
喺呢堆民居入面有間教堂，係呢條登山路線中一個易認嘅路標嚟。
行過呢間教堂冇幾遠，我哋跟住地圖所示嘅路線轉入一條上山嘅小路。
查實呢條 Charles Kuonen Hängebrücke 主要係用嚟接通一段由 Grächen 去 Zermatt 嘅行山路線，呢條山徑要行晒嘅話起碼要兩日嘅時間。
呢隻行山路線對我哋嚟講就實在太高難度，好彩有人設計咗呢條大半日就可以行完嘅 Circular Hike。
可以俾我哋呢啲行唔掂高難度山徑嘅人都可以體驗吓呢條被列入世界之最嘅行人吊橋。
不過呢條路程短好多嘅 Circular Hike 查實亦唔容易行，我哋大約朝早十點半由 Randa 火車站出發。
離開咗山腳嘅民居之後行咗個零鐘，發覺呢段路基本上係全程上斜差唔多完全冇平路。
原來由山腳火車站行到上去橋嘅位置所需要爬升嘅高度係 999 m，目前全港最高嘅建築物 ICC 環球貿易廣場嘅高度係 490 m。
啫係話今次我哋係等同由 ICC 地下行上頂樓兩次有多先可以去得到橋頭嘅位置。
到朝早十二點半，啫係由出發起計大約行咗兩個鐘嘅路程，我哋終於可以遠遠咁望到條橋。
睇落好似就快到達目的地咁，不過查實由睇到條橋到真正行到去橋頭嗰度都重有一段距離。
到晏晝一點幾我哋先真正到達橋頭嘅位置，由朝早十點半起程計，我哋足足 Chur 咗超過兩個半鐘嘅上斜山路先行到目的地。
呢條 Circular Hike 行一圈要大半日，上山前要準備足夠嘅水同食物，午餐只可以自備喺山上搞掂。
喺橋頭位置有啲枱櫈，我哋就喺過橋之前先坐抵食個晏順便休息吓。
我哋上山呢一日大部份時間都係陰天冇咁熱行得比較舒服，我帶咗一公升水基本上都足夠。
但如果猛太陽天氣比較熱上山嘅話我估就要預備多啲飲料。
食完個晏晝抖返順條氣我哋就準備過橋嘞。
呢一日冇乜風，過橋嗰陣只會感覺到條橋上下咁搖動；查實出發前我都有諗過，此終呢條吊橋係位列於世界之最，我哋過橋嗰陣會唔會因為太刺激腳軟過唔到呢?
不過到過橋嗰陣嘅感覺查實亦未至於係好得人驚嗰隻；就以一個好似我咁渾身是胆嘅鐵漢嚟講，查真只要單手扶一扶條圍欄定一定驚就可以輕鬆通過。
如果天晴嘅話，喺橋上面應該可以遠望馬特洪峰嘅山景，可惜呢一日天陰有霧，我哋喺橋上就面只可以睇得到雲霧下嘅山色。
過橋嗰陣垂頭一望，亦可以欣賞到腳下嘅翠綠山巒。
過咗橋之後回頭補返張望返去橋頭嘅相，咁就開始落山返歸嘅路程嘞。
我哋呢次係以順時針嘅方向行呢條 Circular Hike，由橋嘅北面橋頭行向南面橋頭再跟住落山嘅。呢段落山嘅山徑頭一段路唔係太斜行得都幾舒服。
行梗呢段山路嗰陣我心重諗原來呢邊山路好行咁多，早知就一早就揀逆時針方向嘅路線上山咁頭先咪唔使上斜行得咁辛苦喇。
不過原來頭一段平頭只係廿分鐘都唔夠嘅路程，之後落山嗰段都係同之前一樣咁斜嘅山路。
查實今次瑞士之行都算有啲運，之前到達 Zermatt 嗰日全日都係落住雨，到我哋行山呢一日只係多雲但就冇落過雨。
因為呢條山徑上同落嘅斜度都唔細，所以就算唔係落大雨，只要山路上嘅石頭有少少濕滑嘅話我覺得都唔係太適合去行。
我哋晏晝兩點鐘左右開始由橋頭落山，到晏晝四點鐘終於返到 Randa 火車站。
我哋搭火車返到 Zermatt 之後先要同今次行程嘅第五位團友會合，跟住就去 Coop 買餸煮飯。
Zermatt => Randa => Zermatt (Train, Free with Swiss Pass)
開始第六日嘅行程，呢一日嘅天氣比之前一日好好多，起碼冇落大雨，間唔中重有些少陽光透出嚟。
喺 Zermatt 有條叫 Kirchbrücke Bridge 嘅橋，呢條橋算係 Zermatt 區內其中一個睇馬特洪峰嘅絶佳位置嚟。
不過呢個朝早嘅馬特洪峰依然深藏於厚厚嘅雲霧後面，而 Kirchbrücke Bridge 上面就冷冷清清冇晒人。
我哋行去火車站嘅路途中會經過一個墓地，我估喺西方啲人應該冇華人對墳墓嗰種禁忌，喺歐洲已經唔係第一次見到呢啲起得咁近民居嘅墓園。
喺 Zermatt 大部份嘅景點都係圍住個馬特洪峰嚟轉，例如 Gornergrat、5 Seenweg、Matherhorn Glacier Paradise 等等，去呢啲景點嘅纜車費都唔平，如果睇唔到馬特洪峰嘅話，俾咁貴嘅交通費登山感覺就會好唔抵。
好彩近年喺 Zermatt 多咗一條就算睇唔到馬特洪峰都幾值得一去嘅登山路線，我哋就趁住冇得睇馬特洪嘅呢一日試吓行呢條登山健行路線。
呢條健行路線特别嘅地方，就係路途中會經過一條全球最長嘅行人吊橋 Charles Kuonen Hängebrücke。
呢條係一條 Circular Hikes 循環嘅登山路線嚟，路線嘅起點同終點都係一個叫 Randa 嘅火車站，我哋就由 Zermatt 火車站先搭兩個站去到 Randa 站起程登山。
喺呢個網站度可以揾到呢條登山徑嘅路線地圖。
我哋大約朝早十點半到達 Randa 火車站，起程上山嘅頭一段路會經過一啲民居。
喺呢堆民居入面有間教堂，係呢條登山路線中一個易認嘅路標嚟。
行過呢間教堂冇幾遠，我哋跟住地圖所示嘅路線轉入一條上山嘅小路。
查實呢條 Charles Kuonen Hängebrücke 主要係用嚟接通一段由 Grächen 去 Zermatt 嘅行山路線，呢條山徑要行晒嘅話起碼要兩日嘅時間。
呢隻行山路線對我哋嚟講就實在太高難度，好彩有人設計咗呢條大半日就可以行完嘅 Circular Hike。
可以俾我哋呢啲行唔掂高難度山徑嘅人都可以體驗吓呢條被列入世界之最嘅行人吊橋。
不過呢條路程短好多嘅 Circular Hike 查實亦唔容易行，我哋大約朝早十點半由 Randa 火車站出發。
離開咗山腳嘅民居之後行咗個零鐘，發覺呢段路基本上係全程上斜差唔多完全冇平路。
原來由山腳火車站行到上去橋嘅位置所需要爬升嘅高度係 999 m，目前全港最高嘅建築物 ICC 環球貿易廣場嘅高度係 490 m。
啫係話今次我哋係等同由 ICC 地下行上頂樓兩次有多先可以去得到橋頭嘅位置。
到朝早十二點半，啫係由出發起計大約行咗兩個鐘嘅路程，我哋終於可以遠遠咁望到條橋。
睇落好似就快到達目的地咁，不過查實由睇到條橋到真正行到去橋頭嗰度都重有一段距離。
到晏晝一點幾我哋先真正到達橋頭嘅位置，由朝早十點半起程計，我哋足足 Chur 咗超過兩個半鐘嘅上斜山路先行到目的地。
呢條 Circular Hike 行一圈要大半日，上山前要準備足夠嘅水同食物，午餐只可以自備喺山上搞掂。
喺橋頭位置有啲枱櫈，我哋就喺過橋之前先坐抵食個晏順便休息吓。
我哋上山呢一日大部份時間都係陰天冇咁熱行得比較舒服，我帶咗一公升水基本上都足夠。
但如果猛太陽天氣比較熱上山嘅話我估就要預備多啲飲料。
食完個晏晝抖返順條氣我哋就準備過橋嘞。
呢一日冇乜風，過橋嗰陣只會感覺到條橋上下咁搖動；查實出發前我都有諗過，此終呢條吊橋係位列於世界之最，我哋過橋嗰陣會唔會因為太刺激腳軟過唔到呢?
不過到過橋嗰陣嘅感覺查實亦未至於係好得人驚嗰隻；就以一個好似我咁渾身是胆嘅鐵漢嚟講，查真只要單手扶一扶條圍欄定一定驚就可以輕鬆通過。
如果天晴嘅話，喺橋上面應該可以遠望馬特洪峰嘅山景，可惜呢一日天陰有霧，我哋喺橋上就面只可以睇得到雲霧下嘅山色。
過橋嗰陣垂頭一望，亦可以欣賞到腳下嘅翠綠山巒。
過咗橋之後回頭補返張望返去橋頭嘅相，咁就開始落山返歸嘅路程嘞。
我哋呢次係以順時針嘅方向行呢條 Circular Hike，由橋嘅北面橋頭行向南面橋頭再跟住落山嘅。呢段落山嘅山徑頭一段路唔係太斜行得都幾舒服。
行梗呢段山路嗰陣我心重諗原來呢邊山路好行咁多，早知就一早就揀逆時針方向嘅路線上山咁頭先咪唔使上斜行得咁辛苦喇。
不過原來頭一段平頭只係廿分鐘都唔夠嘅路程，之後落山嗰段都係同之前一樣咁斜嘅山路。
查實今次瑞士之行都算有啲運，之前到達 Zermatt 嗰日全日都係落住雨，到我哋行山呢一日只係多雲但就冇落過雨。
因為呢條山徑上同落嘅斜度都唔細，所以就算唔係落大雨，只要山路上嘅石頭有少少濕滑嘅話我覺得都唔係太適合去行。
我哋晏晝兩點鐘左右開始由橋頭落山，到晏晝四點鐘終於返到 Randa 火車站。
我哋搭火車返到 Zermatt 之後先要同今次行程嘅第五位團友會合，跟住就去 Coop 買餸煮飯。
留言
發佈留言