行程摘要 :
Grindelwald => Kleine Scheidegg (Train, 25% Discount with Swiss Pass)
Kleine Scheidegg => Eigergletscher => Jungfraujoch (Train, 25% Discount with Swiss Pass)
到第十一日嘅行程，呢一日我哋會上去傳説中嘅歐洲之顛 Jungfrau 少女峰。
查實少女峰並唔係歐洲最高嘅山峰嚟，Top of Europe 應該只係指全歐洲 海拔最高嘅火車站。由 Grindelwald 上少女峰，可以先坐一程火車去到 Kleine Scheidegg，再轉一班火車途經 Eigergletscher 去到 Jungfraujoch，出火車站就係 Jungfrau 少女峰嘅遊客中心大樓。
朝早喺民宿食完個早餐，跟住我哋就行去 Grindelwald 火車站諗住搭火車起程去 Kleine Scheidegg 嘞。
七月已經進入瑞士嘅旅遊旺季，我哋坐嘅呢班火車上滿晒人，喺車箱入面真係有些少朝早喺香港迫地鐵返工嗰種咁嘅感覺。
上咗呢班火車冇幾耐，我就發覺自己做咗呢個行程中做過最柒嘅一件事 ~ 我哋原來冇買飛就上咗車！
事原係我出發前一時神智不清冇睇清楚，以為 Swiss Pass 係包埋免費由 Grindelwald 去 Kleine Scheidegg 嘅車程。
喺火車入面坐咗冇幾耐，到火車上面啲職員同我哋查飛嗰陣我哋攞張 Swiss Pass 出嚟先知道呢程車要另外買飛先可以坐。
好彩原來查飛嘅職員可以即場賣飛俾我哋，重唔使罰錢同可以跟返 Swiss Pass 嘅折扣買返啱呢程火車嘅來回車飛，咁我哋每位科返水 CHF 46.6 咁就冇事可以繼續行程。
算係無驚無險到達 Kleine Scheidegg，落車之後我哋第一件事先要去車站嘅票務處買另一程去 嘅車飛。
據講喺七至八月旺季來回 Jungfraujoch 嘅火車一般都會幾爆吓，我哋買飛嗰陣已經要預約定回程要坐邊班車返歸。
睇吓個電子水牌，原來晏晝有啲班次都已經接近滿座。
我哋坐上朝早 11 點出發嘅班次，離開 Kleine Scheidegg 向 Jungfraujoch 繼續進發。
雖然呢程車由喺 Grindelwald 出發起計連埋中途停站都只係一個鐘多啲嘅車程，不過列車離開 Kleine Scheidegg 之後我已經明顯地感覺到氣温下降咗好多，途中有啲山坡亦見到些少積雪。
大約十零分鐘車程我哋就到達一個中途站 Eigergletscher，列車嚟到呢個站會停一陣，我見嚟到呢一站之後喺車頭嘅貨卡會上落一啲貨物，咁車上嘅乘客就可以趁住呢個空檔落車抖陣氣睇吓風景影吓相咁。
不過落車嘅話就要小心留意上返車嘅時間，事關瑞士啲火車一般都係由乘客撳制開門，而開咗嘅門過一陣冇人出入就會自動關門。列車開車之前可以喺毫無預警之下自動鎖門之後就會開出，如果落咗車之後喺夠鐘鎖門開車之前未上返車嘅話，咁就會突然發覺自己喺車外面撳極都撳唔開度門跟住就唔知點算。
嗰陣我朋友就係落咗車，之後諗住上返車嗰陣發覺撳唔返開度車門俾佢嚇咗一嚇，好彩唔知度門嗰陣唔肯開係因為一時間嘅操作問題定還是啲職員見到有人上唔返車放返個鎖，總之搞咗陣我朋友又撳得返開度車門上返車，隔咗一陣架火車先至真正開出。
後半段車程基本上都係喺隧道入面行冇乜嘢睇，十一點幾差唔多十二點，我哋就到達 Jungfraujoch。
行出火車站嗰陣我哋都重未係好睇得明遊客中心個地圖，求其就行咗去一個喺食品小賣部出面嘅露台。
行出露台就睇到 Grosser Aletschgletscher (Great Aletsch Glacier 阿萊奇冰川)。喺呢邊樓層應該係有條通道經 Ice Palace 出去一處露天嘅雪地踩吓雪嘅，不過我哋比較想爭取多啲時間去 Snow Fun Park 嗰邊玩，所以就經另一條通道直往 Sphinx Observatory Terrace。
Sphinx Observatory Terrace 斯芬克斯天文台位於海拔 3,571 公尺嘅高度之上，以高度計呢度係排世界第 18 位高海拔嘅天文台嚟；呢座天文台嘅名稱係嚟自佢所在嘅岩石山頂「斯芬克斯」。天文台所屬嘅觀景平台向一般大眾開放，並且係瑞士海拔第二高嘅觀景平台。
先嚟睇吓喺呢個觀景台上面巡一圈嘅話有乜嘢睇，首先就當然係 Great Aletsch Glacier 同冰川兩旁一大堆唔知乜峰物峰喇。
跟住望向左手邊就係傳説中嘅 Jungfrau 少女峰。
而右手邊就係另一個著名嘅山峰 Mönch 僧侶峰。
繼續圍住天文台大樓行，向下一望睇到遠處雪地上嘅 Snow Fun Park，我哋行完呢轉天文台之後就會落去玩。
轉去觀景台嘅另一邊，可以遠眺雲層下嘅一片山巒景緻。
觀景台上面時不時都會出現一羣羣呢隻黑色嘅雀鳥，返香港查返先知呢隻雀叫 Alpine Chough，又或者叫 Yellow-Billed Chough，係一種鴉科嘅雀鳥嚟，佢哋完全唔驚人行到幾埋都冇問題，同佢影相又識擺 pose，噉佢哋咁合作嘅原因就當然係想同啲遊客搲嘢食啦。
我哋喺觀景台行完一轉，入返遊客中心室内食咗個簡單嘅自備午餐，跟住就搭𨋢落地下雪地上面嘅 Snow Fun Park 諗住滑一陣雪嘞。
喺 Jungfraujoch 嘅 Snow Fun Park 有好幾種唔同嘅雪地活動，除咗可以玩 Ski 同 Snowboard 之外，重有飛索 Tyrolienne (Zipline)、Tubing / Sledging 同 Special Sledging 幾種唔同嘅活動，喺呢個網頁可以揾到 Snow Fun Park 各項活動嘅收費同開放時間。
我哋今次就主力玩 Ski 同 Snowboard，喺 Snow Fun Park 租用具連使用 Ski Lift 嘅費用就盛惠 CHF 35，圍返港紙都係 $300 有找，半日時段內唔限時間任玩。我對過吓韓國龍平滑雪場今年啲價位，半日 Ski Lift 收 ₩ 63,000 won，租用具半日收費 ₩ 28,000，加埋圍返港紙都要 $640。
咁當然 Snow Fun Park 只係一個俾初學者體驗吓滑雪嘅場地，只得一條短短嘅雪道，唔似得龍平嗰隻冬奧級嘅場地，不過對於好似我呢隻長期初學者嚟講，通常都只係滑到嗰幾條 beginner 到 Intermediate 級嘅雪道，個場大同細對我嚟講查實分别唔係太大。我幾年前喺龍平滑過一次雪，嗰陣除非係之前一晚有落過雪，否則雪道表面通常都係啲有些少結咗冰嘅人造雪嚟，而喺 Snow Fun Park 滑嘅就一定係絕無添加嘅天然粉雪。
Snow Fun Park 上斜係用呢隻好似自動電梯咁嘅 Ski Lift，好啱初學者玩，而好似龍平嗰類正式嘅滑雪場用嘅 Ski Lift 一般初學者都要練一段時間、仆過幾次街先可以掌握到落𨋢嘅技考。上少女峰應該算係瑞士其中一條最昂貴嘅登山鐵路線嚟，如果上少女峰嘅唯一一個目的係滑雪嘅話，計返交通成本就當然係相當之唔抵喇，不過如果諗住有冇雪滑都想上少女峰睇吓，加上本身係滑雪新手只係諗住揾個機會輕輕體驗吓滑雪嘅話，我覺得上到少女峰順便喺 Snow Fun Park 滑一轉雪嘅性價比就相當之高嘞。
唔知同嗰度海拔 3,500 幾公尺嘅高度有冇關係，我哋玩咗兩個零鐘已經玩到扯晒蝦夠晒皮，到四點鬆啲我哋就還返啲用具準備執嘢走人嘞。
我哋坐上四點幾鐘回程嘅列車，都係原路去到 Kleine Scheidegg 先停一站。
我哋晏晝五點幾到達 Kleine Scheidegg 車站，感覺上呢度比起我哋上晝嚟到嗰陣熱鬧好多。
我哋喺 Kleine Scheidegg 再轉下一班返 Grindelwald 嘅火車，黃昏六點幾鐘我哋就完成呢一日喺少女峰嘅行程返到 Grindelwald 嘞。
Grindelwald => Kleine Scheidegg (Train, 25% Discount with Swiss Pass)
Kleine Scheidegg => Eigergletscher => Jungfraujoch (Train, 25% Discount with Swiss Pass)
到第十一日嘅行程，呢一日我哋會上去傳説中嘅歐洲之顛 Jungfrau 少女峰。
查實少女峰並唔係歐洲最高嘅山峰嚟，Top of Europe 應該只係指全歐洲 海拔最高嘅火車站。由 Grindelwald 上少女峰，可以先坐一程火車去到 Kleine Scheidegg，再轉一班火車途經 Eigergletscher 去到 Jungfraujoch，出火車站就係 Jungfrau 少女峰嘅遊客中心大樓。
朝早喺民宿食完個早餐，跟住我哋就行去 Grindelwald 火車站諗住搭火車起程去 Kleine Scheidegg 嘞。
七月已經進入瑞士嘅旅遊旺季，我哋坐嘅呢班火車上滿晒人，喺車箱入面真係有些少朝早喺香港迫地鐵返工嗰種咁嘅感覺。
上咗呢班火車冇幾耐，我就發覺自己做咗呢個行程中做過最柒嘅一件事 ~ 我哋原來冇買飛就上咗車！
事原係我出發前一時神智不清冇睇清楚，以為 Swiss Pass 係包埋免費由 Grindelwald 去 Kleine Scheidegg 嘅車程。
喺火車入面坐咗冇幾耐，到火車上面啲職員同我哋查飛嗰陣我哋攞張 Swiss Pass 出嚟先知道呢程車要另外買飛先可以坐。
好彩原來查飛嘅職員可以即場賣飛俾我哋，重唔使罰錢同可以跟返 Swiss Pass 嘅折扣買返啱呢程火車嘅來回車飛，咁我哋每位科返水 CHF 46.6 咁就冇事可以繼續行程。
算係無驚無險到達 Kleine Scheidegg，落車之後我哋第一件事先要去車站嘅票務處買另一程去 嘅車飛。
據講喺七至八月旺季來回 Jungfraujoch 嘅火車一般都會幾爆吓，我哋買飛嗰陣已經要預約定回程要坐邊班車返歸。
睇吓個電子水牌，原來晏晝有啲班次都已經接近滿座。
我哋坐上朝早 11 點出發嘅班次，離開 Kleine Scheidegg 向 Jungfraujoch 繼續進發。
雖然呢程車由喺 Grindelwald 出發起計連埋中途停站都只係一個鐘多啲嘅車程，不過列車離開 Kleine Scheidegg 之後我已經明顯地感覺到氣温下降咗好多，途中有啲山坡亦見到些少積雪。
大約十零分鐘車程我哋就到達一個中途站 Eigergletscher，列車嚟到呢個站會停一陣，我見嚟到呢一站之後喺車頭嘅貨卡會上落一啲貨物，咁車上嘅乘客就可以趁住呢個空檔落車抖陣氣睇吓風景影吓相咁。
不過落車嘅話就要小心留意上返車嘅時間，事關瑞士啲火車一般都係由乘客撳制開門，而開咗嘅門過一陣冇人出入就會自動關門。列車開車之前可以喺毫無預警之下自動鎖門之後就會開出，如果落咗車之後喺夠鐘鎖門開車之前未上返車嘅話，咁就會突然發覺自己喺車外面撳極都撳唔開度門跟住就唔知點算。
嗰陣我朋友就係落咗車，之後諗住上返車嗰陣發覺撳唔返開度車門俾佢嚇咗一嚇，好彩唔知度門嗰陣唔肯開係因為一時間嘅操作問題定還是啲職員見到有人上唔返車放返個鎖，總之搞咗陣我朋友又撳得返開度車門上返車，隔咗一陣架火車先至真正開出。
後半段車程基本上都係喺隧道入面行冇乜嘢睇，十一點幾差唔多十二點，我哋就到達 Jungfraujoch。
行出火車站嗰陣我哋都重未係好睇得明遊客中心個地圖，求其就行咗去一個喺食品小賣部出面嘅露台。
行出露台就睇到 Grosser Aletschgletscher (Great Aletsch Glacier 阿萊奇冰川)。喺呢邊樓層應該係有條通道經 Ice Palace 出去一處露天嘅雪地踩吓雪嘅，不過我哋比較想爭取多啲時間去 Snow Fun Park 嗰邊玩，所以就經另一條通道直往 Sphinx Observatory Terrace。
Sphinx Observatory Terrace 斯芬克斯天文台位於海拔 3,571 公尺嘅高度之上，以高度計呢度係排世界第 18 位高海拔嘅天文台嚟；呢座天文台嘅名稱係嚟自佢所在嘅岩石山頂「斯芬克斯」。天文台所屬嘅觀景平台向一般大眾開放，並且係瑞士海拔第二高嘅觀景平台。
先嚟睇吓喺呢個觀景台上面巡一圈嘅話有乜嘢睇，首先就當然係 Great Aletsch Glacier 同冰川兩旁一大堆唔知乜峰物峰喇。
跟住望向左手邊就係傳説中嘅 Jungfrau 少女峰。
而右手邊就係另一個著名嘅山峰 Mönch 僧侶峰。
繼續圍住天文台大樓行，向下一望睇到遠處雪地上嘅 Snow Fun Park，我哋行完呢轉天文台之後就會落去玩。
轉去觀景台嘅另一邊，可以遠眺雲層下嘅一片山巒景緻。
觀景台上面時不時都會出現一羣羣呢隻黑色嘅雀鳥，返香港查返先知呢隻雀叫 Alpine Chough，又或者叫 Yellow-Billed Chough，係一種鴉科嘅雀鳥嚟，佢哋完全唔驚人行到幾埋都冇問題，同佢影相又識擺 pose，噉佢哋咁合作嘅原因就當然係想同啲遊客搲嘢食啦。
我哋喺觀景台行完一轉，入返遊客中心室内食咗個簡單嘅自備午餐，跟住就搭𨋢落地下雪地上面嘅 Snow Fun Park 諗住滑一陣雪嘞。
喺 Jungfraujoch 嘅 Snow Fun Park 有好幾種唔同嘅雪地活動，除咗可以玩 Ski 同 Snowboard 之外，重有飛索 Tyrolienne (Zipline)、Tubing / Sledging 同 Special Sledging 幾種唔同嘅活動，喺呢個網頁可以揾到 Snow Fun Park 各項活動嘅收費同開放時間。
我哋今次就主力玩 Ski 同 Snowboard，喺 Snow Fun Park 租用具連使用 Ski Lift 嘅費用就盛惠 CHF 35，圍返港紙都係 $300 有找，半日時段內唔限時間任玩。我對過吓韓國龍平滑雪場今年啲價位，半日 Ski Lift 收 ₩ 63,000 won，租用具半日收費 ₩ 28,000，加埋圍返港紙都要 $640。
咁當然 Snow Fun Park 只係一個俾初學者體驗吓滑雪嘅場地，只得一條短短嘅雪道，唔似得龍平嗰隻冬奧級嘅場地，不過對於好似我呢隻長期初學者嚟講，通常都只係滑到嗰幾條 beginner 到 Intermediate 級嘅雪道，個場大同細對我嚟講查實分别唔係太大。我幾年前喺龍平滑過一次雪，嗰陣除非係之前一晚有落過雪，否則雪道表面通常都係啲有些少結咗冰嘅人造雪嚟，而喺 Snow Fun Park 滑嘅就一定係絕無添加嘅天然粉雪。
Snow Fun Park 上斜係用呢隻好似自動電梯咁嘅 Ski Lift，好啱初學者玩，而好似龍平嗰類正式嘅滑雪場用嘅 Ski Lift 一般初學者都要練一段時間、仆過幾次街先可以掌握到落𨋢嘅技考。上少女峰應該算係瑞士其中一條最昂貴嘅登山鐵路線嚟，如果上少女峰嘅唯一一個目的係滑雪嘅話，計返交通成本就當然係相當之唔抵喇，不過如果諗住有冇雪滑都想上少女峰睇吓，加上本身係滑雪新手只係諗住揾個機會輕輕體驗吓滑雪嘅話，我覺得上到少女峰順便喺 Snow Fun Park 滑一轉雪嘅性價比就相當之高嘞。
唔知同嗰度海拔 3,500 幾公尺嘅高度有冇關係，我哋玩咗兩個零鐘已經玩到扯晒蝦夠晒皮，到四點鬆啲我哋就還返啲用具準備執嘢走人嘞。
我哋坐上四點幾鐘回程嘅列車，都係原路去到 Kleine Scheidegg 先停一站。
我哋晏晝五點幾到達 Kleine Scheidegg 車站，感覺上呢度比起我哋上晝嚟到嗰陣熱鬧好多。
我哋喺 Kleine Scheidegg 再轉下一班返 Grindelwald 嘅火車，黃昏六點幾鐘我哋就完成呢一日喺少女峰嘅行程返到 Grindelwald 嘞。
留言
發佈留言