行程摘要 :
Grindelwald => Zweilütschinen => Lauterbrunnen (Train, Free with Swiss Pass)
我哋喺 Coop 買咗啲熟食同杯麵，喺民宿度簡簡單單搞掂餐晏晝同抖咗陣，跟住就出發去躝街嘞；中午都過咗，呢一日剩返嘅時間太少唔想去趕啲主要景點，於是我哋就決定近近哋去 Lauterbrunnen 打個白鴿轉。
由 Grindelwald 可以坐火車經 Zweilütschinen 轉車去到 Lauterbrunnen 站，車程短短哋大半個鐘就去到。
Lauterbrunnen (勞德本納) 係一個座落喺阿爾卑斯山脈谷地中嘅城鎮，城鎮兩側有巨大山峰同岩石嘅景觀。
Lauterbrunnen 最出名嘅景色就係瀑布，根據一啲當地人嘅講法，Lauter 呢個字可以解作好多，而 Brunnen 嘅意思係泉水或者噴泉，Lauterbrunnen 呢個地方名應該係指當地由七十二道瀑布所形成嘅地貌。而呢咁多座瀑布當中，有兩座係比較出名同多遊客去睇嘅，第一座係當我哋一行出火車站、抬頭一望就可以睇到嘅 Staubbach Falls。
Lauterbrunnen 火車站同火車站四周嘅城鎮基本上就係起喺 Staubbach Falls 下面。
我哋行出火車站冇幾耐就見到兩件唔知係邊個出完地爆天星之後放低咗喺路邊嘅封印，不過睇見呢兩件封印嘅大細，好明顯發動呢個術嗰陣嗰位人兄嘅查克拉應該唔多夠用。
睇瀑布嚟講，可能之前兩三年喺冰島同美國西岸見過嘅瀑布都好大規模，嚟到呢度見到呢條水柱查實感覺冇乜特别。
而瀑布對面嘅風景反而更加吸引我嘅眼球，一座座傳統嘅阿爾卑斯木屋 (Chalet)，零散咁分布喺山谷中一片綠草如茵嘅山坡上面。
睇見呢隻咁嘅地貌就好容易諗返起卡通片瓢零燕入面所繪畫嘅瑞士風景。
喺 Lauterbrunnen 查實重有另一個名為 Trümmelbachfälle 嘅瀑布，不過一來我睇過人哋啲遊記覺得入去呢座瀑布睇到嘅景觀好似都幾一般。
加上呢個朝早舟車勞頓，如果行埋呢個瀑布感覺有啲太 Chur，所以睇完 Staubbach Falls 之後我哋就一路行吓嗰度啲店鋪一路返火車站打道回府嘞。
喺 Grindelwald 出入附近一帶嘅景點，好多時都會經由 Interlaken Ost 到 Grindelwald 呢條鐵路線來往其他車站轉車。
而呢條鐵路線喺臨去到 Grindelwald 之前，會有一段路程可以喺車窗外面睇到我上面講嗰隻一片翠綠山坡上散佈一間間阿爾卑斯木屋、好有瑞士特色嘅嗰隻地貌。
我喺今次瑞士之行搭過嘅咁多程火車當中，冇記錯嘅話就應該只係得喺 Grindelwald 來往 Interlaken Ost、同埋由 Grindelwald 來往少女峰呢兩條路線嘅火車係可以打開座位側邊嘅車窗，可以唔使隔住塊玻璃咁去影火車外面嘅風景。
所以好多搭呢條鐵路線嘅遊客喺差唔多到達 Grindelwald 嗰陣就會扎晒馬舉機出車窗外面準備影相，不過扎馬之前當然先要學識點去覇佔有利嘅位置喇。
想影靚相，如果係由 Interlaken Ost 去 Grindelwald 方向嘅話，就要坐望住車頭嗰陣右手邊嘅座位；掉返轉如果由 Grindelwald 去 Interlaken Ost 方向嗰陣，就要坐左手邊嘅座位。
返到 Grindelwald 嘅住宿，呢一晚我哋都係喺民宿度自己晚飯自己煮。呢間屋嘅灶頭雖然比較簡陋，不過又俾我哋喺灶頭下面個廚櫃度揾到個咁樣嘅燒烤電鍋，所以返歸之前我哋喺超市買咗啲啱做燒烤嘅食材，呢晚就咁樣自製咗個有瑞士特色嘅韓式燒烤做晚飯嘞。
Grindelwald => Zweilütschinen => Lauterbrunnen (Train, Free with Swiss Pass)
我哋喺 Coop 買咗啲熟食同杯麵，喺民宿度簡簡單單搞掂餐晏晝同抖咗陣，跟住就出發去躝街嘞；中午都過咗，呢一日剩返嘅時間太少唔想去趕啲主要景點，於是我哋就決定近近哋去 Lauterbrunnen 打個白鴿轉。
由 Grindelwald 可以坐火車經 Zweilütschinen 轉車去到 Lauterbrunnen 站，車程短短哋大半個鐘就去到。
Lauterbrunnen (勞德本納) 係一個座落喺阿爾卑斯山脈谷地中嘅城鎮，城鎮兩側有巨大山峰同岩石嘅景觀。
Lauterbrunnen 最出名嘅景色就係瀑布，根據一啲當地人嘅講法，Lauter 呢個字可以解作好多，而 Brunnen 嘅意思係泉水或者噴泉，Lauterbrunnen 呢個地方名應該係指當地由七十二道瀑布所形成嘅地貌。而呢咁多座瀑布當中，有兩座係比較出名同多遊客去睇嘅，第一座係當我哋一行出火車站、抬頭一望就可以睇到嘅 Staubbach Falls。
Lauterbrunnen 火車站同火車站四周嘅城鎮基本上就係起喺 Staubbach Falls 下面。
我哋行出火車站冇幾耐就見到兩件唔知係邊個出完地爆天星之後放低咗喺路邊嘅封印，不過睇見呢兩件封印嘅大細，好明顯發動呢個術嗰陣嗰位人兄嘅查克拉應該唔多夠用。
睇瀑布嚟講，可能之前兩三年喺冰島同美國西岸見過嘅瀑布都好大規模，嚟到呢度見到呢條水柱查實感覺冇乜特别。
而瀑布對面嘅風景反而更加吸引我嘅眼球，一座座傳統嘅阿爾卑斯木屋 (Chalet)，零散咁分布喺山谷中一片綠草如茵嘅山坡上面。
睇見呢隻咁嘅地貌就好容易諗返起卡通片瓢零燕入面所繪畫嘅瑞士風景。
喺 Lauterbrunnen 查實重有另一個名為 Trümmelbachfälle 嘅瀑布，不過一來我睇過人哋啲遊記覺得入去呢座瀑布睇到嘅景觀好似都幾一般。
加上呢個朝早舟車勞頓，如果行埋呢個瀑布感覺有啲太 Chur，所以睇完 Staubbach Falls 之後我哋就一路行吓嗰度啲店鋪一路返火車站打道回府嘞。
喺 Grindelwald 出入附近一帶嘅景點，好多時都會經由 Interlaken Ost 到 Grindelwald 呢條鐵路線來往其他車站轉車。
而呢條鐵路線喺臨去到 Grindelwald 之前，會有一段路程可以喺車窗外面睇到我上面講嗰隻一片翠綠山坡上散佈一間間阿爾卑斯木屋、好有瑞士特色嘅嗰隻地貌。
我喺今次瑞士之行搭過嘅咁多程火車當中，冇記錯嘅話就應該只係得喺 Grindelwald 來往 Interlaken Ost、同埋由 Grindelwald 來往少女峰呢兩條路線嘅火車係可以打開座位側邊嘅車窗，可以唔使隔住塊玻璃咁去影火車外面嘅風景。
所以好多搭呢條鐵路線嘅遊客喺差唔多到達 Grindelwald 嗰陣就會扎晒馬舉機出車窗外面準備影相，不過扎馬之前當然先要學識點去覇佔有利嘅位置喇。
想影靚相，如果係由 Interlaken Ost 去 Grindelwald 方向嘅話，就要坐望住車頭嗰陣右手邊嘅座位；掉返轉如果由 Grindelwald 去 Interlaken Ost 方向嗰陣，就要坐左手邊嘅座位。
返到 Grindelwald 嘅住宿，呢一晚我哋都係喺民宿度自己晚飯自己煮。呢間屋嘅灶頭雖然比較簡陋，不過又俾我哋喺灶頭下面個廚櫃度揾到個咁樣嘅燒烤電鍋，所以返歸之前我哋喺超市買咗啲啱做燒烤嘅食材，呢晚就咁樣自製咗個有瑞士特色嘅韓式燒烤做晚飯嘞。
留言
發佈留言