瑞士自由行之旅 - Zermatt 住宿 . Haus Gornera

我哋喺黃昏六點零鐘到達 Zermatt 火車站，重趕得切喺車站對面嗰間 Coop 超市打烊之前買餸煮呢一晚嘅晚飯。



我哋喺 Zermatt 呢一站入住嘅民宿，應該係今次瑞士之行住過嘅咁多個中途站當中最掂嘅一個嚟。



呢間民宿鋪號叫 Haus Gornera，經 Booking.com 預訂，三晚住宿費盛惠 CHF 786 大元。



呢間民宿地方非常之寬敞，大廳有有個設備齊全嘅開放式廚房，廚具碗碟都打理得好乾淨。



屋內一間正式嘅睡房有張雙人床。



另外有兩間閣樓，一間有張雙人床，另一間有張單人床。



飯廳嘅佈置亦好特別，牆上隻牛頭查實係一座燈飾嚟。



唔計客廳張梳化呢間屋都可以瞓五個人，客廳兩張梳化查實再瞓多兩個人都可以。



呢間屋有兩個設有企缸嘅浴廁，朝早梳洗多個洗手間用真係可以慳返唔少時間。



民宿亦有為每位住客提供一套毛巾，啲毛巾摸落手感覺應該都係洗過嘅可以放心使用。

北歐夏天嘅日照時間特别長，夜晚到九點先開始日落，我哋呢一日搞到咁晏到步，落咗火車買完餸跟手揾路去民宿安頓好再煮埋餐飯出嚟個天都重未黑齊，感覺上一日嘅時間真係好好使。