行程摘要 :
Veytaux Gare => Montreux Marché (Bus Route 201, Free with Swiss Pass),
Montreux => St-Saphorin => Montreux (Train S2, Free with Swiss Pass),
Montreux => Visp => Zermatt (Train, Free with Swiss Pass)
Stay in Zermatt, Haus Gornera for 3 nights
喺我哋返 Montreux 火車站之前有個中途站叫 Montreux Marché，我哋見呢度有好多店鋪又有商場咁，好似比火車站嗰邊熱鬧，所以決定早兩個站落車，先喺呢頭揾個地方食晏。
喺呢度落車除咗想揾地方食晏之外，我哋新加入嗰位團友因為覺得手上張電話卡收得唔係幾好，所以想喺度睇吓揾唔揾到鋪頭買過張。我哋先撞咗入去一間似係賣電訊產品嘅鋪頭問，鋪頭掌櫃都幾好人事，雖然佢鋪頭冇賣電話卡，但都教我哋去隔籬一座商場入面揾 Swisscom 買卡。
我朋友就喺 Swisscom 度買咗張 CHF 20 嘅 10 日無限數據 SIM 卡。我哋見呢座商場有間 Migros 有位坐，於是就順便喺呢度簡簡單單搞掂埋餐晏仔。
查實原本我諗住食完晏就喺 Montreux 站上火車出發去 Zermatt 嘅，不過見重有些少時間，大伙兒講講吓就話反正用 Swiss Pass 搭多程車又唔使錢，不如呢鋪 Chur 盡佢少少，去附近嘅 St Saphorin 站快閃睇一陣葡萄園先出發去 Zermatt。
下面個地圖就記錄咗 St Saphorin 站嘅位置。
經過 St Saphorin 嘅火車啲班次查實幾疏，要等成個鐘先有一班車，所以呢次快閃葡萄園嘅行動我哋都要睇實啲火車班次，因為一個唔覺意錯過一班車就要遲一個鐘先去到 Zermatt。
喺 St Saphorin 一帶睇葡萄園嚟講，通常會沿住湖邊嘅步行徑行幾個車站嘅距離，一邊健行一邊欣賞沿岸葡萄園嘅風景。
不過一來呢日查實成日都陰天時不時落雨唔係咁適合户外健行，二來呢日我哋亦冇預到咁多時間做呢件事，所以落咗車之後我哋只係花十零廿分鐘行上啲高啲嘅地方影幾張相就返火車站搭返原路嘅火車路線返 Montreux。
我哋返到 Montreux 站拎返啲行李，跟住就坐上下一班開去 Visp 嘅火車，開車前見到對面月台剛啱停咗部我估應該係由 Montreux 呢度出發開去 Luzern 嘅 Golden Pass 列車。
喺車箱嘅另一邊窗，就見到一大班小朋友一邊啜住雪條一邊等車，啜得相當滋味。
我哋去到 Visp 之後要再轉另一程開去 Zermatt 嘅火車；由進入瑞士境內到呢一日之前嘅火車路線都集中喺啲大城鎮同湖邊，其實一直都未算見過印象中嘅瑞士風景。
坐上呢班開往 Zermatt 嘅火車之後，我哋就開始可以感受到呢度山區鐵路沿線上嗰隻瑞士特有嘅風光嘞。
Veytaux Gare => Montreux Marché (Bus Route 201, Free with Swiss Pass),
Montreux => St-Saphorin => Montreux (Train S2, Free with Swiss Pass),
Montreux => Visp => Zermatt (Train, Free with Swiss Pass)
Stay in Zermatt, Haus Gornera for 3 nights
喺我哋返 Montreux 火車站之前有個中途站叫 Montreux Marché，我哋見呢度有好多店鋪又有商場咁，好似比火車站嗰邊熱鬧，所以決定早兩個站落車，先喺呢頭揾個地方食晏。
喺呢度落車除咗想揾地方食晏之外，我哋新加入嗰位團友因為覺得手上張電話卡收得唔係幾好，所以想喺度睇吓揾唔揾到鋪頭買過張。我哋先撞咗入去一間似係賣電訊產品嘅鋪頭問，鋪頭掌櫃都幾好人事，雖然佢鋪頭冇賣電話卡，但都教我哋去隔籬一座商場入面揾 Swisscom 買卡。
我朋友就喺 Swisscom 度買咗張 CHF 20 嘅 10 日無限數據 SIM 卡。我哋見呢座商場有間 Migros 有位坐，於是就順便喺呢度簡簡單單搞掂埋餐晏仔。
查實原本我諗住食完晏就喺 Montreux 站上火車出發去 Zermatt 嘅，不過見重有些少時間，大伙兒講講吓就話反正用 Swiss Pass 搭多程車又唔使錢，不如呢鋪 Chur 盡佢少少，去附近嘅 St Saphorin 站快閃睇一陣葡萄園先出發去 Zermatt。
下面個地圖就記錄咗 St Saphorin 站嘅位置。
經過 St Saphorin 嘅火車啲班次查實幾疏，要等成個鐘先有一班車，所以呢次快閃葡萄園嘅行動我哋都要睇實啲火車班次，因為一個唔覺意錯過一班車就要遲一個鐘先去到 Zermatt。
喺 St Saphorin 一帶睇葡萄園嚟講，通常會沿住湖邊嘅步行徑行幾個車站嘅距離，一邊健行一邊欣賞沿岸葡萄園嘅風景。
不過一來呢日查實成日都陰天時不時落雨唔係咁適合户外健行，二來呢日我哋亦冇預到咁多時間做呢件事，所以落咗車之後我哋只係花十零廿分鐘行上啲高啲嘅地方影幾張相就返火車站搭返原路嘅火車路線返 Montreux。
我哋返到 Montreux 站拎返啲行李，跟住就坐上下一班開去 Visp 嘅火車，開車前見到對面月台剛啱停咗部我估應該係由 Montreux 呢度出發開去 Luzern 嘅 Golden Pass 列車。
喺車箱嘅另一邊窗，就見到一大班小朋友一邊啜住雪條一邊等車，啜得相當滋味。
我哋去到 Visp 之後要再轉另一程開去 Zermatt 嘅火車；由進入瑞士境內到呢一日之前嘅火車路線都集中喺啲大城鎮同湖邊，其實一直都未算見過印象中嘅瑞士風景。
坐上呢班開往 Zermatt 嘅火車之後，我哋就開始可以感受到呢度山區鐵路沿線上嗰隻瑞士特有嘅風光嘞。
留言
發佈留言