第十日嘅行程，呢日我哋會喺 Grindelwald First 玩嗰度啲 activities，因為 First 嘅纜車站就喺我哋住宿嘅對面街度，所以呢日係我哋成個瑞士之行唯一全日都冇乘搭過鐵路嘅一日嚟。
喺 First 基本上有兩種玩法，第一種係坐纜車上到山頂，之後去行吓嗰度一條 Cliff Walk 同去 Lake Bachalpsee 健行睇吓湖景。
而第二隻玩法，就係玩嗰度幾隻包括 Glider、Flyer、Mountain Cart 同 Trottibike Scooter 嘅 activities。我哋今次上 First 就主力玩嗰度嘅 activities，嗰日朝早我哋食完早餐，跟住就拉大隊行去對面街嘅 Grindelwald First 纜車站準備買飛坐 Firstbahn 上山嘞。
喺 First 個網站度係叫上面講嗰四個活動做 activities 嘅，我哋喺 Firstbahn 嘅售票處買飛嗰陣，發覺如果同售票員講我哋想玩幾多隻 games 嘅話原來佢哋係會聽唔明，一定要同佢哋講 activities 佢哋先會聽得明。
今次我哋每個人都買咗三個 activities 嘅套票，票價就每位盛惠 CHF 83 大元。除咗我之外，其他團友都諗住玩 Glider、Flyer 同 Mountain Cart 呢三個活動，而我就諗住玩 Flyer、Mountain Cart 同 Scooter。呢啲套票冇限定玩邊個活動，只係計玩活動嘅次數。我哋揸住套票就可以不限次數乘搭 Firstbahn 纜車去唔同嘅車站玩唔同嘅活動。
First 入面有四個纜車站，由最高嗰個站數起分别係 First、Schreckfeld、Bort 同 Grindelwald，上面個地圖就記錄咗呢幾個纜車站嘅位置。四個車站當中山頂站就係 First，喺呢度落車嘅話就可以去行 Cliff Walk、玩 First BagJump，同玩 First Flyer。由 First 站可以坐纜車慢慢落、又或者坐 First Flyer 飛落去下一站 Schreckfeld。
而 First Glider 同 Mountain Cart 嘅入場櫃位就喺 Schreckfeld 站嘅出面。咁跟返個次序，我哋第一站就先喺 Schreckfeld 落車，先玩咗 First Glider。
呢隻 Glider 嘅玩法查實就係先套一件安全衣上身，方便將個人吊上隻鷹架上面，吊好就開機先向後慢速沿住纜索飛上去 First 度，上咗山頂之後就加速向前衝返落去 Schreckfeld，所以玩呢隻 Glider 嘅話入閘同出閘嘅位置都係喺 Schreckfeld 呢度。
玩咗 Glider 跟住我哋就坐纜車上一個站去 First 行吓。因為玩 Flyer 嘅話就要由 First 站飛返落去 Schreckfeld 站度，咁正路玩 Flyer 之前就應該係喺 First 呢度行吓睇吓條 Cliff Walk，行完 First 山頂站周圍啲景點先去坐 Flyer 嘅；不過呢個唔坐 Flyer 住、先四圍行吓結果就成為我哋呢一日做得最錯誤嘅一個決定。
未講呢段故仔之前先講吓 Cliff Walk 先，呢條 Cliff Walk 步道係喺 2015 年 9 月建成開幕，步道係一條沿住山壁興建嘅行人鐵橋，喺鐵網結構嘅橋面上面可以睇到腳下嘅山崖石壁，步道嘅盡頭係一格專為遊人打卡而設嘅玻璃橋面，喺呢一格玻璃橋面前面遊客可以一邊俯瞰懸崖下嘅景色一邊排隊等打卡。
查實幾日前我哋行過 Charles Kuonen Hängebrücke 之後，呢隻 Cliff Walk 對我哋嚟講已經變成小兒科冇乜難度完全嚇我哋唔到。
行完條 Cliff Walk 之後我哋入咗去 First Flyer 對面一座紀念品店借個洗手間順便行吓啲鋪頭，跟住先去 Flyer 個閘口排隊。
同 Glider 差唔多，Flyer 呢個活動都係玩由 First 飛落去 Schreckfeld，分别係 Glider 呢就四個人一組吊上個鷹架度飛，而 Flyer 就係單人飛索。
我哋開始排隊嗰陣喺龍尾位置起計都要等個幾鐘先有得玩，點知等咗半個鐘左右閘口啲工作人員突然宣佈話因為大風嘅關係 Flyer 要暫停冇得玩住。
原本諗住佢哋只係停一陣個場會好快開返，於是我哋就落去 Schreckfeld 諗住玩咗 Mountain Cart 先喇。
入場之前我哋首先要簽返張生死狀先可以出車；因為全程都係下坡路嘅關係，呢隻 Mountain Cart 查實唔需要任何製動裝置，呢部嘢就只係一部得三個轆一個剎車制嘅三輪車嚟。
我哋就揸住佢，行吓停吓沿途影吓牛牛咁，由 Schreckfeld 站一路碌落去下一個纜車站 Bort 度；呢程車只係碌咗半個鐘左右，查實真係碌得唔多夠喉。
去到 Bort 站見有個小食亭，又差唔多到食晏嘅時間，於是我哋就先喺呢度食個晏晝，諗住食完晏 First 嗰邊嘅 Flyer 都應該開返喇呱。
點知食完個晏我哋上返去 First Flyer 問嗰度啲工作人員有得玩未，結果佢哋答話呢一日 Flyer 會開返嘅機會應該唔大，想飛嘅話就只可以去坐 Glider。呢個故事教訓我哋，如果想去 First 玩 Flyer 嘅話，最好唔好理使唔使坐回頭纜車呢個問題，去到之後有理冇理趁有得玩就要第一時間去排隊玩咗先。
得知冇得玩 Flyer，咁我哋唯有改變計劃，我自己就首先單拖去玩返轉 Glider 先，跟住大伙兒再落去 Bort 站出返部 Trottibike Scooter 準備直踩返去 Grindelwald 嘞。
顧名思義，Trottibike Scooter 查實就係一部個轆大些少嘅 Scooter，一樣係唔需要製動裝置，靠剎車制控制落斜嘅速度。
如果踩單車落斜冇問題嘅話我覺得揸呢隻 Scooter 應該唔難上手嘅，我揸部車頭嗰幾分鐘未習慣嗰陣，感覺比較難掌握嘅主要係未摸到點放雙腳喺塊腳踏度，所以就平衡得唔係幾好，同埋個剎制輕輕揸一揸部車都會急剎，所以點用個剎制去控制部車嘅速度都要少少時間去適應。
不過揸咗五六分鐘落咗一段斜路之後就基本上已經可以適應到，打後一路都揸得好暢順。
呢段車程嘅時間比之前玩 Mountain Cart 嗰段長好多，我哋一路行一見有平坦些少嘅路段就泊架車埋一二邊影吓相，呢段路基本上就係以 Eiger Mountain 為背景。
由 Bort 出發頭嗰段路冇乜汽車行駛基本上差唔多係一段單車徑嚟，落到近 Grindelwald 嘅一段路就會係有巴士汽車行駛嘅馬路，當中亦有一啲分义路要留意路牌唔好行錯，不過只要唔踩得太快小心啲一眼關七嘅話查實後半段嘅馬路亦唔算難踩。
呢條踩 Scooter 路線嘅終點查實就係喺我哋朝早去買飛嗰個 Grindelwald First 車站，原來喺呢個車站後面有個車庫，我哋去到就咁交返部車俾啲職員就可以。我哋由 Bort 出車行吓停吓影吓相咁，全程大約踩咗一個鐘，呢程 Scooter 都算踩得夠皮過足癮。
落返 Grindelwald 我哋喺 Dorfstrasse 行咗陣街順便睇吓有冇邊間餐廳啱食晚飯，呢晚我哋就喺一間鋪號叫 Hotel Spinne 入面嘅露天茶座開飯。到大約黃昏七點幾，我哋一路咬住塊 Pizza 一路欣賞住穌光下 Grindelwald 嘅無敵風景，呢日嘅行程亦就此完成。
喺 First 基本上有兩種玩法，第一種係坐纜車上到山頂，之後去行吓嗰度一條 Cliff Walk 同去 Lake Bachalpsee 健行睇吓湖景。
而第二隻玩法，就係玩嗰度幾隻包括 Glider、Flyer、Mountain Cart 同 Trottibike Scooter 嘅 activities。我哋今次上 First 就主力玩嗰度嘅 activities，嗰日朝早我哋食完早餐，跟住就拉大隊行去對面街嘅 Grindelwald First 纜車站準備買飛坐 Firstbahn 上山嘞。
喺 First 個網站度係叫上面講嗰四個活動做 activities 嘅，我哋喺 Firstbahn 嘅售票處買飛嗰陣，發覺如果同售票員講我哋想玩幾多隻 games 嘅話原來佢哋係會聽唔明，一定要同佢哋講 activities 佢哋先會聽得明。
今次我哋每個人都買咗三個 activities 嘅套票，票價就每位盛惠 CHF 83 大元。除咗我之外，其他團友都諗住玩 Glider、Flyer 同 Mountain Cart 呢三個活動，而我就諗住玩 Flyer、Mountain Cart 同 Scooter。呢啲套票冇限定玩邊個活動，只係計玩活動嘅次數。我哋揸住套票就可以不限次數乘搭 Firstbahn 纜車去唔同嘅車站玩唔同嘅活動。
First 入面有四個纜車站，由最高嗰個站數起分别係 First、Schreckfeld、Bort 同 Grindelwald，上面個地圖就記錄咗呢幾個纜車站嘅位置。四個車站當中山頂站就係 First，喺呢度落車嘅話就可以去行 Cliff Walk、玩 First BagJump，同玩 First Flyer。由 First 站可以坐纜車慢慢落、又或者坐 First Flyer 飛落去下一站 Schreckfeld。
而 First Glider 同 Mountain Cart 嘅入場櫃位就喺 Schreckfeld 站嘅出面。咁跟返個次序，我哋第一站就先喺 Schreckfeld 落車，先玩咗 First Glider。
呢隻 Glider 嘅玩法查實就係先套一件安全衣上身，方便將個人吊上隻鷹架上面，吊好就開機先向後慢速沿住纜索飛上去 First 度，上咗山頂之後就加速向前衝返落去 Schreckfeld，所以玩呢隻 Glider 嘅話入閘同出閘嘅位置都係喺 Schreckfeld 呢度。
玩咗 Glider 跟住我哋就坐纜車上一個站去 First 行吓。因為玩 Flyer 嘅話就要由 First 站飛返落去 Schreckfeld 站度，咁正路玩 Flyer 之前就應該係喺 First 呢度行吓睇吓條 Cliff Walk，行完 First 山頂站周圍啲景點先去坐 Flyer 嘅；不過呢個唔坐 Flyer 住、先四圍行吓結果就成為我哋呢一日做得最錯誤嘅一個決定。
未講呢段故仔之前先講吓 Cliff Walk 先，呢條 Cliff Walk 步道係喺 2015 年 9 月建成開幕，步道係一條沿住山壁興建嘅行人鐵橋，喺鐵網結構嘅橋面上面可以睇到腳下嘅山崖石壁，步道嘅盡頭係一格專為遊人打卡而設嘅玻璃橋面，喺呢一格玻璃橋面前面遊客可以一邊俯瞰懸崖下嘅景色一邊排隊等打卡。
查實幾日前我哋行過 Charles Kuonen Hängebrücke 之後，呢隻 Cliff Walk 對我哋嚟講已經變成小兒科冇乜難度完全嚇我哋唔到。
行完條 Cliff Walk 之後我哋入咗去 First Flyer 對面一座紀念品店借個洗手間順便行吓啲鋪頭，跟住先去 Flyer 個閘口排隊。
同 Glider 差唔多，Flyer 呢個活動都係玩由 First 飛落去 Schreckfeld，分别係 Glider 呢就四個人一組吊上個鷹架度飛，而 Flyer 就係單人飛索。
我哋開始排隊嗰陣喺龍尾位置起計都要等個幾鐘先有得玩，點知等咗半個鐘左右閘口啲工作人員突然宣佈話因為大風嘅關係 Flyer 要暫停冇得玩住。
原本諗住佢哋只係停一陣個場會好快開返，於是我哋就落去 Schreckfeld 諗住玩咗 Mountain Cart 先喇。
入場之前我哋首先要簽返張生死狀先可以出車；因為全程都係下坡路嘅關係，呢隻 Mountain Cart 查實唔需要任何製動裝置，呢部嘢就只係一部得三個轆一個剎車制嘅三輪車嚟。
我哋就揸住佢，行吓停吓沿途影吓牛牛咁，由 Schreckfeld 站一路碌落去下一個纜車站 Bort 度；呢程車只係碌咗半個鐘左右，查實真係碌得唔多夠喉。
去到 Bort 站見有個小食亭，又差唔多到食晏嘅時間，於是我哋就先喺呢度食個晏晝，諗住食完晏 First 嗰邊嘅 Flyer 都應該開返喇呱。
點知食完個晏我哋上返去 First Flyer 問嗰度啲工作人員有得玩未，結果佢哋答話呢一日 Flyer 會開返嘅機會應該唔大，想飛嘅話就只可以去坐 Glider。呢個故事教訓我哋，如果想去 First 玩 Flyer 嘅話，最好唔好理使唔使坐回頭纜車呢個問題，去到之後有理冇理趁有得玩就要第一時間去排隊玩咗先。
得知冇得玩 Flyer，咁我哋唯有改變計劃，我自己就首先單拖去玩返轉 Glider 先，跟住大伙兒再落去 Bort 站出返部 Trottibike Scooter 準備直踩返去 Grindelwald 嘞。
顧名思義，Trottibike Scooter 查實就係一部個轆大些少嘅 Scooter，一樣係唔需要製動裝置，靠剎車制控制落斜嘅速度。
如果踩單車落斜冇問題嘅話我覺得揸呢隻 Scooter 應該唔難上手嘅，我揸部車頭嗰幾分鐘未習慣嗰陣，感覺比較難掌握嘅主要係未摸到點放雙腳喺塊腳踏度，所以就平衡得唔係幾好，同埋個剎制輕輕揸一揸部車都會急剎，所以點用個剎制去控制部車嘅速度都要少少時間去適應。
不過揸咗五六分鐘落咗一段斜路之後就基本上已經可以適應到，打後一路都揸得好暢順。
呢段車程嘅時間比之前玩 Mountain Cart 嗰段長好多，我哋一路行一見有平坦些少嘅路段就泊架車埋一二邊影吓相，呢段路基本上就係以 Eiger Mountain 為背景。
由 Bort 出發頭嗰段路冇乜汽車行駛基本上差唔多係一段單車徑嚟，落到近 Grindelwald 嘅一段路就會係有巴士汽車行駛嘅馬路，當中亦有一啲分义路要留意路牌唔好行錯，不過只要唔踩得太快小心啲一眼關七嘅話查實後半段嘅馬路亦唔算難踩。
呢條踩 Scooter 路線嘅終點查實就係喺我哋朝早去買飛嗰個 Grindelwald First 車站，原來喺呢個車站後面有個車庫，我哋去到就咁交返部車俾啲職員就可以。我哋由 Bort 出車行吓停吓影吓相咁，全程大約踩咗一個鐘，呢程 Scooter 都算踩得夠皮過足癮。
落返 Grindelwald 我哋喺 Dorfstrasse 行咗陣街順便睇吓有冇邊間餐廳啱食晚飯，呢晚我哋就喺一間鋪號叫 Hotel Spinne 入面嘅露天茶座開飯。到大約黃昏七點幾，我哋一路咬住塊 Pizza 一路欣賞住穌光下 Grindelwald 嘅無敵風景，呢日嘅行程亦就此完成。
留言
發佈留言