行程摘要 :
Zermatt => Visp => Spez => Interlaken Ost => Grindelwald (Train, Free with Swiss Pass)
Stay in Grindelwald, Apartment Almisgässli for 4 nights
到行程嘅第八日，呢日朝早我哋先要坐一程火車轉一轉場去今次行程嘅下一個據點 Grindelwald。
呢程火車嘅轉車站比較多，我哋由 Zermatt 上火車，先要去到 Visp 轉一次車，跟住到 Spiez 再轉車一次，去到 Interlaken Ost 再轉車一次先到達 Grindelwald，不過每程轉車都只係由一個月台行去另一個月台，加上瑞士火車啲轉車班次夾得好應，每次轉車嘅班次相隔都係十分鐘左近，所以就算轉咁多次車都唔覺得浪費好多時間。
我哋晏晝一點左右到達 Grindelwald 站，到步之後先去 Coop 補充吓啲糧草，跟住再去揾我哋呢一站將會入住嗰間民宿嘅位置，諗住放低行李再輕裝上路出去躝街。
喺 Grindelwald 市區嘅車站、民宿、餐廳等等嘅旅遊設施，基本上都喺一條叫 Dorfstrasse 嘅大街兩邊。
我哋喺 Grindelwald 呢一站住嘅民宿好似係集團式運作有些少規模，佢哋喺 Dorfstrasse 有個辦事處，我哋要先喺辦事處攞鎖匙入屋。
我哋去到辦事處嗰陣先發覺呢日星期日間辦事處冇開門，好彩我哋都好醒目兩嘢就發現辦事處側邊有個信箱，一打開信箱就見到入面七八封裝住鎖匙嘅信封任攞唔嬲。查實嚟 Grindelwald 之前我對呢一站嘅住宿都有些少期望㗎，因為出發前刨人哋啲遊記，大部份都表示去少女峰玩嘅話一定要住喺 Grindelwald。
如果住嘅地方係喺 Dorfstrasse 附近嘅話，基本上喺屋外都可以睇到 Mountain Eiger 同呢座山周圍嘅幾座名山，包括遠些少嘅少女峰，喺住宿嘅地方一行出露台就可以見到呢隻可以用震撼嚟形容嘅無敵景觀，我估呢個應該係大部份人都推荐住 Grindelwald 嘅原因。
我哋住嘅呢間民宿鋪號叫 Apartment Almisgässli，經 Booking.com 預訂，四晚租金盛惠 HKD 8,653。
呢間民宿只係得個細細嘅灶頭同隔籬一個鋅盤，雖然煮飯嚟講都叫做夠用，但係同之前喺 Zermatt 用嗰個廚房就差好遠。
間屋有三間房，其中兩間放咗張雙人床，一間就放咗張單人床。
浴廁就只得一間，屋主供應咗每人一套毛巾，啲毛巾同床鋪算乾淨可以放心使用。
呢間屋算係係乾乾淨淨設備齊全，不過屋入面啲設施同我哋之前一日喺 Zermatt 嘅住宿就真係完全冇得比。雖然呢間屋行出露台可以睇到 Mountain Eiger 嘅無敵景觀，不過我哋喺 Zermatt 住嗰間都睇到 Matterhorn，比較之下我會覺得今次行程最好住嘅地方應該係喺 Zermatt。
Zermatt => Visp => Spez => Interlaken Ost => Grindelwald (Train, Free with Swiss Pass)
Stay in Grindelwald, Apartment Almisgässli for 4 nights
到行程嘅第八日，呢日朝早我哋先要坐一程火車轉一轉場去今次行程嘅下一個據點 Grindelwald。
呢程火車嘅轉車站比較多，我哋由 Zermatt 上火車，先要去到 Visp 轉一次車，跟住到 Spiez 再轉車一次，去到 Interlaken Ost 再轉車一次先到達 Grindelwald，不過每程轉車都只係由一個月台行去另一個月台，加上瑞士火車啲轉車班次夾得好應，每次轉車嘅班次相隔都係十分鐘左近，所以就算轉咁多次車都唔覺得浪費好多時間。
我哋晏晝一點左右到達 Grindelwald 站，到步之後先去 Coop 補充吓啲糧草，跟住再去揾我哋呢一站將會入住嗰間民宿嘅位置，諗住放低行李再輕裝上路出去躝街。
喺 Grindelwald 市區嘅車站、民宿、餐廳等等嘅旅遊設施，基本上都喺一條叫 Dorfstrasse 嘅大街兩邊。
我哋喺 Grindelwald 呢一站住嘅民宿好似係集團式運作有些少規模，佢哋喺 Dorfstrasse 有個辦事處，我哋要先喺辦事處攞鎖匙入屋。
我哋去到辦事處嗰陣先發覺呢日星期日間辦事處冇開門，好彩我哋都好醒目兩嘢就發現辦事處側邊有個信箱，一打開信箱就見到入面七八封裝住鎖匙嘅信封任攞唔嬲。查實嚟 Grindelwald 之前我對呢一站嘅住宿都有些少期望㗎，因為出發前刨人哋啲遊記，大部份都表示去少女峰玩嘅話一定要住喺 Grindelwald。
如果住嘅地方係喺 Dorfstrasse 附近嘅話，基本上喺屋外都可以睇到 Mountain Eiger 同呢座山周圍嘅幾座名山，包括遠些少嘅少女峰，喺住宿嘅地方一行出露台就可以見到呢隻可以用震撼嚟形容嘅無敵景觀，我估呢個應該係大部份人都推荐住 Grindelwald 嘅原因。
我哋住嘅呢間民宿鋪號叫 Apartment Almisgässli，經 Booking.com 預訂，四晚租金盛惠 HKD 8,653。
呢間民宿只係得個細細嘅灶頭同隔籬一個鋅盤，雖然煮飯嚟講都叫做夠用，但係同之前喺 Zermatt 用嗰個廚房就差好遠。
間屋有三間房，其中兩間放咗張雙人床，一間就放咗張單人床。
浴廁就只得一間，屋主供應咗每人一套毛巾，啲毛巾同床鋪算乾淨可以放心使用。
呢間屋算係係乾乾淨淨設備齊全，不過屋入面啲設施同我哋之前一日喺 Zermatt 嘅住宿就真係完全冇得比。雖然呢間屋行出露台可以睇到 Mountain Eiger 嘅無敵景觀，不過我哋喺 Zermatt 住嗰間都睇到 Matterhorn，比較之下我會覺得今次行程最好住嘅地方應該係喺 Zermatt。
留言
發佈留言