六七月係北歐好多薰衣草田收成嘅季節，亦係參觀呢啲紫色田地最佳嘅時機。喺倫敦週邊有好幾個薰衣草田都會喺呢段時間開放俾遊客付費參觀嘅，而今次旅程我哋就去咗呢個位於倫敦市東南面嘅 Castle Farm Kent 行一行。
呢個薰衣草田我估除咗揸車之外似乎冇乜其他方便嘅方法去得到。喺薰衣草田出面有個公共嘅收費停車場，不過如果係入去農場參觀嘅話係可以揸車入去農場入面，喺紫色薰衣草田地前面有個停車場，俾咗入場費嘅話就可以喺度免費任泊。
Castle Farm Kent 係號稱英國最大嘅薰衣草田，田地面積有 130 英畝，入場費就盛惠成人每位 £4.6。
雖然已經算係英國最大嘅薰衣草園，不過呢度嘅面積查實都只係得三個維園嘅面積有找，實在唔算好大。
我哋買嘅係最基本就咁入去行吓影吓相嘅 Lavender Field Walks Ticket。
原來呢隻門票只係可以行場內一個細啲，得兩英畝嘅薰衣草田。可能塊田比較多人踩，感覺田入面啲薰衣草都有些少殘殘地。
佢哋另外有隻貴啲嘅 Lavender Picnics Ticket，係可以進入另一邊一塊十英畝、比較大嘅花田。
農場入面有間精品店有賣一啲薰衣草油之類嘅貨品，我哋行完花田就入去買吓手信順便整杯薰衣草味雪糕先至離場去下一站嘅住宿處。
呢個薰衣草田我估除咗揸車之外似乎冇乜其他方便嘅方法去得到。喺薰衣草田出面有個公共嘅收費停車場，不過如果係入去農場參觀嘅話係可以揸車入去農場入面，喺紫色薰衣草田地前面有個停車場，俾咗入場費嘅話就可以喺度免費任泊。
Castle Farm Kent 係號稱英國最大嘅薰衣草田，田地面積有 130 英畝，入場費就盛惠成人每位 £4.6。
雖然已經算係英國最大嘅薰衣草園，不過呢度嘅面積查實都只係得三個維園嘅面積有找，實在唔算好大。
我哋買嘅係最基本就咁入去行吓影吓相嘅 Lavender Field Walks Ticket。
原來呢隻門票只係可以行場內一個細啲，得兩英畝嘅薰衣草田。可能塊田比較多人踩，感覺田入面啲薰衣草都有些少殘殘地。
佢哋另外有隻貴啲嘅 Lavender Picnics Ticket，係可以進入另一邊一塊十英畝、比較大嘅花田。
農場入面有間精品店有賣一啲薰衣草油之類嘅貨品，我哋行完花田就入去買吓手信順便整杯薰衣草味雪糕先至離場去下一站嘅住宿處。
留言
發佈留言