倫敦駕車入城費 - Congestion Charge 交通擁擠稅 . ULEZ Ultra Low Emission Zone Charge . LEZ Low Emission Zone Charge
呢日朝早我哋先要返倫敦攞返本護照，由 Bournemouth 揸車返倫敦都要成三四個鐘車程，所以呢個朝早要倒塔咁早起身開車。
不過好似我哋咁想喺倫敦市中心區外租車揸入倫敦市中心有個麻煩嘅地方，就係喺倫敦揸車有幾樣同環保相關嘅收費，分别係 Congestion Charge (交通擁擠稅) 、ULEZ (Ultra Low Emission Zone Charge) 同 LEZ (Low Emission Zone Charge)。
上面個截圖就係依家 Congestion Charge Zone 嘅範圍。
而上面個圖就顯示到 2023 年 8 月為止 Congestion Charge Zone 同 ULEZ/ LEZ 嘅範圍；可能隨時間過去越來越多舊車被淘汰，從過往幾年到依家，ULEZ 嘅範圍係變得越嚟越大，現時 ULEZ 同 LEZ 嘅範圍已經冇分别，呢兩個 Zone 依家嘅分别主要係針對唔同嘅車輛做唔同嘅收費。
呢幾種收費簡單講就係越近倫敦市中心揸車，當地市政府就要求部車越環保，否則就要額外收費。喺 Congestion Charge Zone 可以豁免收費嘅車輛通常係啲電動車或者油電混能嘅車輛，而非豁免車輛喺星期一至五每日朝早 7:00 am 到晏晝 18:00 pm，星期六日及銀行假日由 12:00 pm 到 18:00 pm 之間喺 Congestion Charge Zone 內行駛就要每日付費，每年由聖誕節到新年期間嘅銀行假日豁免收費；依家基本每日嘅收費係 £15，如果過期冇俾錢就會收到 PCN (Penalty Charge Notice)，呢啲罰款由 £80 到 £240 不等，主要睇返遲咗幾多日交罰款。
同樣道理，喺 ULEZ 同 LEZ 揸嘅車就要分別達到特定環保嘅要求，否則就要每日科水俾買路錢。喺英國嘅大型租車公司例如 Sixt、Enterprise 等等租到嘅車一般都已經附合 ULEZ 嘅標準。
只係附合到 LEZ 標準嘅車通常都係啲比較重型嘅車輛，好似啲 3.5 噸以上又未達到 Euro 4 (NOx and PM) 標準嘅卡車、小巴巴士之類嘅車輛。ULEZ 同 LEZ 呢兩個區域全天候 24 小時都係收費時段 (ULEZ 喺聖誕日可以豁免)，ULEZ 每日收費係 £12.5，而 LEZ 每日收費就要睇返車款，由 £100 至 £300 不等。
入咗收費區而要交 Zone Charge 嘅話可以上呢個網站經網上付費，一般租車公司係唔會按時喺罰款期限前代客人支付呢啲費用嘅，萬一客人冇自己路費自己交嘅話，等到租車公司處理筆收費嗰陣相信多數已經過晒所有罰款期要交嗰百幾二百鎊罰款，同租車公司應該亦會再加收手續費。
因為好多喺倫敦近郊嘅景點都喺 ULEZ 入面，雖然喺英國大部份有規模嘅租車公司出租嘅車輛應該都已經附合 ULEZ 標準，不過決定用邊間租車公司同揀車出車之前最好都先對一對啲車款合唔合規。
查實除咗倫敦之外，其他英國嘅大城市例如 Bath、Bristol 都有類似嘅 CAZ (Clean Air Zone) 收費區域，揸車入呢啲市鎮之前最好都小心規劃一吓。
至於點知自己開嗰部車係唔係附合呢啲環保標準呢？倫敦嘅 Congestion Charge/ ULEZ/ LEZ 可以用呢個 Online Checker，輸入部車嘅車牌號碼就可以知到部車附合邊個標準。至於其他嘅 CAZ，可以上呢個網站用同樣方法查閱。
上面啲資料有好多係我返到香港查返先知道嘅，查實計劃行程嗰陣都冇預過要揸車返倫敦，所以出發前根本冇準備過呢啲資料。嗰陣知道要返倫敦攞返本護照，臨急臨忙都冇辦法將呢啲資料完全查清楚，當時只係查到自己部車係附合 ULEZ 嘅標準，同揾到 Congestion Charge Zone 嘅範圍，但如果揸車入咗 Congestion Charge Zone 可以點俾錢、係唔係租車公司俾咗再扣返我哋信用卡，點收手續費等等我哋都係唔清唔楚嘅。
加上喺倫敦市中心泊車一定比喺市中心區外貴一截，另外重要俾多嗰十幾鎊買路錢，而且朝早繁忙時間揸車入到市中心亦可以預期塞車會塞到飛起。考慮過呢幾個因素之後我哋都係決定穩陣啲喺 Congestion Charge Zone 外面泊低架車再坐 Underground 入倫敦市中心。
查實如果嗰陣我哋係選擇揸車入倫敦市中心，應該極大機會會喺唔知頭唔知路嘅狀況下就咁當租車公司會幫我哋俾路費，由得佢之後經信用卡扣返我哋錢，而事實一般租車公司係唔會按時喺罰款期限前代客人支付呢啲費用嘅。
Congestion Charge 要喺揸車入區內當晚零時零分之前邀交，如果過期但喺第三晚前邀交嘅話收費就由 £15 增加到 £17.5，再遲交但喺 14 日內邀交就加到 £80，再遲啲喺 28 日內交就再加到 £160，28 日後先俾錢嘅話就盛惠 £240。
如果嗰陣我哋真係揸車入市中心再等租車公司幫我哋處理，租車公司當晚可以幫我哋俾咗錢先呢件事應該唔可能發生，到佢哋收到罰單再處理嗰陣罰款條數應該已經係講梗百幾二百鎊，另外租車公司再加收嘅手續費亦應該會好貴。
至於 Congestion Charge Zone 區外泊車嘅位置，嗰陣我哋揾到兩個選擇，首先喺貼住 Congestion Charge Zone 有好幾個停車場 (例如 QPark、National Car Parks)，不過呢啲停車場嘅鐘錢都唔平，每個鐘收費係講梗 £10 左右，而最重要係我哋人生路不熟，喺啲咁貼近 Charging Zone 嘅地方揾佢哋嘅位置一個唔小心揸咗入禁區就麻鬼煩，所以呢個選項唔多啱我哋。
所以我哋決定呢次返倫敦嘅路線係先出車去一處叫 West Ealing 嘅地方泊低架車，再由 West Ealing 坐 Tube 去 Regent's Park Station。
九點左右去到預先揾到嘅停車場位置，呢個係一個由當地 Council 營運嘅停車場，呢度泊車收費比喺倫敦市中心相宜好多，每個鐘收費 £1.6，日泊都係 £7。
呢個收費泊三四個鐘同日泊都唔係差好遠，穩陣計我哋就豪 £7 俾佢日泊。停車場部收費機原本可以經 App 收信用卡俾錢嘅，我之前嗰晚都上網裝定個 App，不過試完個 App 結果係過信用卡嗰步要做 SMS 驗証，而我部電話又冇入到香港張 SIM 收唔到香港嘅 SMS，最後我哋都係要喺附近揾間便利店買啲嘢唱銀仔入錢。
泊好部車跟住就比較簡單，我哋先喺 West Ealing 站搭 Underground 去到 Regent's Park 站落車，10 點零鐘就返到 Portland Place 嘅中國領事館，都唔使點排隊好快就攞返本臨時護照。跟住我哋就原路返去 West Ealing，大約中午攞返部車；呢日重有成個下晝可以消費，我哋就諗住出車去行吓 Stonehenge 巨石陣。
不過好似我哋咁想喺倫敦市中心區外租車揸入倫敦市中心有個麻煩嘅地方，就係喺倫敦揸車有幾樣同環保相關嘅收費，分别係 Congestion Charge (交通擁擠稅) 、ULEZ (Ultra Low Emission Zone Charge) 同 LEZ (Low Emission Zone Charge)。
上面個截圖就係依家 Congestion Charge Zone 嘅範圍。
而上面個圖就顯示到 2023 年 8 月為止 Congestion Charge Zone 同 ULEZ/ LEZ 嘅範圍；可能隨時間過去越來越多舊車被淘汰，從過往幾年到依家，ULEZ 嘅範圍係變得越嚟越大，現時 ULEZ 同 LEZ 嘅範圍已經冇分别，呢兩個 Zone 依家嘅分别主要係針對唔同嘅車輛做唔同嘅收費。
呢幾種收費簡單講就係越近倫敦市中心揸車，當地市政府就要求部車越環保，否則就要額外收費。喺 Congestion Charge Zone 可以豁免收費嘅車輛通常係啲電動車或者油電混能嘅車輛，而非豁免車輛喺星期一至五每日朝早 7:00 am 到晏晝 18:00 pm，星期六日及銀行假日由 12:00 pm 到 18:00 pm 之間喺 Congestion Charge Zone 內行駛就要每日付費，每年由聖誕節到新年期間嘅銀行假日豁免收費；依家基本每日嘅收費係 £15，如果過期冇俾錢就會收到 PCN (Penalty Charge Notice)，呢啲罰款由 £80 到 £240 不等，主要睇返遲咗幾多日交罰款。
同樣道理，喺 ULEZ 同 LEZ 揸嘅車就要分別達到特定環保嘅要求，否則就要每日科水俾買路錢。喺英國嘅大型租車公司例如 Sixt、Enterprise 等等租到嘅車一般都已經附合 ULEZ 嘅標準。
只係附合到 LEZ 標準嘅車通常都係啲比較重型嘅車輛，好似啲 3.5 噸以上又未達到 Euro 4 (NOx and PM) 標準嘅卡車、小巴巴士之類嘅車輛。ULEZ 同 LEZ 呢兩個區域全天候 24 小時都係收費時段 (ULEZ 喺聖誕日可以豁免)，ULEZ 每日收費係 £12.5，而 LEZ 每日收費就要睇返車款，由 £100 至 £300 不等。
入咗收費區而要交 Zone Charge 嘅話可以上呢個網站經網上付費，一般租車公司係唔會按時喺罰款期限前代客人支付呢啲費用嘅，萬一客人冇自己路費自己交嘅話，等到租車公司處理筆收費嗰陣相信多數已經過晒所有罰款期要交嗰百幾二百鎊罰款，同租車公司應該亦會再加收手續費。
因為好多喺倫敦近郊嘅景點都喺 ULEZ 入面，雖然喺英國大部份有規模嘅租車公司出租嘅車輛應該都已經附合 ULEZ 標準，不過決定用邊間租車公司同揀車出車之前最好都先對一對啲車款合唔合規。
查實除咗倫敦之外，其他英國嘅大城市例如 Bath、Bristol 都有類似嘅 CAZ (Clean Air Zone) 收費區域，揸車入呢啲市鎮之前最好都小心規劃一吓。
至於點知自己開嗰部車係唔係附合呢啲環保標準呢？倫敦嘅 Congestion Charge/ ULEZ/ LEZ 可以用呢個 Online Checker，輸入部車嘅車牌號碼就可以知到部車附合邊個標準。至於其他嘅 CAZ，可以上呢個網站用同樣方法查閱。
上面啲資料有好多係我返到香港查返先知道嘅，查實計劃行程嗰陣都冇預過要揸車返倫敦，所以出發前根本冇準備過呢啲資料。嗰陣知道要返倫敦攞返本護照，臨急臨忙都冇辦法將呢啲資料完全查清楚，當時只係查到自己部車係附合 ULEZ 嘅標準，同揾到 Congestion Charge Zone 嘅範圍，但如果揸車入咗 Congestion Charge Zone 可以點俾錢、係唔係租車公司俾咗再扣返我哋信用卡，點收手續費等等我哋都係唔清唔楚嘅。
加上喺倫敦市中心泊車一定比喺市中心區外貴一截，另外重要俾多嗰十幾鎊買路錢，而且朝早繁忙時間揸車入到市中心亦可以預期塞車會塞到飛起。考慮過呢幾個因素之後我哋都係決定穩陣啲喺 Congestion Charge Zone 外面泊低架車再坐 Underground 入倫敦市中心。
查實如果嗰陣我哋係選擇揸車入倫敦市中心，應該極大機會會喺唔知頭唔知路嘅狀況下就咁當租車公司會幫我哋俾路費，由得佢之後經信用卡扣返我哋錢，而事實一般租車公司係唔會按時喺罰款期限前代客人支付呢啲費用嘅。
Congestion Charge 要喺揸車入區內當晚零時零分之前邀交，如果過期但喺第三晚前邀交嘅話收費就由 £15 增加到 £17.5，再遲交但喺 14 日內邀交就加到 £80，再遲啲喺 28 日內交就再加到 £160，28 日後先俾錢嘅話就盛惠 £240。
如果嗰陣我哋真係揸車入市中心再等租車公司幫我哋處理，租車公司當晚可以幫我哋俾咗錢先呢件事應該唔可能發生，到佢哋收到罰單再處理嗰陣罰款條數應該已經係講梗百幾二百鎊，另外租車公司再加收嘅手續費亦應該會好貴。
至於 Congestion Charge Zone 區外泊車嘅位置，嗰陣我哋揾到兩個選擇，首先喺貼住 Congestion Charge Zone 有好幾個停車場 (例如 QPark、National Car Parks)，不過呢啲停車場嘅鐘錢都唔平，每個鐘收費係講梗 £10 左右，而最重要係我哋人生路不熟，喺啲咁貼近 Charging Zone 嘅地方揾佢哋嘅位置一個唔小心揸咗入禁區就麻鬼煩，所以呢個選項唔多啱我哋。
所以我哋決定呢次返倫敦嘅路線係先出車去一處叫 West Ealing 嘅地方泊低架車，再由 West Ealing 坐 Tube 去 Regent's Park Station。
九點左右去到預先揾到嘅停車場位置，呢個係一個由當地 Council 營運嘅停車場，呢度泊車收費比喺倫敦市中心相宜好多，每個鐘收費 £1.6，日泊都係 £7。
呢個收費泊三四個鐘同日泊都唔係差好遠，穩陣計我哋就豪 £7 俾佢日泊。停車場部收費機原本可以經 App 收信用卡俾錢嘅，我之前嗰晚都上網裝定個 App，不過試完個 App 結果係過信用卡嗰步要做 SMS 驗証，而我部電話又冇入到香港張 SIM 收唔到香港嘅 SMS，最後我哋都係要喺附近揾間便利店買啲嘢唱銀仔入錢。
泊好部車跟住就比較簡單，我哋先喺 West Ealing 站搭 Underground 去到 Regent's Park 站落車，10 點零鐘就返到 Portland Place 嘅中國領事館，都唔使點排隊好快就攞返本臨時護照。跟住我哋就原路返去 West Ealing，大約中午攞返部車；呢日重有成個下晝可以消費，我哋就諗住出車去行吓 Stonehenge 巨石陣。
留言
發佈留言