英國約克郡 - Whitby Abbey Ruin

喺 Whitby 有座名為 Whitby Abbey Ruin 嘅遺跡，正路參觀呢個遺跡係要每位成人科水俾 £10 入場嘅，不過我哋嚟到已經五點幾過晒參觀入場嘅時間，所以只可以喺周邊行吓。



今次行程唔知點解行吓影吓影咗好多墳場嘅相，不過百無禁忌，而且呢個墳場個 look 實在係幾有 feel，一望就諗起韓劇鬼怪入面喺加拿大魁北克拍攝嗰個墓園。


喺 Whitby Abbey 四周蕩咗一陣，跟住就出車落返去 Whitby 市鎮海旁，諗住揾地方食埋個晚飯先返歸。


落返去市鎮嗰陣時間尚早，我哋繼續喺海邊影吓相打多陣卡。



之前擸咗啲長鏡架生諗住喺 Flamborough Head 打吓雀嘅，不過啲雀嘅距離實在係遠得滯。



去到 Whitby 嗰陣見啲架生又喺身邊，於是趁未開飯就喺海旁打多陣雀。






呢晚我哋去食飯間嘢舖號叫 Trenchers，出名食 Fish and Chip 嘅，係真係喺 2019 年攞過一個叫 National Fish and Chip Awards 嗰隻咁出名。



食完飯就出車返歸，咁呢敞英國移民家訪喺呢度咁就告一段落。