英國 Yorkshire - Flamborough Head 尋找 Puffin 之旅

第二日朝早同朋友再出車，目的地係 Yorkshire 東岸一個叫 Flamborough Head 嘅地方，嗰度係英國夏天其中一個有 Puffin 出沒嘅地方，諗住大伙兒去郊遊吓碰碰運氣睇吓睇唔睇到呢隻比較特别嘅雀鳥。



夏天到七月左右喺北歐好多郊野地方都有機會見到野花花田，前幾年去瑞士又係七月頭左近，喺 5-Seenweg 都見過啲幾靚嘅花田。



今次嚟到 Flamborough Head 又碰到一大片黃花花田。



原本諗住嚟呢度嘅人主要係睇雀，嚟到先知原來呢度有個沙灘，都有幾多人嚟呢度係游水日光浴同玩水上活動。



呢度有好幾個可以觀鳥嘅岩壁，由停車場行過去頭幾個岩壁都唔多覺有 Puffin 嘅蹤影。



要行到好入吓先喺其中兩個岩壁揾到佢哋。


不過呢度啲 Puffin 數量好少，佢哋活動嘅位置都係喺啲好遠嘅岩壁上面，我已經帶咗支 400 mm 嘅長鏡過去，結果都只係影到隻雀細細粒咁冇乜睇頭。


大約晏晝兩三點我哋就離開 Flamborough Head 出車向下一站 Whitby 進發。