同行朋友喺 Abingdon Street 行行吓發覺俾人扒咗個荷苞，當時喺條街度剛啱有個警崗，咁我哋第一個反應就係先過去問吓咁情況可以點做啦，嗰位警察叔叔就俾咗兩個選項俾我哋，一係就咁上網報案，一係就去附近 Charing Cross 一個警署報案，當時我哋就選擇走一程去警署度報案嘅。
首先今次嘅經驗教訓我哋，喺英國俾人打荷苞係完全、一定、絶對冇需要去警署報案嘅。我哋去到警署，有位當值嘅師奶刑警出嚟招呼 (準確啲應該係敷衍) 我哋，佢除咗講一大堆點解要放貴重物品喺背囊、背囊唔好孭喺背後、點解証件唔放喺酒店夾萬等等冇意義嘅馬後炮之外基本上係冇嘢幫到我哋嘅，結果我哋都係喺警署入面上網報案；而報案嚟講，就係去呢個網站，填咗張 online form 留個記錄方便日後 claim 保險用就可以。
報咗案，跟住一個最主要要解決嘅問題就係點攞返本護照返香港嘞。當時我上網揾料嗰陣見有人係經香港嘅親友打電話去入境處電話 1868 求助嘅。不過依家入境處嗰邊都進步咗，除咗打電話返香港求助之外，1868 亦有 WhatsApp 功能可以 WhatsApp 留言求助，詳情可以參考呢個網址。
我朋友留咗口訊去 1868 WhatsApp，時差嘅原因，零晨兩點幾鐘我朋友就收到入境處 WhatsApp 回覆，成件事大至上係要我朋友白紙黑字 (係真係要求用白色嘅紙同黑色嘅筆) 寫一份授權書俾佢哋，方便我哋之後去中國領事館辦理補領護照手續。
又算幾好彩我本身出門都有個習慣會將啲機票同住宿預訂嘅單據印定一份紙本旁身，又剛啱當中有幾份紙本我唔記得做雙面列印，於是乎就有幾張空白頁面可以攞嚟用，而又剛啱 我今次行程又帶咗支黑色原子筆旁身，咁就揍齊白紙同黑字去寫嗰篇授權書嘞。
封授權書嘅內容大至上係說明自己 …
Whatsapp 咗封授權書俾對方之後就可以瞓覺，準備第二朝盡早到中國領事館辦理補領護照手續。
除非本身諗住可以留喺倫敦幾日，唔係嘅話去中國領事館辦証要盡量早起身九點前去到，因為嗰度每日嘅辦公時間係由朝早九點到中午十二點，就係得嗰三個鐘嘅時間。 好似當時我哋咁計劃第二朝就要離開倫敦去下一站嘅行程，如果喺嗰三個小時內搞唔掂要留多一日喺倫敦嘅話，到時又要臨時揾住宿又要重新安排之後嘅交通就會好麻煩。
倫敦嘅中國領事館位於 Portland Place，坐 Underground 嘅話可以喺 Regent's Park 站落車，再步行幾分鐘就可以到達。
上面個地圖就記錄咗領事館嘅位置同一啲一陣會講到嘅相關地點。
倫敦嘅中國領事館喺 Portland Place 有兩個館址，由 Regent's Park Station 沿住條街行過去到達嘅第一座館址並唔係做証件嘅辦事處，要再行過一條街嘅下一個館址 (Consular Section Embassy of The People’s Republic of China) 先係辦理証件嘅辦事處。
到達後大約嘅手續係講返俾啲工作人員知唔見咗本護照要補領，跟住就係填返份表格俾佢哋，交返份表格之後啲工作人員就俾咗兩個任務俾我哋。
我哋去辦理護照嗰日係星期五，原本我哋嘅行程係第二朝坐火車離開倫敦去下一站 Harrogate 嘅。領事館嗰位姐姐俾我哋嘅任務係要影幾張證件相同去郵局做張匯票用嚟交換證嘅費用，而佢哋領使館部証件相機又剛啱壞咗，當時已經係上午十點幾，佢哋十二點就收工，我哋要喺個零鐘頭內揾地方影相同做匯票，再返嚟交俾佢哋再完成之後嘅手續，如果做唔切就要下個星期一返去再搞過，當時真係俾佢哋呢兩個任務嚇咗一嚇。
收到任務都冇辦法唯有盡做，上 Google Map 查吓好彩原來有間郵局就喺附近，由領使館行過去都係十分鐘路程，影相嘅地方嗰陣都未揾到著落，咁我哋就行過去試吓先搞掂張匯票。
間郵局嘅位置已經標記咗喺上面個地圖度，好彩去到間郵局發覺原來嗰度有部証件相機，見到咁先鬆返口氣。後來我上網查返好似英國一般郵局都設有自助証件相機嘅服務，之後喺倫敦搭 Underground 嗰陣亦注意到原來都好多 Underground 車站嘅出入口都有呢啲自助證件相機。
今次張匯票就盛惠 £15.7，另外影相費用 £9，我哋快手快腳搞掂晒就返領事館完成埋個手續，最後約到之後個星期二返倫敦攞臨時護照。
首先今次嘅經驗教訓我哋，喺英國俾人打荷苞係完全、一定、絶對冇需要去警署報案嘅。我哋去到警署，有位當值嘅師奶刑警出嚟招呼 (準確啲應該係敷衍) 我哋，佢除咗講一大堆點解要放貴重物品喺背囊、背囊唔好孭喺背後、點解証件唔放喺酒店夾萬等等冇意義嘅馬後炮之外基本上係冇嘢幫到我哋嘅，結果我哋都係喺警署入面上網報案；而報案嚟講，就係去呢個網站，填咗張 online form 留個記錄方便日後 claim 保險用就可以。
報咗案，跟住一個最主要要解決嘅問題就係點攞返本護照返香港嘞。當時我上網揾料嗰陣見有人係經香港嘅親友打電話去入境處電話 1868 求助嘅。不過依家入境處嗰邊都進步咗，除咗打電話返香港求助之外，1868 亦有 WhatsApp 功能可以 WhatsApp 留言求助，詳情可以參考呢個網址。
我朋友留咗口訊去 1868 WhatsApp，時差嘅原因，零晨兩點幾鐘我朋友就收到入境處 WhatsApp 回覆，成件事大至上係要我朋友白紙黑字 (係真係要求用白色嘅紙同黑色嘅筆) 寫一份授權書俾佢哋，方便我哋之後去中國領事館辦理補領護照手續。
又算幾好彩我本身出門都有個習慣會將啲機票同住宿預訂嘅單據印定一份紙本旁身，又剛啱當中有幾份紙本我唔記得做雙面列印，於是乎就有幾張空白頁面可以攞嚟用，而又剛啱 我今次行程又帶咗支黑色原子筆旁身，咁就揍齊白紙同黑字去寫嗰篇授權書嘞。
封授權書嘅內容大至上係說明自己 …
- 身在英國
- 遺失特區護照
- 中文姓名
- 英文姓名、身份證號碼、性別、出生日期
- 手提電話號碼
- 授權香港入境處查閱同轉交相關資料俾中國領使館，以便辦理緊急旅行證件申請。
Whatsapp 咗封授權書俾對方之後就可以瞓覺，準備第二朝盡早到中國領事館辦理補領護照手續。
除非本身諗住可以留喺倫敦幾日，唔係嘅話去中國領事館辦証要盡量早起身九點前去到，因為嗰度每日嘅辦公時間係由朝早九點到中午十二點，就係得嗰三個鐘嘅時間。 好似當時我哋咁計劃第二朝就要離開倫敦去下一站嘅行程，如果喺嗰三個小時內搞唔掂要留多一日喺倫敦嘅話，到時又要臨時揾住宿又要重新安排之後嘅交通就會好麻煩。
倫敦嘅中國領事館位於 Portland Place，坐 Underground 嘅話可以喺 Regent's Park 站落車，再步行幾分鐘就可以到達。
上面個地圖就記錄咗領事館嘅位置同一啲一陣會講到嘅相關地點。
倫敦嘅中國領事館喺 Portland Place 有兩個館址，由 Regent's Park Station 沿住條街行過去到達嘅第一座館址並唔係做証件嘅辦事處，要再行過一條街嘅下一個館址 (Consular Section Embassy of The People’s Republic of China) 先係辦理証件嘅辦事處。
到達後大約嘅手續係講返俾啲工作人員知唔見咗本護照要補領，跟住就係填返份表格俾佢哋，交返份表格之後啲工作人員就俾咗兩個任務俾我哋。
我哋去辦理護照嗰日係星期五，原本我哋嘅行程係第二朝坐火車離開倫敦去下一站 Harrogate 嘅。領事館嗰位姐姐俾我哋嘅任務係要影幾張證件相同去郵局做張匯票用嚟交換證嘅費用，而佢哋領使館部証件相機又剛啱壞咗，當時已經係上午十點幾，佢哋十二點就收工，我哋要喺個零鐘頭內揾地方影相同做匯票，再返嚟交俾佢哋再完成之後嘅手續，如果做唔切就要下個星期一返去再搞過，當時真係俾佢哋呢兩個任務嚇咗一嚇。
收到任務都冇辦法唯有盡做，上 Google Map 查吓好彩原來有間郵局就喺附近，由領使館行過去都係十分鐘路程，影相嘅地方嗰陣都未揾到著落，咁我哋就行過去試吓先搞掂張匯票。
間郵局嘅位置已經標記咗喺上面個地圖度，好彩去到間郵局發覺原來嗰度有部証件相機，見到咁先鬆返口氣。後來我上網查返好似英國一般郵局都設有自助証件相機嘅服務，之後喺倫敦搭 Underground 嗰陣亦注意到原來都好多 Underground 車站嘅出入口都有呢啲自助證件相機。
今次張匯票就盛惠 £15.7，另外影相費用 £9，我哋快手快腳搞掂晒就返領事館完成埋個手續，最後約到之後個星期二返倫敦攞臨時護照。
留言
發佈留言