搞掂本護照終於可以放心繼續行程，我哋搞護照嗰個位置剛啱就近 Oxford Street，於是就先去嗰度巡吓舖。去旅行我個人係幾想行吓當地啲有特色嘅市集，所以揾料嗰陣都會專登留意吓有冇啲市集係可以喺行程當中順道去行吓嘅。
出發前我喺倫敦揾到三個叫做 Market 嘅地方，其中一個就係呢度 Market Hall。
睇資料嗰陣話呢個 Market 專做飲食，我重以為係露天熟食市集嗰類嘢嚟。
嚟到先知原來係間樓上舖嘅 Food Court，上到去見到個場靜英英人影都唔多隻。
啲菜單價錢亦唔平，見冇乜嘢睇就落樓繼續行街。
我哋沿住 Oxford Street 向東一直行，查實巡嘅好多都係喺香港啲商場度熟口熟面嘅舖頭。
可能英國啲 VAT 銷售税都幾重吓，條街啲商品嘅價錢同香港比實在冇乜吸引力。
喺 Oxford Street 巡完一輪舖，行行吓撞咗入去呢條叫 Carnaby Street 嘅購物街，查實之前係完全冇計劃過嚟呢度行嘅。
Carnaby Street 係倫敦市中心 Soho 蘇豪區嘅一條購物街嚟，呢條街喺上世紀六七十年代曾經係 Swinging Sixties 嘅發原地，孕育過唔少時裝界嘅潮流教主。
行完 Oxford Street，下晝我哋就諗住巡吓倫敦市啲有特色嘅市集。之前喺網上揾資料揾到喺倫敦有三個名稱叫 Market 嘅市集，本來只係諗住揾其中一個行吓，但呢日蕩吓蕩吓結果三個市集俾我哋去晒。
跟住要去嘅巿集係 Covent Garden Market，呢日我哋去過嘅三個 Market 查實得呢個叫做有啲嘢行吓。
我哋坐 Tube 去到 Covent Garden Station，Covent Garden Market 就喺呢個 Underground 站隔兩條街嘅位置度。
喺市集出面有幾檔街頭表演可以睇吓，啲表演本身唔算點特別，不過睇左幾個表演發覺啲表演者好似都有個共通點 ～
就係佢哋 chur 啲觀眾科水都 chur 得好落力吓，呢個同我之前喺其他北歐國家睇類似表演嘅感覺都幾明顯地唔同。第二啲歐洲國家啲街頭表演者對觀衆科唔科水呢件事冇表現得咁上心，但呢度啲表演者基本上真係三句唔埋兩句就提人要科水。
呢檔合奏表演其實係喺一間開喺地庫嘅餐廳度進行，我哋喺餐廳範圍外對上一層樓睇咗陣影吓相，竟然都有人拎住部卡機喺上層巡邏問人收打賞，我當堂心諗喺英國揾兩餐係咪真係咁艱難，實在未見過做騷收小費可以 chur 到咁盡。
呢個 Covent Garden Market 嘅範圍都幾大，當中分開好幾個小區，例如 Apple Market 主要賣蔬果，East Colonnade Market 就賣啲手功製品珠寶之類。
Jubilee Market 啲貨品感覺有啲似女人街，好多英國圖案嘅衫褲鞋襪手袋之類嘅貨品。
喺 Covent Garden Market 巡完舖，跟住就行返出去搭Underground 去第二度。我哋本身係諗住呢日早些少返住宿度攤唞吓，跟住夜啲再出動行吓夜街影吓夜景嘅。
嗰陣晏晝四點幾鐘咁早返歸又好似早過頭，於是決定快閃去埋 Leadenhall Market 影張相就走人返歸，就係咁呢日我哋就去晒三個之前搵到喺倫敦嘅市集。
行梗過去 Covent Garden Station 嗰陣途經一條叫 Floral Street 嘅街道，又真係有啲幾靚嘅花睇吓。我哋由 Covent Garden Station 坐 Tube 去到 Bank Station，一出站就見到 London Royal Exchange 同隔籬座 Duke of Wellington Statue。
呢座建築曾經經歷過火災又重建過兩次，依家已經成為一座寫字樓連同商場嘅商業中心。我哋都冇留意呢座嘢入面原來有商場行，都係返到香港查返先知，嗰日就咁經過就直向住 Leadenhall Market 嗰邊前進。
專登過嚟 Leadenhall Market 打個卡，原因主要係呢度曾經係電影 哈利·波特－神秘的魔法石 (Harry Potter and the Philosopher's Stone) 嘅其中一個場景。
見有些少時間剩搭 Tube 過去又唔使錢所以就過埋去係咁兒打個卡，個場主要都只係啲 Cafe 食肆，本身查實冇乜特别嘢睇。
出發前我喺倫敦揾到三個叫做 Market 嘅地方，其中一個就係呢度 Market Hall。
睇資料嗰陣話呢個 Market 專做飲食，我重以為係露天熟食市集嗰類嘢嚟。
嚟到先知原來係間樓上舖嘅 Food Court，上到去見到個場靜英英人影都唔多隻。
啲菜單價錢亦唔平，見冇乜嘢睇就落樓繼續行街。
我哋沿住 Oxford Street 向東一直行，查實巡嘅好多都係喺香港啲商場度熟口熟面嘅舖頭。
可能英國啲 VAT 銷售税都幾重吓，條街啲商品嘅價錢同香港比實在冇乜吸引力。
喺 Oxford Street 巡完一輪舖，行行吓撞咗入去呢條叫 Carnaby Street 嘅購物街，查實之前係完全冇計劃過嚟呢度行嘅。
Carnaby Street 係倫敦市中心 Soho 蘇豪區嘅一條購物街嚟，呢條街喺上世紀六七十年代曾經係 Swinging Sixties 嘅發原地，孕育過唔少時裝界嘅潮流教主。
行完 Oxford Street，下晝我哋就諗住巡吓倫敦市啲有特色嘅市集。之前喺網上揾資料揾到喺倫敦有三個名稱叫 Market 嘅市集，本來只係諗住揾其中一個行吓，但呢日蕩吓蕩吓結果三個市集俾我哋去晒。
跟住要去嘅巿集係 Covent Garden Market，呢日我哋去過嘅三個 Market 查實得呢個叫做有啲嘢行吓。
我哋坐 Tube 去到 Covent Garden Station，Covent Garden Market 就喺呢個 Underground 站隔兩條街嘅位置度。
喺市集出面有幾檔街頭表演可以睇吓，啲表演本身唔算點特別，不過睇左幾個表演發覺啲表演者好似都有個共通點 ～
就係佢哋 chur 啲觀眾科水都 chur 得好落力吓，呢個同我之前喺其他北歐國家睇類似表演嘅感覺都幾明顯地唔同。第二啲歐洲國家啲街頭表演者對觀衆科唔科水呢件事冇表現得咁上心，但呢度啲表演者基本上真係三句唔埋兩句就提人要科水。
呢檔合奏表演其實係喺一間開喺地庫嘅餐廳度進行，我哋喺餐廳範圍外對上一層樓睇咗陣影吓相，竟然都有人拎住部卡機喺上層巡邏問人收打賞，我當堂心諗喺英國揾兩餐係咪真係咁艱難，實在未見過做騷收小費可以 chur 到咁盡。
呢個 Covent Garden Market 嘅範圍都幾大，當中分開好幾個小區，例如 Apple Market 主要賣蔬果，East Colonnade Market 就賣啲手功製品珠寶之類。
Jubilee Market 啲貨品感覺有啲似女人街，好多英國圖案嘅衫褲鞋襪手袋之類嘅貨品。
喺 Covent Garden Market 巡完舖，跟住就行返出去搭Underground 去第二度。我哋本身係諗住呢日早些少返住宿度攤唞吓，跟住夜啲再出動行吓夜街影吓夜景嘅。
嗰陣晏晝四點幾鐘咁早返歸又好似早過頭，於是決定快閃去埋 Leadenhall Market 影張相就走人返歸，就係咁呢日我哋就去晒三個之前搵到喺倫敦嘅市集。
行梗過去 Covent Garden Station 嗰陣途經一條叫 Floral Street 嘅街道，又真係有啲幾靚嘅花睇吓。我哋由 Covent Garden Station 坐 Tube 去到 Bank Station，一出站就見到 London Royal Exchange 同隔籬座 Duke of Wellington Statue。
呢座建築曾經經歷過火災又重建過兩次，依家已經成為一座寫字樓連同商場嘅商業中心。我哋都冇留意呢座嘢入面原來有商場行，都係返到香港查返先知，嗰日就咁經過就直向住 Leadenhall Market 嗰邊前進。
專登過嚟 Leadenhall Market 打個卡，原因主要係呢度曾經係電影 哈利·波特－神秘的魔法石 (Harry Potter and the Philosopher's Stone) 嘅其中一個場景。
見有些少時間剩搭 Tube 過去又唔使錢所以就過埋去係咁兒打個卡，個場主要都只係啲 Cafe 食肆，本身查實冇乜特别嘢睇。
留言
發佈留言