行程最後一日，我哋朝早會出車去行吓一個叫 Seven Sisters Cliffs 嘅景點，諗住玩到 11 點零鐘就開車返機場交車。Seven Sisters Cliffs 呢個地方如果認真行嘅話查實係可以行足一整日，挑戰一條超過 20 公里嘅步道。

晏晝約莫四點幾我哋出車向下一站喺 Crowborough 嘅住宿處進發，途中諗住停一站買餸煮飯喇，點知揾嚟揾去因乜解究間間超市都打晒烊嘅？跟住先醒起喺 Harrogate 住嗰位朋友都提過我哋星期日英國大部份超市都會早啲收鋪嘅。

到尾二嗰日嘅行程，呢一日我哋會由 Wales 揸車去 Bicester Village 巡一巡舖，之後再返倫敦近郊嘅住宿落腳。

我哋今次英國之行尾二呢一站嘅住宿係喺 Wales 一個叫 Aberaman 嘅小鎮，平日應該冇乜遊客會嚟呢度，我哋嗰晚喺一間中餐館 Wok U Like 嗌外賣食，個中國人老闆係好好奇咁問我哋無喇喇做乜會嚟咗呢個小鎮度。

呢次我哋揸一程長途車嚟到 Dale Princess，原因係預訂咗去一處叫 Skomer Island 嘅 Day Tour，坐船上一座可以近距離親近 Puffin 海鸚鵡嘅島嶼遊覽，所以呢一日係我哋喺今次英國之行中最需要好天氣嘅日子。查實我哋到達 Dale Princess 嗰日黃昏啲風雨已經開始停，天空亦漸漸放晴。

我哋由 Bath 出發，目的地係 Dale Princess 嘅一處民宿。

開始第十日嘅行程，之前一日到達 Bristol 嗰陣已經見個天氣越嚟越差，到呢個朝早個天氣直頭可以用惡劣嚟形容。

我哋呢一站喺 Bristol 嘅住宿係經 Airbnb 預訂，一晚房租盛惠 HKD 1,171。

呢日我哋會離開 Bournemouth 轉場去下一站喺 Bristol 嘅住宿，途中會經過一個叫 Lyndhurst 嘅小鎮，喺嗰度諗住泊低部四個碌轉揸部兩個碌，喺一處叫 New Forest 嘅森林國家公園踩半晝單車。

行完 Stonehenge 我哋就出車返去 Bournemouth 住宿處，Bournemouth 呢個英國南部沿海市鎮有個起得幾靚嘅沙灘，我哋去超市買餸煮呢晚餐飯之前先去沙灘嗰邊行一陣。

入去 Stonehenge 個石陣之前要先經過一座收費亭連展覽廳嘅主樓，主樓出面有個幾大嘅停車場，可以免费泊車。

呢日朝早我哋先要返倫敦攞返本護照，由 Bournemouth 揸車返倫敦都要成三四個鐘車程，所以呢個朝早要倒塔咁早起身開車。 不過好似我哋咁想喺倫敦市中心區外租車揸入倫敦市中心有個麻煩嘅地方，就係喺倫敦揸車有幾樣同環保相關嘅收費，分别係 Congestion Charge (交通擁擠稅) 、ULEZ (Ultra Low Emission Zone Charge) 同 LEZ (Low Emission Zone Charge)。

呢一站嘅住宿位於一個叫 Bournemouth 嘅小鎮，經 booking.com 預訂，兩晚租金盛惠 HKD 2,378。

六七月係北歐好多薰衣草田收成嘅季節，亦係參觀呢啲紫色田地最佳嘅時機。喺倫敦週邊有好幾個薰衣草田都會喺呢段時間開放俾遊客付費參觀嘅，而今次旅程我哋就去咗呢個位於倫敦市東南面嘅 Castle Farm Kent 行一行。

呢日朝早我一路喺住宿處食早餐一路上網預訂一陣 River Cam Punting 嘅船飛，唔想趕喉趕命咁趕過去上艇，所以穩陣啲訂咗 10:00 起錨嘅船飛。 食完早餐執好行李 check-out 完，屋主好好人俾我哋泊低部車喺佢屋外到中午，咁我哋就唔使花時間再揾車位可以直接去躝街。我哋行到艇家度都未夠九點半，去問一問艇家有冇位俾我哋上早一班艇佢又冇問題，於是又可以慳返半粒鐘時間早上一班船。

今次行程除咗倫敦第一站嘅住宿有些少伏味之外，其他每一站嘅住宿都唔太差。

星期一朝早，朋友先出車載我哋去附近一個大城 Leeds 出車，呢次我哋係經 Sixt 租車，開始自駕行程嘅第一站係 Cambridge。

喺 Whitby 有座名為 Whitby Abbey Ruin 嘅遺跡，正路參觀呢個遺跡係要每位成人科水俾 £10 入場嘅，不過我哋嚟到已經五點幾過晒參觀入場嘅時間，所以只可以喺周邊行吓。

第二日朝早同朋友再出車，目的地係 Yorkshire 東岸一個叫 Flamborough Head 嘅地方，嗰度係英國夏天其中一個有 Puffin 出沒嘅地方，諗住大伙兒去郊遊吓碰碰運氣睇吓睇唔睇到呢隻比較特别嘅雀鳥。

行程第三日係星期六，本身係夾好周六日趁人哋放假去探一探早排移咗民過去嘅朋友，朋友係住喺 Yorkshire 近 Harrogate 嘅一個小鎮，我哋呢日朝早就由倫敦嘅 King Cross Station 搭火車過去。

打完卡回程行返去 Bank Station，途經一座工業風幾得意嘅建築，呢座嘢名為 Lloyd's Building，係保險巨頭 Lloyd's of London 嘅總部嚟。

搞掂本護照終於可以放心繼續行程，我哋搞護照嗰個位置剛啱就近 Oxford Street，於是就先去嗰度巡吓舖。去旅行我個人係幾想行吓當地啲有特色嘅市集，所以揾料嗰陣都會專登留意吓有冇啲市集係可以喺行程當中順道去行吓嘅。

同行朋友喺 Abingdon Street 行行吓發覺俾人扒咗個荷苞，當時喺條街度剛啱有個警崗，咁我哋第一個反應就係先過去問吓咁情況可以點做啦，嗰位警察叔叔就俾咗兩個選項俾我哋，一係就咁上網報案，一係就去附近 Charing Cross 一個警署報案，當時我哋就選擇走一程去警署度報案嘅。

呢次倫敦遊行程第一個景點係 The British Museum 大英博物館，查實出發前我係完全冇預過會去呢度，不過朝早落機等過海關嗰陣同行朋友忽然話想行吓博物館，咁喺倫敦要揾博物館行嘅話第一個諗到嘅就係呢度。

我哋喺倫敦呢一站嘅住宿喺 Victoria Station 附近，出咗機場之後我哋就搭 Tube 由 Heathrow Airport Terminal 5 站坐 Piccadilly Line 去到 Earl's Court 站，之後再轉 District Line 去到 Victoria Station 落車。

明白 Oyster Card 點買之後，跟住就講吓喺倫敦搭 Tube 轉車嘅問題嘞。喺 Appstore 或者 Playstore 度可以揾到好幾個可以查到倫敦嘅公共交通轉線資訊嘅 App，而今次我就用咗 Citymapper 呢個 App 去查倫敦 Underground 嘅路線。

班機喺朝早六點半咁上下到達 Heathrow Airport，出發前一個星期我已經聯絡過倫敦嗰兩晚住宿嘅屋主，事關佢間屋正式入住嘅時間係上晝 11 點，我哋班機又咁早到達，就諗住想問吓佢方唔方便喺佢間屋揾個位置俾我哋入得房之前先擺低啲行李咁啦，點知條友成個星期都唔覆我，我上機前幾個鐘再留言俾佢，諗住嗰陣當地時間都晏晝兩三點而我哋第二朝就到，咁你起碼都要覆我點開你間屋度門放我哋入屋呱，點知依然係音訊全無。

對上一次出門旅行已經係差唔多四年前嘅事，同好多香港人一樣，身邊總會有啲親戚朋友喺呢幾年間移民過咗去英澳加等等嘅地方；今次出門我哋就借啲兒約幾個移民過咗去英國嘅朋友聚一聚，順便就喺英國巡個圈行吓當地英格蘭同威爾斯嘅名勝景色。