文章

顯示從 2017 起發佈的文章

Fisherman's Wharf - 自駕巡遊美國西岸國家公園

我哋喺民宿放低啲行李同 Hea 咗陣,跟住就出車開去 Fisherman's Wharf 度揾地方食晚飯嘞。

San Francisco 住宿 ‧ 1565 Sunnyslope Avenue - 自駕巡遊美國西岸國家公園

又到睇樓嘅時間,最後呢一站我哋喺 San Francisco 落腳嘅呢一間民宿舖號叫 1565 Sunnyslope Avenue ,民宿位於三藩市嘅 Belmont,租金一晚盛惠 HK$1,808 大元。

Lower Yosemite Trail 下優勝美地瀑布 - 自駕巡遊美國西岸國家公園

開始我哋喺 Yosemite Park 第二日嘅行程嘞,呢日我哋諗住喺園區留到中午,食完晏晝就出車離場去下一站我哋喺三藩市落腳嘅民宿。之前一日行山行得比較 Chur,所以呢一日我哋諗住玩得 Hea 些少,朝早十點先收拾行李上車離開民宿。

Nevada Fall @ Yosemite National Park - 自駕巡遊美國西岸國家公園

離開 Vernal Fall 上游繼續向東行,就開始進入 Nevada Fall Trail 嘅路段嘞,喺呢段山徑起步點側邊有一個名為 Emerald Pool 嘅水池,我哋喺春天溶雪季節嚟到呢度就見到個激流澎湃咁嘅場面喇,不過到咗夏天呢度嘅水流平靜返嗰陣,就會有途經嘅遊人喺呢度玩水游泳。

Vernal Fall ‧ 弗納爾瀑布 @ Yosemite National Park - 自駕巡遊美國西岸國家公園

開始我哋喺 Yosemite Park 第一日嘅行程嘞,我哋呢日諗住行一段有少少 Chur 嘅山徑去睇兩個瀑布 ~ Vernal Fall 同 Nevada Fall;之前嗰晚比較夜先至到達民宿,所以呢日我哋諗住瞓晏些少,到朝早 10:00 先出車。

Yosemite Park 住宿 ‧ Scenic Wonders Loft Condominiums - 自駕巡遊美國西岸國家公園

今次喺 Yosemite 入住嘅呢間民宿,係我哋成個美國之行當中唯一間位於國家公園園區內嘅民宿嚟。

Sequoia National Park 美洲杉國家公園 ‧ General Sherman Tree 薛曼將軍樹 - 自駕巡遊美國西岸國家公園

開始我哋呢次美國之行第八日嘅行程嘞,呢一日我哋嘅行程比較簡單,主要喺揸車駛向呢晚嘅落腳點優勝美地國家公園,途經美洲杉國家公園 Sequoia National Park 會盡量爭取時間入去行吓。

Death Valley to Yosemite 住宿 ‧ Whispering Meadows Apartments - 自駕巡遊美國西岸國家公園

呢間民宿舖號叫 Whispering Meadows Apartments ,經 Booking.com 預訂。

Mesquite Flat Dunes ‧ Mosaic Canyon @ Death Valley - 自駕巡遊美國西岸國家公園

喺 Badwater Road 同 190 號公路交界點附近可以揾到一座名為 Furnace Creek Visitor Centre 嘅遊客中心,我哋就喺呢度揾到個有蓋嘅車位泊低部車,揾個洗手間洗一洗手同喺車上食埋個簡單嘅午餐。

Zabriskie Point 扎布里斯基角 ‧ Badwater Basin 惡水盆地 ‧ Artist's Palette @ Death Valley - 自駕巡遊美國西岸國家公園

呢日我哋嘅行程比較 Chur,朝早 8 點就要出車去今次美國之行嘅第三個國家公園 ~ Death Valley National Park 死亡谷國家公園。

Death Valley 住宿 ‧ Near Death Valley - 3 Beds 2 Baths Home - 自駕巡遊美國西岸國家公園

呢晚我哋喺小鎮 Pahrump 落腳嘅係呢間 Near Death Valley - 3 Bed/ 2 Bath Home ,Pahrump 係 Death Valley 附近一個叫做大啲啲嘅小鎮,喺呢個鎮住一晚主要係想揾個就近嘅地方留宿,方便之後嗰日可以近啲出車去 Death Valley。

Mike O'Callaghan - Pat Tillman Memorial Bridge ‧ 麥克奧卡拉漢 - 帕特提爾曼紀念大橋 - 自駕巡遊美國西岸國家公園

查實出發前我哋根本冇留意到有呢個可以睇到胡佛水壩全相嘅位置,都係我同行啲朋友喺水壩上面行嗰陣睇到有個介紹呢條橋嘅水牌。

胡佛水壩 ‧ Hoover Dam - 自駕巡遊美國西岸國家公園

呢日我哋會喺猶他州出發,經亞利桑那州返去內華達州,跟住再喺亞利桑那州同內華達州之間走嚟走去。

布萊斯峽谷 Bryce Canyon ~ 錫安國家公園 Zion Park 住宿 ‧ Comfort Inn at Convention Center Saint George - 自駕巡遊美國西岸國家公園

我哋喺 St George 落腳嘅呢間酒店舖號叫 Comfort Inn at Convention Center Saint George ,經 Booking.com 預訂,一間兩張床嘅套房一晚租金盛惠 HKD 740,我哋想多張床同多個洗手間用所以就租咗兩間套房,如果加多少少錢嘅話查實一間房住四個人亦可以。

錫安國家公園 Zion Park 到聖喬治 St George - 自駕巡遊美國西岸國家公園

大約晏晝四點幾我哋返到停車場,跟住落嚟行程嘅路線我哋大至上有兩個選擇。

Bryce Canyon National Park 布萊斯峽谷國家公園 - 自駕巡遊美國西岸國家公園

喺酒店食完早餐,辦好退房手續之後就出車開始我哋第五日嘅行程。

Horseshoe Bend ~ Antelope Canyon 住宿 ‧ La Quinta Inn & Suites Page at Lake Powell - 自駕巡遊美國西岸國家公園

喺 Page 呢一站我哋住咗間貴價少少嘅酒店,酒店舖號叫 La Quinta Inn & Suites Page at Lake Powell ,經 Booking.com 預訂,一間兩張床嘅套房房租每晚盛惠 HK$ 970,俾貴少少嘅話查實可以四個人屈入一間房度嘅,不過我哋想住得寬敞啲所以租咗兩間套房嚟住。

Upper Antelope Canyon 上羚羊峽谷 - 自駕巡遊美國西岸國家公園

未講晏晝喺羚羊谷嘅行程之前,想先講少少報團嘅資料。羚羊谷係當地印第安納瓦霍族人 (Navajo) 嘅地頭嚟,就算有車都唔可以自己揸車入去,要入去玩就一定要幫襯當地納瓦霍族人辦嘅導賞團。

Horseshoe Bend 馬蹄峽灣 - 自駕巡遊美國西岸國家公園

開始我哋第四日嘅旅程,呢日嘅車程比較輕鬆,由 Flagstaff 出發去到目的地 Page 只係 130 英里嘅路程。

Grand Canyon 住宿 ‧ La Casa Bonita of Old Town - 自駕巡遊美國西岸國家公園

大約夜晚七點半我哋揸車到達呢晚落腳嘅小鎮 Flagstaff,未返民宿之前我哋先喺鎮上一間 Safeway 超市買餸準備一陣自己晚飯自己煮。呢晚我哋落腳嘅呢間 La Casa Bonita of Old Town ,都喺經 Airbnb 租嘅,間屋一廳三房,有一個浴廁,租金一晚就盛惠 HK$1,180 大元。

大峽谷國家公園 Grand Canyon National Park - 自駕巡遊美國西岸國家公園

呢日我哋會去參觀今次行程中嘅第一個國家公園 ~ 大峽谷國家公園,朝早我哋喺民宿食完早餐,八點零鐘就出車開始今日呢段 280 英里嘅車程。

夜遊 Las Vegas 拉斯維加斯 - 自駕巡遊美國西岸國家公園

我哋快手快腳將車上嘅行李搬返入屋之後,就即刻起錨出車,先去隔離街 W Spring Mountain Road 揾地方食個晚飯,嗰度有條都幾多選擇吓嘅食街。

Las Vegas 住宿 ‧ Inviting 2/2 Mintues from The Strip - 自駕巡遊美國西岸國家公園

未去拉斯維加斯賭返鋪之前,先嚟參觀吓我哋呢晚落腳嘅呢間民宿,呢間 Inviting 2/2 Mintues from The Strip 都係經 Airbnb 預訂,房租一晚盛惠 HKD 1,032 大元。

Barstow Station ‧ 全球最高温度計 ‧ Seven Magic Mountains - 自駕巡遊美國西岸國家公園

喺美國旅行其中一樣我唔多鍾意嘅就係美國地方實在係太大,由一個景點去另一個景點郁啲都三四百英里路程,長途車程中間冇乜世藝嘅話都真係幾悶吓。

Hermosa Beach 荷摩沙海灘 - 自駕巡遊美國西岸國家公園

今日我哋會嚟一個穿州過省嘅行程,由加利福尼亞州揸車去內華達州嘅拉斯維加斯。朝早我哋先喺民宿度自己早餐自己煮,食完早餐就開始呢日嘅行程嘞。

Los Angeles 住宿 ‧ Small & Cozy Home - 自駕巡遊美國西岸國家公園

我哋第一站喺洛杉磯落腳嘅民宿係呢間位於卡森 (Carson) 嘅 Small & Cozy Home ,民宿係經 Airbnb 預訂,房租一晚盛惠 HKD 1,120 大元。

到達 Los Angeles 洛杉磯 - 自駕巡遊美國西岸國家公園

今次程飛機上落基本上都算準時,上機幾個鐘之後就開始派晚飯,落機前幾個鐘派多次早餐,全程機大約 13 個鐘,差唔多同日晏晝三點鐘我哋就到達洛杉磯國際機場;嗰邊機場入境都真係幾繁忙吓,條人龍又長啲海關員工又緊張,過關成個過程感覺自己好似隻鴨仔係咁俾啲職員趕嚟趕去。

自駕巡遊美國西岸國家公園 - 準備篇

今年四月尾我哋去咗轉美國西岸,主要目標係西岸南部嘅幾個國家公園;未開始講行程之前,先數一數出發前嘅準備功夫。

Tuomiokirkko 赫爾辛基主教座堂 ‧ Senaatintor 參議院廣場 - 冰島夏日環島自駕遊

Helsinki 嘅教堂嚟講,我個人最想去行吓嘅係 Temppeliaukion Church,不過我預計返到赫爾辛基再搭車去到哩間教堂嗰陣嗰邊應該已經關咗門入唔到去;望返手上有限嘅資料,當時我哋唯一去到重開梗門夠時間俾我哋入去行吓嘅教堂就只得 Tuomiokirkko 赫爾辛基主教座堂。

芬蘭堡 Suomenlinna ‧ Sveaborg - 冰島夏日環島自駕遊

喺 Senate Square 對出近海旁有個碼頭,可以喺嗰度上船乘搭去芬蘭堡嘅渡海小輪,哩程小輪嘅班次都好密,每日 0620-2200、每隔一小時有兩班船開出,我哋用 HSL Region Ticket 就可以上船唔使另外俾錢。

赫爾辛基 Stockmann ‧ Havis Amanda 阿曼達銅像 ‧ Market Square - 冰島夏日環島自駕遊

行出機場出入境大堂有個巴士站可以揾到一條 615 號巴士線嘅總站,今次我哋來回萬塔機場同赫爾辛基都係坐哩條巴士線。

赫爾辛基萬塔機場 Helsinki Vantaa Airport - 冰島夏日環島自駕遊

未講哩大半日喺赫爾辛基嘅行程之前,想先巡一巡赫爾辛基萬塔機場 Helsinki Vantaa Airport。事原係我哋朝早六點幾就到步,不過跟住要搭嘅下一班返香港嘅飛機要到夜晚十一點幾先起飛,中間十幾個鐘時間,就當然冇可能留喺機場度齋等上機喇。

科帕沃於爾 Smaralind ‧ 凱夫拉維克 Keflavik - 冰島夏日環島自駕遊

離開 Snæfellsnes Peninsula 去 Keflavik 途中我哋經過一個叫 Borgarnes 嘅小鎮,喺嗰度我哋揾咗間 N1 油站附設嘅餐廳先搞掂餐晏晝。

教堂山 Kirkjufell ‧ Gatklettur 石拱門 ‧ Ytri-Tunga Beach 海豹黑沙灘 - 冰島夏日環島自駕遊

哩日係我哋喺冰島最後一日嘅行程,朝早我哋都係喺民宿度自己早餐自己煮,食完早餐就執行李出車,第一站先去 Grundarfjörður 一個必遊景點 Kirkjufell Mountain ~ 教會山。

格倫達菲厄澤 Grundarfjordur 住宿 ‧ Grundarfjordur Guesthouse and Apartments - 冰島夏日環島自駕遊

今集嘅樓盤傳真就等我哋嚟睇吓哩個位於 Grundarfjörður 嘅租盤 Grundarfjordur Guesthouse and Apartments 啦。首先要提醒各位準租客,租盤同租務接待處係位於唔同嘅位置,參觀示範單位之前就要先睇清楚下面個地圖,清楚知道去邊度安排入住手續,同邊度先係樓盤真正嘅位置嘞。

布倫迪歐斯 Blonduos ‧ 格倫達菲厄澤 Grundarfjordur - 冰島夏日環島自駕遊

原本我預計大約中午十二點可以騎完馬離場,如果嗰日咁嘅鐘數可以離場嘅話或者我會考慮哩日 Chur 少少去埋 Hvitserkur 先去下一站嘅民宿;可惜哩個朝早我哋騎完馬可以上得返車離場已經係晏晝一點幾,比預計晏咁多離場嘅話就冇乜懸念嘞,大伙兒一於開車直踩到下一站嘅民宿,所以哩日晏晝查實冇乜特别嘅景點會去到。

Varmahlid 騎冰島馬體驗 - 冰島夏日環島自駕遊

之前一日我哋喺到達民宿之前,先去今早諗住幫襯嗰間辦騎馬活動嘅 Hesta Sport 打咗個招呼,因為咁我哋知道哩日朝早可以十點半先過去搞報團手續,加上嗰間 Hesta Sport 距離我哋住宿嘅位置只係幾分鐘車程,所以哩日朝早我哋就可以瞓到黃朝百晏先起身再慢慢煮個早餐,到民宿其他住客個個都出晒門,我哋重喺個廳度搲梗腳趾;腳趾搲到十點零鐘我哋就起錨出車去哩間 Hesta Sport 度報團嘞。報團嗰陣除咗要填一份有關一般個人資料嘅表格之外,重要每人簽一張生死狀。查實我哋今次報嘅只係一個俾冇騎馬經驗初學者玩嘅初級團,團費就盛惠每位 ISK 6,805 大元。

Varmahlid 住宿 ‧ Sydra-Sskordugil Guesthouse - 冰島夏日環島自駕遊

我哋大約晏晝八點到達 Varmahlíð,未去民宿之前我哋先去附近一間舖號叫 Hesta Sport 嘅地方,諗住碰吓運氣睇吓嗰度會唔會重未收舖,可以問吓第二日朝早有冇騎冰島馬嘅初級團可以報。又幾好彩雖然去到舖頭已經打咗烊,不過舖頭重有職員未走,問到第二日朝早可以出到十一點鐘嘅初級團之後,我哋就開車踩去哩晚落腳嘅民宿嘞。

Godafoss 高莎瀑布 ‧ Akureyri - 冰島夏日環島自駕遊

由 Reykjahlíð 去 Akureyri 途中會經過 Goðafoss 高莎瀑布,一場嚟到當然要喺度停一停車影張相打個卡先再起錨繼續行程喇。

黑色城堡 Dimmuborgir 迷宮遊戲 - 冰島夏日環島自駕遊

Dimmuborgir 喺一個遍佈著火山活動特有地形嘅一個景點嚟,話說二千三百年前,喺 Þrengslaborgir 同 Lúdentsborgir Crater 一次嘅火山爆發,當時岩漿流入位於 Dimmuborgir 嘅一個湖度,湖中嘅水份被岩漿蒸發,水蒸氣由岩漿冒出,當岩漿喺咁嘅狀況之下冷卻凝結,最後就形成家陣喺 Dimmuborgir 所見咁一座座岩柱咁嘅地貌。

地熱谷 Namafjall Mud Pots ‧ 惠爾火山 Hverfjall Crater - 冰島夏日環島自駕遊

開始我哋喺冰島第八日嘅行程嘞,哩日我哋諗住喺夠鐘離開 Diamond Circle 出發去下一站嘅民宿之前,盡可能走訪位於 Reykjahlíð 一帶嘅地熱景點。

Husavík 出海觀鯨 - 冰島夏日環島自駕遊

今次我哋係幫襯一間舖號叫 Húsavík North Sailing 嘅觀鯨團出海,我哋參加嘅係一個名為 Whales, Puffins and Sails (NS-2) 嘅船團,船程來回大約四個鐘,途中會先去一個可以睇到 Puffins 嘅小島,跟住再去睇鯨魚,船團收費就盛惠每位 EUR 100 大元。哩間公司重有另一款都大路嘅觀鯨團,團名係 Húsavík Original Whale Watching Tour (NS-1),哩個團同我哋參加嗰個主要嘅分别係冇咗睇 Puffins 嘅行程,船程就少咗一個鐘,團費亦平啲盛惠 EUR 78 大元。

黛提瀑布 Dettifoss ‧ Selfoss - 冰島夏日環島自駕遊

下一站嘅 Dettifoss 黛提瀑布,喺一座位於 Jökulsá á Fjöllum River 嘅瀑布,哩條河流係一條由南至北延申嘅河流,喺河流東面同西面嘅岸邊都有可以觀賞瀑布嘅位置。如果係諗住去西岸嗰邊睇瀑布嘅話就要經 862 號公路入去,東岸就由 864 號公路入。

馬蹄峽谷 Asbyrgi Canyon - 冰島夏日環島自駕遊

開始我哋喺 Diamond Circle 嘅第二日行程嘞,哩日朝早陽光充沛,我哋先喺民宿度食過早餐,大約朝早九點零鐘出車,第一站先去 Ásbyrgi Canyon 打個白鴿轉。

Husavik 住宿 ‧ Gamli Skolinn Husavik - 冰島夏日環島自駕遊

我哋由 Mývatn Nature Baths 出發沿住 87 號公路行車,大約旁晚八點就到達我哋哩晚入住嘅民宿 Gamli Skólinn Húsavík 。

米湖溫泉 Myvatn Nature Baths - 冰島夏日環島自駕遊

一場嚟到米湖 (Mývatn) 哩度,就點都冇理由唔去吓哩度著名嘅米湖溫泉 (Jarðböðin við Mývatn / Mývatn Nature Baths) 浸番轉嘅。

Gufufoss ‧ Stora Viti Crater ‧ Leirhnjukur - 冰島夏日環島自駕遊

哩日朝早煮完個靚嘅早餐食,跟手執拾好行裝,大約九點零鐘就出發開始我哋喺冰島第 6 日嘅行程。離開民宿嗰陣我哋將條門匙放返入單位地下個信箱度就可以。

海鸚鵡 @ Borgarfjordur ‧ Puffin - 冰島夏日環島自駕遊

都夜嘛嘛成六點幾七點咁晏到底我哋重要出發去邊呢?查實哩日夜晚我哋計劃去 Borgarfjörður Eystri 碰吓運氣,希望睇到喺冰島只可以喺夏天嗰兩三個月先有機會一見嘅一種雀鳥 ~ Puffin ‧ 北極海鸚鵡。下面個地圖就記錄咗由 Egilsstaðir 去到 Borgarfjörður Eystri 嘅一段行車路線。

Egilsstadir 住宿 ‧ AtHome Apartment - 冰島夏日環島自駕遊

我哋之前入住嘅民宿間間都有個接待處,咁好自然跟住 GPS 地圖嚟到第一件事就諗住揾個接待處喺邊啦。之但係嚟到見到哩度得個停車場四圍人影都冇隻 (停車場對面重要係一個墓地嚟)。我哋喺停車場度搲晒頭,搲咗陣先醒起我出發前出咗電郵去每間預訂咗嘅民宿度,知會聲我哋將會大約乜時間到步,以防預訂嗰陣有乜錯漏可以出發前拆掂佢;而當中大部份民宿嘅回覆都係話收到我個電郵同提返佢哋接待處嘅辦工時間之類咁,之但係哩間民宿就比較特别,佢哋係覆咗個電話號碼過我,叫我一到步就打電話俾佢。

向 Egilsstadir 進發 - 冰島夏日環島自駕遊

哩日我哋去到下一站喺 Egilsstaðir 嘅民宿之前都冇乜好特别嘅景點要行,都係途中揾啲叫做有少少嘢睇嘅地方停一停攤抖吓;下面個地圖就記低咗哩個朝早我哋停留過啲中途站嘅位置。

Hofn 住宿 ‧ Seljavellir Guesthouse - 冰島夏日環島自駕遊

又睇睇我哋喺 Hofn 哩站住嘅民宿係點環境,哩一站嘅民宿同上一站一樣都係冇廚房設備嘅。

Jokulsarlon 冰河湖 - 冰島夏日環島自駕遊

Jökulsárlón 係冰島最大嘅冰川湖,哩個冰川湖嘅南邊近海岸線有個出海口,沿住一號公路有一條行車橋橫過哩個出海口嘅河道。喺哩條橋嘅東面同西面近出海口有幾個停車場,下面個地圖就標示咗哩幾個停車場嘅位置。

Falljokull Glacier 冰川健行 - 冰島夏日環島自駕遊

我哋出發去冰島之前已經預約定哩日朝早十一點出發嘅冰川團;朝早十點半我哋由停車場揸車返去 Skaftafell 嘅遊客中心,起行之前重有半個鐘時間俾我食埋個早餐先出發。